المشعلاني لك منادي والعلم خير.......

[مشعان]

السلام عليكم ياجماعه....
ومساكم الله بالخير كل باسمه.

المشعلاني ان كان ماعندك شغل اقرب الله يحييك.





ياسلام الله عليكم ياجماعه=عدّ ماتمطر هماليل الخيالي
ردة(ن) من شاعر(ن) عنده براعه=مايحسب للخطر باول وتالي

[المشعلاني]

وعليكم السلام والرحمه ومساك الله بالنور . هلا بك يامشعان والطيب نلبيه



مرحبا بك والشكاله والشجاعه=من شروط الطيب في روس الرجالي
مانت لاقي لك شفيع ولا شفاعه=كان ماتصرف مثل صرف الريالي

[مشعان]

مرحبا وهلا وشاكرك لتلبية الدعوة لاخلا ولاعدم...



استلم لاهنت:



شفت بعض الناس مافيها طماعه=في مهب الريح وان هبت شمالي
ماتعرف السوم وان جبت البضاعه=ابتلشنا عطني الحل المثالي

[المشعلاني]

المرض ماجابته حتى الاشاعه=والوجع فالكبد من فوق الطحالي
يسترالله لا يجي نقص المناعه=في جسد بنت ابن غانم والهلالي

[مشعان]

العلاج اللي لهذا سمّ ساعه=مايعرف الشمس من فًي الظلالي
أويرحّل عن بلدنا مع متاعه=منزل اهل الطيب فرسان القتالي

[المشعلاني]

علّم عتيبه ولا تنسى خزااعه=بالقضيه والاشدّه للجمالي
من تحزم في حزام بلا سراعه=مثل من جوّد طراميث الحباالي

[مشعان]

والله اني لانشره عبر الاذاعه =أويقول ارجوك لاتنشر خمالي
طاح في غبة بحر مافيه قاعه=عن شواذيب البحر ماله مجالي

[المشعلاني]

الحقيقه وضعها غير الاشاعه=والصحيح انه طرالك ماطراالي
واخرة من عض بسنوونه ذراعه=مايفرق في الحرام وفي الحلالي

[مشعان]

بالصريمه ما خبر حطو زراعه=مايعيش الزرع لوعامين سالي
قلت له بالعقل واسلوب القناعه=ماافتهم حصني يضبّح بالمفالي

[شاعر روق]

صح لسان شاعر هالمحاوره لانه طلع ماشاء الله اثنين في واحد

واصل ياغاالي واصل ولي عوده وتعليق من نوع اخر

[المشعلاني]

صح لسان شاعر هالمحاوره لانه طلع ماشاء الله اثنين في واحد

واصل ياغاالي واصل ولي عوده وتعليق من نوع اخر


صح بدنك بس شلون ثنين في واحد؟؟!!

انا والله مالتفت لهرجك اللي في محاورتك مع الرجال مار معلمك انا اناا وهو هو. كبر عقلك الله يرضى علاك

[المشعلاني]

طيب طيب يامشعان استلم



العمل ياصاحبي قدر استطاعه=والنوايا تختلف مر ٍ وحالي
لو تكيله مايجي مليان صاعه=مار كف العلم واحذفله توالي

[مشعان]

هلا والله بالمشعلاني...انااشهد انك انت انت وانا انا....

لكن يقول الشاعر/

خل المغفل لين يشبع من ارياه......ويعلمنه مقبلات الليالي



استلم لاهنت/





والله انه عندنا مثل الفقاعه=الضعيف ضعيف مايرقى الجبالي
مايميز خلها عندك وداعه=عن خطاه تعلمه غبر الليالي