من شاف أبن مسلم

[راعي الطيبه]

الأخ / أبن مسلم

بعد إذنك إذا لم يكن هناك إزعاج لك
أحببت اللاعب معك ,,


استلم لاهنت::



يامرحبا ترحيبة مثل الكريم امع البخيل=ردة وفاء لهل الوفاء ماسكرت بيبانها

يابن مسلم سرها والدرب قدامك طويل=خابرك شاعر تضبط الحبة على نيشانها

دمت بود راع الطيبة

[ابن مسلم]

راعي الطيبه

ياهلا ومسهلا حياك الله

وأستلم أستلم


إعداد مانجمٍ طلع وأعدادماخيل مخيل =
يامرحبا ترحيبة(ن)مايختلف ميزانها

أنته علاك تقودها وأنا معك ماني بذليل=
أماتوقع في الهدف ولاتصيروزانها

[مزلزلهم]

السلام عليكم ورحمة الله وبركاته

صح الله السنتكم ياشعار المنتدى

لكن يابن مسلم كيف الرجال يرحب بك وانت ترحب به !!!!

[راعي الطيبه]

صح لسانك يابن مسلم


وستلم لاهنت::



أقودها لو زندها يقدح قدم خشم الفتيل=واليا ركبنا الخيل ماقامت تلوك اعنانها

الذيب ماهرول عبث والذيب مايبغى دليل=امنادي الطارف وراه ايروح من ميدانها


دمت بود راع الطيبة

[شاعر روق]

راعي الطيبه وابن مسلم

صحت السنتكم واصلوااا

والصفوف وقوف

اما ملاحظتك يامزلزلهم حبيت اقول لك انها طبيعيه

دام انهم اهل محل كلهم

تقديري

[ابن مسلم]

المعذره على التأخير

صح لسانك وأستلم

خلووووووووووها



كل (ن) من الايام يالصاحب يحصل له حصيل =
أحدن كسب قولة نعم وأحدن كسب نقصانها

ومنادي الطارف أظنه يوم عزم للرحيل =
طالت عليه السالفه والناس وسط أوطانها

[ابن مسلم]

مزلزلهم صح بدنك


وأظن أن أبوسعود عطاك الجواب الكافي

وحياك الله

[ابن مسلم]

شاعر روق


هلا وغلا يابعد حيي

تشرفنا بوجودك لاكن ترى ألآتصال عندي ماهوب جيد

شكراً

[راعي الطيبه]

الله الله الله صح لسانك يابن مسلم

أستلم لاهنت::


اللي يبا قطع الفرج لازم يدور له صميل=المهمهيه قدم عينه مخلية عربانها


حط الشروط الصارمه وحذر تحط المستحيل=حتى تميز يا عميلي عجفها وسمانها




دمت بود راع الطيبة

[راعي الطيبه]

شاعر روق ومشرفنا المميز

مرورك شرف وتعليقك ذهب

دمت بود راع الطيبة

[الطوفان]

ابن مسلم
صح لسانك وصح لسان راعي الطيبه

تحياتي

[ناصر بن سعدي]

راعي الطيبه

و


ابن مسلم


بارك الله فيكم...ولازلنا نتابع الإثاره....



وتقبلوا تحياتي...ومتابعتي..

[راعي الطيبه]

الطوفان

ناصربن سعدي

جززيل الشكر موصول لكما وعلى مروركما

تحياتي

[ابن مسلم]

صح لسانك

الله الله الله


بنت الهلالي أحْدَرَتْ عقب العصر بطن المسيل =
والناس فيها يأبيض الشارب تلد أعيانها

وانته على خلق الولي لوقلت لي خلك وكيل =

بعض الأوادم حالف(ن)والله لهد أسنانها

[ابن مسلم]

الطوفان

و


ناصر بن سعدي


ياهلا ومرحبا وصحت أبدانكم ووجودكم شرف لي لكم تقديري

[راعي الطيبه]

طيب طيب صح لسانك!!!!!!!!!


أستلم لاهنت::


بنت الهلالي لن مشت ما سميت عابرسبيل=تنصى البيوت العامره واللي على عمدانها


الخلق فيها صافي الأخلاص والثاني عميل=يلعب على الثنتين ويمشي على غشمانها



دمت بود راع الطيبه

[ابن مسلم]

خلوووووووها
أقول الله يكفينا شر تواليها ياراعي الطيبه

الظاهر أنك تبا تنشبنا لاكن الله يعين

أستلم أستلم



للمحترم عندي إحترام وللثاني السيف الصقيل =

بالطيب ولابالغصب نرضي بها زعلانها

حنا هل الطالات يابن العم مزبنة الدخيل =

يشهد على قولي هذاه حروبها ومطرانها

[راعي الطيبه]

ياسلام يابن مسلم


لا إنشاء الله ما نتناشب ياروقي

أستلم لاهنت::


نعم(ن) بكم والظلم ماله عندنا بيت ومقيل=رؤس الرجال اللي تحسب احسابها عدوانها


ياراعي الفكسار حاسب لا تغرزفالنثيل=من كثرها ماعاد اميز شكلها والوانها

دمت بود راع الطيبه

[ابن مسلم]

هييييييييييييييييييييه
خلووووووووووووها

الله الله الله


ماذمكم يأصحابنا صاحين ولافيكم هبيل =

الله يخلي للرجال الصاحيه عمانها

أنا على الفكسار ولاأنته تدف الأزموبيل =

مافيه حاره جيتها ماتحذفك ورعانها

[راعي الطيبه]

ياولد ياولد خطير يابن مسلم حتى لون البيوت صار أحمر


أستلم لاهنت::


إن كان ابن مسلم نسى حنا شربنا السلسبـيل=سقنا العطف فالحزة اللي شابك(ن) دخانها


ياجارنا كفـّـتك حذرى لا تهز ولا تميل=جتك الرسائل والرسائل واضح(ن) عنوانها

دمت بود راع الطيبة

[ابن مسلم]

الله الله

أبشر ك إنها عوافي ياراعي الطيبه

أنتم وحنا أخوان يأبن العم في وجه القبيل =
ومن عادت العينين ماتعلا على حجانها
الطيب ورث أجدودنا جيل (ن)يجي من بعدجيل=
عتبان والهيلاءعلى العلياهذا ديدانها

[راعي الطيبه]

الأخ أبن مسلم

اللعب مع شاعر مثلك شرف وتشرفت به
ماقصرت وبيض الله وجهك تحياتي

[ابن مسلم]

راعي الطيبه


وأناكذلك شكراًلك

وأمل أن أكون قد وفقت في مجاراتك وشكرً