*****{{ أقرب جاي ياذياب الله لايهينك}}****

[ابن مسلم]

مساك الله بالخير ياذياب وأقرب الله لايهينك أبي أمزح أنا وياك شوي لوسمحت



سلام الله على الهيلاء سلام الله على الأجناب = سلام(ن) من هجوسٍ صادقه من قلب ولساني

أنا لي مدةٍ ياصحابنا مبطي(ن) ماشفت ذياب = عسى ماشر يأبن العم ياللي تزبن الجاني

[سيف العتيبي]

صح لسانك يابن مسلم
مبدا كايف وشاعر تستحق منا المتابعه

تحياتي لك

[ابن مسلم]

صح بدنك ياسيف

ولاعلاك زود

مار ذياب كان موجود قبل شوي والظاهر أنه طلع ما نتبه لي

شكراً لك على تواجدك

[راعي الطيبه]

صح لسانك يابن مسلم


بدايه مثيره ومزح من نوع خاص

متابعين وبلهف لطاروق ممتع


دمت بود راع الطيبة

[ناصر بن سعدي]

الغالي


إبن مسلم


بدايه مثيره....وبإنتظار ذياب...


وتراني بصفك...ولايهون إخونا ذياب...

[ابن مسلم]

راعي الطيبه

صح لسانك

شكراًلمرورك

[ابن مسلم]

ابن سعدي

هلاوغلا وأرض تنقى من كل بلا


لي الشرف بوجودك بجانبي

[شاعر روق]

ابن مسلم صح لسانك وسلم بنانك

مبدع كعادتك

وبانتظار ذياب

تقديري

[الطوفان]

صح لسانك يابن مسلم

وقاف كايف

تحياتي

[ذياب]

مسيك بالنور يابن مسلم وانا مريت وطلعت ورجعت للقسم الاسلامي وقمت احوس فيه
وتوني اشوف بيوتك المعذره


هلا يامرحبا ترحيبة الاقراب بالاقراب=اقوله من هجوس(ن) صادقه من ماض الازماني

تدورني وأنا ماجود دايم وانشد الاصحاب=ومن دور لنا بالمعرفه والطيب يلقاني

[ذياب]

الاخوان اللي شاركونا بالصفحه

مشكورين و مجملين

[الشــــيبانــي]

صح لسانك يابن مسلم
ومشكور

[ابن مسلم]

معذور ياذياب

وأستلم الله لايهينك


أنا جيت الفريق اللي قطين (ن) فوق عد جراب = لقيت أربوعنا ياذياب فيهم حل شيطاني

أحد يضحك رياء وأحد(ن) لياقفيت حد الناب = أبومهباش والنباش والثالث حمياني

[ابن مسلم]

شاعر روق

و

الظوفا ن


و
ا لشيباني
صحت أبدانكم وياهلا ومرحبا وشرف لي تواجدكم معي شكراًلكم

[ذياب]

ابن مسلم مدري كيف نطقها
مير اخذها على ماجت فالبيت


تجيهم يالعتيبي ماوقفت الماقف الغصاب=تخش الباب الاول ثم تطلع من على الثاني

ترى رمي العرب يابن مسلم فوق وانت أتهاب=ولو خاف الحرامي من يلومه يالعريباني

[راعي الطيبه]

صح لسانك يا ذياب

واصل وأنا في صفك ضد ابن مسلم ههههههههه

؟؟؟؟؟؟؟؟

[الشــــيبانــي]

تسلم ياذياب وصح الله لسانك
والله لايهينك

[شاعر روق]

معذور ياذياب

وأستلم الله لايهينك


أنا جيت الفريق اللي قطين (ن) فوق عد جراب = لقيت أربوعنا ياذياب فيهم حل شيطاني

أحد يضحك رياء وأحد(ن) لياقفيت حد الناب = أبومهباش والنباش والثالث حمياني



ههههههههههه

الله يلوم اللي يلومني فيك يابن مسلم
هنا اقف ساعات وايام عند هذين البيتين
لله درك من شاعر

ولا يهون اخي ذياب

تقديري لكما واصلوا

[البرواز]

صح السانك بن مسلم

وصح السانك ذياب

تقبلوا تحياتي

[ابن مسلم]

أسف على التأخير ياذياب أنت والربع بس كان عندي عمل وتوي جيت . أما أبن مسلم (( فهو ضد الكافر ))


خلوووووووووها


أنا ما أمشي مع النصاب والبواق والكذاب = على سلم العرب ياصاحبي المرحوم ربا ني

ليامنك قطعت الروس قالوا ماتت الأذناب = ورمي (ن) مايصيب الروس حطه بين الأمتاني

[ابن مسلم]

شكراً لكل من شارك معنا

وأنت ياشا عر روق ماعلاك زود ومنكم نستفيد

[ذياب]

اييييييييييييييييه


أنا مرضا مذمه (للعتيبي) علم الاجناب=توقع لا تفقع والعلوم اشكال والواني

وأنا من يوم شفت ابناء حليمه فالزمان أحزاب =ذكرت الله وبسم الله وياربي لا تبلاني

[ابن مسلم]

الله الله الله

الأجناب قد سرت ياذياب

لاكن أستلم أستلم



علامك يالعصيمي ويش بلاك تطيح فالأطناب = أوريك الطريق الزين لاكن أنت تعصاني

أجل مادام هاذا الحال راحوبرجلها الشياب = صحيح إن الزمن هذا زمن هندي وورعاني

[الجوووري2]

صح لساانكم
ولا هنتواا
هههه

عجبتوني
اسمحولي اتابعكم

[ابن مسلم]

الجوووري2


صح بدنك وياهلا ويامسهلا

لك إحترامي

[ذياب]

اذا المحاوره ماهيب حاضر بحاضر لاتشره
بس اهم حاجه لايجي البيت مكسور
على سلم العرب ياصاحبي المرحوم ربانـي

مادام أنك تلوى بالسلم وتفتح الابواب =عليه بالحرام انك طعام الذيب سرحاني
تقوله ياعميلي وأنت لا صادق ولا نصاب=وطير ابرق مايعرف منسبه من غار جنحاني

[ابن مسلم]

خلووووووووها

الظاهر إن طولنا تهاوشنا
لاكن أستلم


أستلم الله يحييك



أنا من لابة (ن) وقت الملاقى تفتل الأشناب = لهم صيت (ن) ظهر بالطيب وعم بكل الأوطاني

ليا ركبوا على قحص المهار ودارت الآسباب = وتعزووا قالوا اْلآد روق وأنته لاتحداني

[ابن مسلم]

الأ خ / ذياب


سعدت باللعب معك بالرغم من أننا لن تواجد في وقت واحد وهذا يرجع لارتباطات خاصه
شكراً لك ولكل من شارك معنا والتغطيه لديك إن أحببت ودمت بخير

[بدوي متعلم]

بدوي متعلم مشكور على حضورك والمحاوره انتهت والدخول بهذا الشكل مرفوض

[ابن مسلم]

بدوي ومتعلم

صح لسا نك على هالمداخله الحلوه

لاكن من اللي قالك أنا إخوان بدو ا
الناس تطورت ههههههههههههه

شكراً لك

[ذياب]

هههههههههههه
هوشه مانا بمتهاوشين كان خمخمه:)




ولا ياطيب اخو هملا كسا بعض البنات اثياب=سترهن وانستر ستر الوجيه الشهب يافلاني

الا يانعم في حمايت المركي بدون اعتاب=وباق الناس لولا الكذب مايطلع لهم شاني


:rolleyes:
ابن مسلم صح السانك ولنا لقاءات اخرى

[رفيع المقام]

صح لسانك يا الذيب ذياب وصح لسانك يا ابن مسلم
وانا اتشرف بان اكون في صف ذياب..ولايهون ابن مسلم والصف واحد

[ذياب]

صح بدنك يارفيع المقام
ووجودك شرفني
أخوك /ذياب

[بدوي متعلم]

للمره الاخيره يتم التعديل

والفاظك هذي محسوبه عليك