الليل يابو سعود الليل

[الطوفان]

اشتقنالك يابو سعود لاهنت



الليل يابو سعود الليل مافيها جدال ونقاش= الحرب دارت رحاها في اليمن واشوف دخانها

سوق الحضارم بلاه الله دكاكينه خيام وعشاش=وبضاعته ماله قيمه وتخرب وسط دكانها

[شاعر روق]

هلا وغلا يابو عبد الرحمن ولا تغلي الا من يغليك يعلم الله

الحرب دارت رحاها واستدارت فوق حبٍ هشاش=والشجره ام الثمر طاحت بفعل السوس عيدانها
والوادي اللي يضلل بالشجاري راح كله قشاش=حام الدهر فوق هذيك الديار وكفت امزانها

[الطوفان]

تسلم يابو سعود



وين الغناويه اللي دفعهم بالنقد حاضر وكاش=شدو وخلو عجوز ابليس تقعد عند ورعانها

يالله دخيلك من النقصان صارت في النهايه عراش= وانته وانا ياشقر الجنحان مانبكي على شانها

[تركي الشيخ]

(((وين الغناويه اللي دفعهم بالنقد حاضر وكاش =شدو وخلو عجوز ابليس تقعد عند ورعانها)))

صح لسانك يالطوفان

وصح لسانك ياشاعر روق


وبيض الله وجيهكم

[سيف العتيبي]

الطوفان وابو سعو صح الله لسانكم طاروق رايع


تحياااتي لكم

[شاعر روق]

ياسلام ياسلام



عافوا ديار العجوز اللي تقلطهم بليا فراش=واليوم خشم العجوز ام الكباير بين كرعانها
ماعاد فيها عراش ولاش فيها يالعتيبي معاش=وابوابها سكرت من جور واليها وسلطانها

[بنت* عتيبة]

صح لسانكم جميعا.
تسمحون لي استمتع بالابيات.؟

[الطوفان]

اضحك ليا شفت ناصر جاء مع السدحان في فلم طاش=مهازل الناس فيها يضحك العربان عنوانها

ايو الله انا نشوف اللي تشوفه رايحه في انكماش=مابقي الا الحنوط وغسلها وتحط في اكفانها

[مزلزلهم]

اللللللللليل

مسيتم بالخير مع اول رجوع بعد الصيفيه الطويله هذي يكون الحضور مع الطوفان وشاعر روق

لاوالله الا زانت الجلسه واستوت


اضحك ليا شفت ناصر جاء مع السدحان في فلم طاش
مهازل النـاس فيهـا يضحـك العربـان عنوانهـا

ايو الله انا نشوف اللي تشوفه رايحه فـي انكمـاش
مابقي الا الحنـوط وغسلهـا وتحـط فـي اكفانهـا

يحا يحا

الصفوووووووووووووووووف وقوووووووووف

اليييييييييييييييييييييييل

[شاعر روق]

هههههههه


اضحك وانااضحك ليا جتهم رقيه مسرعه بالغراش=تصبها فوق ناصر والسناني يلعب اوزانها
ياجعلها من مصيبه في مصيبه دوم وتصيرماش=اللي تزعل قرايبها وتفرح روس عدوانها

[شاعر روق]

ابو عبد العزيز مرحبا ومسهلا
نورت الصفحه بقدومك
تقديري

[شاعر روق]

سيف

مرحبا ومسهلا ياغالي

حضورك ووجودك اضاء الصفحه

تقديري

[الطوفان]

تري رقيه يمثل دورها ناقص وفاسد ولاش=لكن ياقشرها لاذرعت من دق ذرعانها

وليا اقبلت مايسرك ووجهها والوجه فوقه قماش= وليا رفعت القماش اوحيت باذنك صفق لحيانها

[الطوفان]

تركي الشيخ
يامرحب بك اسعدنا مرورك
تحياتي

[الطوفان]

سيف العتيبي

اررررررررررررحب وهلا وغلا
تحياتي

[الطوفان]

بنت عتيبه

حياك الله

تحياتي

[الطوفان]

مزلزلهم

اررررررحب والحمد لله على سلامة الوصل

يسعدنا حضورك

تحياتي

[ابن مسلم]

الطوفان

و

شاعر روق
صبحكم الله بالخير

إبداع منقطع النظير واصلوا عساكم على القوه

[شاعر روق]

على قشرها نفقها ابو مساعد مار راحت بلاش=تبرعت له بكلوتها وقابلها بنكرانها
مالله ستر وجهها لوانها حطت عليه الخياش=تلعب على الوجهتين والا توفي حق صدقانها

[شاعر روق]

بنت عتيبه

حياك الله

تقديري

[شاعر روق]

مزلزلهم

مرحبا ومسهلا والحمدلله على السلامه
واجازه سعيده
تقديري

[شاعر روق]

ابن مسلم

هلا وغلا ارحب يابن العم

حضورك وجودك مكسب

تقديري

[إبن ثعلي]

عاشوا الشاعرين وهكذا الشعر من ناحية دفن المعنى والا بلاش شكرا لكما والشكر موصول للمتابعين
تحياتي للجميع

[شاعر روق]

هلا وغلا يابن ثعلي

اسفرت واسفرت الصفحه بوجودك واشادتك من تواضعك

تقديري

[الطوفان]

هههههههههههههههههههههههههههههههههههههههه
ايه ايه


ابو مساعد نوا الحجه رقيه يفترشها افتراش=واخطا طريقه وحط الملتوي مابين حجانها

من بعدها طاح حضه صابته عين القشر بالرعاش=ثم انسدح رافعٍ رجليه والرجلين بدهانها

[الطوفان]

ابن مسلم

حييت وحضورك يسعدنا

تحياتي

[الطوفان]

ابن ثعلي

هلا ومرحبا وجودك وسام شرف لنا

تحياتي

[شاعر روق]

ههههههه الله يرج شيطانك


مسكينةٍ ودها بالستر يالطوفان والانتعاش=والعود جاير وظالم غرته تركيبة اسنانها
وهيه سقط حظها عقب السعاده مثل سهم الخشاش=بالمكروالجور يلعب في مشاعرها ووجدانها

[سيف قحطان]

السلام عليكم
مساكم الله بالخار جميع

ابو عبدالرحمن وابو سعود

شعار من الوزن الثقيل يستحقون المتابعه

سجلوا اعجابي وصحت السنتكم

تحياتي

[شاعر روق]

وعليكم السلام يابو حسين

واشادتك من تواضعك لاعدمناك

تقديري لسمو شخصك

[الطوفان]

هههههههه


المشكله كل ماقرب لها جاها زحير وعطاش= لارحنبوها عجوزٍ زاد محنتها وشيطانها

لو صنفروها واغسلت غسل بالديتول ولا الفلاش= حرام ماتنظف رقيه ولاتسعد بخلانها



ابو سعود اللعب معك له طعمه الخاص سلمت يالغالي والتغطيه من عندك ان احببت وتصبح على خير

[شاعر روق]

لا بالله ماعاد ورى تغطيتك تغطيه يابو عبد الرحمن
سعدت وتشرفت باللعب معك لاعدمتك

تقديري لك

[سيف قحطان]

ابو سعود ما عليك زود وانتم تستاهل اكثر من كلامي


تحياتي لك للطوفان

[الطوفان]

سيف قحطان

يامرحبا الف والله يحييك

وجودك يسعدنا ويشرفنا

تحياتي لشخصك الكريم

[العاصف]

هههههههههههههههههههههههههههه

الله واكبر عليكم ياثنين

الطوفان& وشاعر روق

صحت السنتكم

لكم اطيب التحيه