شباب ياللي عليك شعور منثوره !!!!!!!!!!

[نديم القمرا]

شباب ياللي عليك شعور منثوره

ارفع مقام الرحوله لاتخربها


بيتين لشاعره اظنها فتاة الوشم

فهل هناك من يعرف تكملتها !!!!!!!!!!!!!!!!!



وشوكرن:D

[الحصان]

سوف تجدهافي ديوان الشاعره قريباَ ان اشا الله في هذه الشبكه

[نديم القمرا]

طيب وقريبا هذي كم يوم يعني !!!!:confused::confused:

ماذبحنا يالعرب الا قريبا قريبا :D:D

يالله بننتظر الين ياصل قريبا;);)

[الخيّال]

هذه القصيده وأعتقد بأنها ليست كامله وبها بعض الاخطاء ومن لديه القصيده كامله ارجو أن ينزلها لنا


ياناس عيني من الموعات مذعوره=ونفسي شباب الفلس جابو حضايبها

وقلبي يزوم الزعل والكبد ممروره=حسيت باللي عيوبه ما يحس بها

لقيت رجلٍ وفيه من المرة صوره=تمشي على العيب نفسه ما يعاتبها

ليته لبس له بلوزه فوق تنوره=يوم المناقيد ما يخشى عواقبها

يوم يتمخطر يقلد مشي غندوره=عن مشيت الرجل للخفرات يقلبها

قلته وانا من شباب اليوم مقهوره=كيف الحمايل تجنب عن مذاهبها

أهل الخنافس غدو لابطالنا عوره=ياكيف نجد يتمشون بمناكبها

شباب ياللي عليك السود منشوره=أرفع مقام الرجولة لا تخربها

ترى الشجاعة لجيش صف طابوره=نقالة البندقية مع مقاضبها

جيشٍ بهم دارنا تفخر ومنصوره=دونه عماره على الأخطار يجلبها

عاشو حماة الوطن من عهد أخو نوره=درع الجزيرة لياشبّت حرايبها



تحياتي

[السعار]

عزالله ماقصرت والله يطول عمر المرأة اللي شعرها يجي في محله وقولها تفصيل ...

[نديم القمرا]

بيض الله وجهك يالخيال على ايرادك للقصيده

انا اشهد انك خيال وتسلم لاعدمناك...............



بس المره اللي قالت القصيده منهي هل هي فتاة الوشم والا غيرها

ومن هي فتاة الوشم ذي......

[الخيّال]

فتاة الوشم من شاعرات قبيلة عتيبه المشهورات

وانا لا اعرف اسمها وعلى ما أعتقد انها من

فخذ الغبيات من الروقه وهي من سكان مدينة شقراء

ولذلك لقبة نفسها بفتاة الوشم 0

وسوف انزل لها قصيده ثانيه قريباً انشاء الله

تحياتي

[العود الازرق]

فتاة الوشم اسمها هيا الغبيوية

ومثل ما قال الخيال هي من سكان شقراء