ياراكـب اللىـي عـارف (ن)مبـلغه بيـش

[البرواز]

ياراكب اللى عارف (ن)مبلغه بيش=عزاه للمفلس يمره على ماش
مايشتريه اللى امورة تناويش =متعند راعيه يبغى الثمن كاش
مازاودوبه بالحراج المغاشيش=ولا دخل التصليح فى وسط الاوراش
جديد ما تلقى ببديه نقاريش=تو البواخر حولتبه من الطاش
جمس حمر مايستوى للدراويش=يجوز لغلام(ن)نصوب وبناش
بطران مايدرى على الجمس حتيش=لو كان قدامه مطانيج واحراش
كنه غريق(ن)شافق(ن)لقطت القيش=والا سكير(ن)شارب(ن) خمسة اغراش
ولا تقول مهرب بالطلب حيش =حمله حشيش وراكبه تقل حشاش
حدوه من لبنان حمر الطرابيش=واقفى معيف بتالى العمر منحاش
اربع مفارز بين جندى وشاويش=والكل منهم قام يصلاه رشاش
اقفى معيف ولا تفيد البخاشيش=يبى يتنصى اخوان صيته بالاوباش
يهوى مع البيدا كما ناقض الريش=او مثل جول(ن) للثميلات عطاش
ويلمع كما لمع المزون المراهيش=اومثل عبرود(ن) تولاه نتاش
ويسرى كما التيار لاركب الفيش =والا كما لمح المصور بالافلاش


مهدي بن عبار

[إبن ثعلي]

مشكور يالبرواز على حسن الاختيار وصح السان شاعرها
تحياتي

[البرواز]

الشكر لك انت اخي بن ثعلي على المرور

وكذلك على التواصل


بس ودي انشدك ياخوك مادامك المشرف العام

مدري كم مدة دورة المستجدين عندكم

تعرف كل مالديت النظر لأسمي القاه عضو جديد

مافادة فيه المشاركات


ماعليش اخوي طلعت خارج النص

وهو خروج متعمد لكسر حاجز التعامل الرسمي بيننا

تقبل تحياتي

[ابن مسلم]

البرواز سلمت يمينك على النقل الرائع

وصح لسان الشاعرمهدي بن عبار

ولك تقديري

[رمح عتيبه]

تسلم علي القصيده الرئعه

[مخاوي النشامى]

البرواز
سلمت يمينك على نقل القصيدة الرائعه
وصح لسان الشاعر مهدي بن عبار

[محمد العتيبي]

البرواز يعطيك العافيه على نقل القصيده وصح لسان الشاعر بن عبار

تحياتي

[البرواز]

لكم مني الشكر جميعا على المرور

وتقبلوا تحياتي

[برقاوي هواوي]

تسلم يمينك يالبرواز وصح لسان قايلها

[البرواز]

مشكور اخوي برقاوي على المرور


تقبل تحيات البرواز

[النـايــــــف]

صح لسانك اخوي البرواز

وصح لسان الشاعر مهدي بن عبار

وبيض الله وجهك يا الغالي

على هذا الاختيار الرائع

تحياتي لك ،،،،

[البرواز]

صح بدنك اخوي النايف

اشكرك على المرور والتواصل

تقبل تحيات البرواز

[ابن عبيدالسليس]

بيض الله وجهك
مايشتريـه اللـى امـورة تنـاويـش
متعنـد راعيـه يبغـى الثمـن كـاش
ااااااااااااااااااه الطفره ذبحت العالم
الله يعين وانا اخوك
ومشكووووووووووووووور للقائل والناقل

[البرواز]

ووجهك يالسليس

بالفعل ذبحت الناس والكل صار يشكي منها

اشكرك على المرور والتعليق

وتقبل تحياتي

[العابر000]

أحب اصحح معلوماتك اخوي البرواز ان هذي القصيده ليست لمهدي بن عبار بل هي لاخيه عبد الله بن عبار العنزي وانا ما سجلت بهالمنتدى الى علشان هالسالفه ومايصلح تنقل قصايد ما تعرف من راعيها تاكد اخوي وبعدين انقل ..... وتقبلوا تحياتي ومروري

[ابوسـعد]

قصيدة جزلة وصح لسان القائل والناقل....وياهلاااااوغلاااا

[ابوسـعد]

أحب اصحح معلوماتك اخوي البرواز ان هذي القصيده ليست لمهدي بن عبار بل هي لاخيه عبد الله بن عبار العنزي وانا ما سجلت بهالمنتدى الى علشان هالسالفه ومايصلح تنقل قصايد ما تعرف من راعيها تاكد اخوي وبعدين انقل ..... وتقبلوا تحياتي ومروري

هلااااااا بالعابر ويامرحبا بك في منتدى الهيلاااا ويمكنك التصحيح على شرط المصدر....وعليك الاثبات ليقوموا الاخوة بالواجب...ونتشرف بوجودك بيننا...وياهلاااوغلااااا