الموضوع :مشكله

[عنبر راح المطعم]

عندي موضوع بخصوص الشايب نخش بالموضوع :
انا عندي شايبن بخيل وبغيت منه موتر بس مشكلته انه ما يبي يشتري لي
وش اسوي له فزعتكم يا بني عمي

[ساحر الكلمه]

طاعة الوالدين واجبة
حاول معة بلتي هي أحسن

حنن قلبة يمكن تخرج بشي

مشكلتك صعبة الله يعينك

الساحر

[ރسلايـل المجـدރ]

انا اتوقع المشكله منك انت مهى من الشايب

والدليل اسلوبك في كتابة الموضوع شايب بخيل

فيه احد يذم ابوه قد الناس حتى ولو كانوا بنى عمه

اتوقع انه خايف عليك والمسالة مافيها اي بخل

آسف على ردي هذا

اخوك

راعي سبلا

[سلطان القثامي]

انا اشوف لو انك تجلس معه وتتكلم كلام ولد لابوه اظن قلبه بيحن عليك

وانت حاول وش انت خسران

[إبن ثعلي]

بلاش تروح المعم ياعنبر خلك في البيت وكل فيه ولازم شايبك على شان يرضي عليك ولايبخل عليك بشي
تحياتي

[عنبر راح المطعم]

مشكورين يا شباب على العموم انا بحاول فيه وخلوها على الله

[بدوي متعلم]

الاخ عنبر المشكله فعلاً فيك انت اولاً -يااخي بدل شايب قول الوالد مثلاً ابو عنبر---------الخ
وبعدين عمرك كم ياعنبر ؟وحالوا معه وترى الوالده لها دور كبير استعين بها والدعاء الدعاء ثم الدعاء

محبتي (بدوي متعلم )

[صهيل قلم]

الاسلوب الحسن

والمعامله الصحيحه


المغلفه با الاحترام والتقدير


تكون بمثابت السحر الحلال


وعندها فقط تأخذ ماتريد












.

[عنبر راح المطعم]

مشكوره يا سكونه وبخصوص المطعم يابن ثعلي ماقدر على فرقاه لو على موتي
ويا راعي تهقا كذا استغفرالله انا اشهد انك صادق

[أبونايف]

عندي موضوع بخصوص الشايب نخش بالموضوع :
انا عندي شايبن بخيل وبغيت منه موتر بس مشكلته انه ما يبي يشتري لي
وش اسوي له فزعتكم يا بني عمي


أولاً : هداك الله يجب إنتقاء العبارات التي تستخدمها للحديث عن والدك ، فقد قال عزوجل ( ولا تقل لهما أوف ولا تنهرهما ) فكيف لك بوصفه بالشايب وبالبخل !!! وبعدين عدم رغبته في شراء سيارة لك ليست نهاية الكون ، فاستغفر ربك ورح سلم على راسه ويدينه فأنت في نعمة كبيرة ان لك أب وأم تبر بهما لعلهما يرضيان عنك .. فوالله العظيم ان رضاهما عليك يسوى سيارات الكون كلها ...

أرجو أن تتقبل نصيحتي لك النابعة من خوف عليك من أن ينالك شيء من سخط الله ..

[حسام هوازن]

والله يولد العم لايوجد غير ان ترى

الوالد هل ظروفه تسمح له ان يشتري لك موتر ام لا

وان كان لايستطيع شراء سيارة لك فلاتغضب عليه

فهو بالاول والاخير والدك والاسلام

طالبنا بااحترام الوالدين واللبر بهم

[}{مفارق ضنين}{]

السلام عليكم انا بصراحه راح اكووووووووووووووووون دفش معك شوي يا ابن العم

اولا :طبعا زي ما قلو الاخوان ما يصير تقول كذا عن ابوك يا بعدي زين

ثانيا: انت كم عمرك

ثالثا: الرجال ما يبلش بعمره الله مكثر اخوياه وعيال عمه

رابعا : الرجال يستحي يطلب من ابوه ريال فما بلاك سياره

5 : ليه ما تشتري لنفسك سياره يا خوي اجمعلك كم ريال وتشتري موتر على قدك ولا انت تبي همر

6 : الله يوفقك

[عنبر راح المطعم]

مشكورين على النصايح وبالنسبة لعمري يابدوي 21 شهر قصدي سنه
ابونايف ماقصرت

[مخاوي النشامى]

الله يهديك ويصلحك ياعنبر راح المطعم
أحسن معاملة والدك ولاتصفه بصفات لايقبلها العقل والدين
كيف تصف والدك بالبخل وهو من تعب عليك منذ ولادتك حتى
وصلت لهذا السن فتبادله الإساءة بدل إحسانه لك ورعاينه بك
تأكد أخي عنبر أن الوالد حنون على ابنه فوق ماتتصوره
وأمنيته أن تساعده وتقوم ببعض شؤون الحياة عنه ولكن يخاف عليك
من مخاطر هذه الحياة وماينجم فيها من حوادث يشيب لها الرأس
المثل يقول وأنا أخوك : أحسن إلى الناس تستعبد قلوبهم.............
الله الله في والديك فهما سبب سعادتكـ أو شقاؤك بعد الله في هذه الحياه