*** خــبــول الـقـبـايـل ***

[و ر ا د]

يامشارية الضلوع الـي مـن انفاسـي .. قريبـه"" مالقيت لشرهتي بين الضلـوع الجـرد .. شايـل

سمت الهقـوة وطاحـت عنـد مـن لاينهقيبـه "" اضربي يااعظم طعوني للصبر اروع .. مثايـل

ابتديت ارسم على صدر السماء صورة !! كائيبـه"" مايغطيهـا الظـلام ولاتغيبـهـا .. المخـايـل

هب نسناس الهبوب .. وحرك غصـونً رطيبـه "" واحترق صدري وجوفي يافهد تقـدح .. فتايـل

حسني ماحسني .. والليل تسمـع عـوي ذيبـه "" والذيابة مارضت بالعيـش مـع كـل الفصايـل

الرجل اهون يموت !! ولايجـي شـيءً يعيبـه "" كيف يصحى من ضميرة للسقوط المـر .. آآيـل

ياذخر من هو نهار الموت الاحمـر !! ينعديبـه "" ينعديبه !! لاسرجـوا للفتنـة ظهـور الاصايـل

التفت لي وابعـد التفكيـر عمـا قـد .. يريبـه "" انتهى خبرك ماهـي لحيـة مكاتيـب ورسايـل

القلوب ضياق مـدري ليـة ؟؟ والدنيـا رحيبـه "" والعرب سلم العروبـة فيـه رضيـوا بالبدايـل

يجحد المعروف واتباع الذمم في سوق !! خيبـه "" والخطا ماحداً يقول انه خطـا وقـت الصمايـل

لازرعت الزرع زرعك ازرعه .. بارضً خصيبه "" تثمر وتجني ثمرها في .. ضحـى رد الجمايـل

والرجل .. ماكل شـيءً مـن قصيـاة بيجيبـه "" مايجيبه !! غيـر فعـلً ينذكـر بيـن الفعايـل

يجتهد .. في فعل كفة ليـن يرضـخ لـة طليبـه"" يجعلة عبرة زمـانً يعتبـر بـة كـل !! عايـل

وادري ان ماحداً بياخـذ فالحيـاة الا .. نصيبـه "" مير يالله فـي نصيـبً ينعـدل بـة كـل مايـل

علمو !! هاك السيـوف بعلـم حـراب لحريبـه "" مايطولـة حدهـا مـنـي تـوريـة الهـوايـل

مارقيـت الا بروسـك يالمشاريـف .. الرقيبـه "" ولانزلـت .. الا باشيلـك يالحمـولات الثقايـل

وانت ياللي !! تحسب انك بالحكـي كـلً تعيبـه "" ماتعيب .. الا شبيهك مـن ذميميـن الخصايـل

مايزعلنـي سـرور .. ولاتفرحنـي مصيـبـه "" و لاتعلمت !! الشماتـة طبـع راعيـن الرذايـل

اشتري نفسي .. الا شفـت المجالـس مستريبـه "" حقها عندي مادنس عرضهـا مـع كـل قايـل

الردية !! يوم تاتي من ردي ماهـي .. غريبـه "" الغريبـه!! يـوم ارد العقـل لخبـول القبـايـل

يحشمون الكلب !! لاخطا.. حشمةً لهلـه وطيبـه "" وانتة.. المحشوم من حشمة هله والشـك زايـل

[الحصان]

صح لسانك قصيدة جزله والله لايهينك

[سمران القثامي]

الأخ الغالي والشاعر الرااائع/وراد اشهد بالله انك ابدعت فيما كتبت



ولالالالالالالاغرابه اتحفنا بالمزيد من الروائع لاعدمتك





أخوك/ سمران القثامي

[السعار]

صح لسانك ياوراد عزالله انك ماقصر وقلت قولا رائع وتستاهل النثاء وتسلم يمينك

[و ر ا د]

الحصان



الف شكر لجميل المرور والتعليق



لاهنت وماننحرم

[مرضي القيفان]

الأخ / وراد
صح لسانك ولا هنت 0
00000
قصيده جزله من شاعر جزل
تحتوي على تعبير خاص
مع الكثير من الحكمة 0
ولكل حادث حديث0
هب نسناس الهبوب 00 وحرك غصونً رطيبه=
واحترق صدري وجوفي 0 يافهد تقدح فتايل0

0000

ننتظر منك المزيد من الروائع يا وراد



تقبل تحياتي وتقديري

[و ر ا د]

سمران القثامي




مرورك هو المطر الذي اروى عطش متصفحي





الف شكر وماننحرم

[و ر ا د]

السعار




الف شكر لجميل المرور



وماننحرم من تشريفك الدايم

[و ر ا د]

مرضي القيفان




الف شكر لجميل المرور




وماننحرم من تشريفك الدايم