يا الحصان اقرب نبا نبدا مشاويرٍٍ طويله =

[مرضي القيفان]

يالحصان اقرب نبا نبدا مشاوير (ن) طويله =كل درب(ن) له حدود وكل حد(ن) له علامه0
صار لي نصف الشهر وانا ارقب بروق المخيله= مادريت الا ليا سيل المدينه فا المنامه

[الحصان]

جيت إلك مير انتبه للهيـّنـه والمستحيله = وإن لقيت شعيل لاتربط خطامه في سنامه

لاتخيـّل لك خيال ماتحصـّل من مخيله = غير ميقافك وركضك والخساره والندامه

[مرضي القيفان]

كل حر (ن) من حرار اعلا جبل تلقا مقيله= ودهو لشعيل يوم شعيل مايقرب خطامه0
شفت نو (ن) من بعيد ولا وصل دربي مسيله= عارف (ن) ميقافي المحتوم في يوم القيامه0

[طلال الثعلي]

مرضي القيفان


مادام الحصان الليله حاضر






لا والله الا دوب استوت الملعبه...







يالحصان الليله ابو شيهان من الجمهور....




تكفى شد حيلك:D




وانا مدرب صفك ...




:):):):):):):):):):):)
:D



والا مرضي القيفان يبي يصايحون علاه الجمهور وتبا تضيع نص اعلومه:D


ومدربه اقشر مادهن سيره

ههههههههههه



واصلو..



يححححححح يحححححححححححح

[مرضي القيفان]

الله مار يحييه ويحييك انت والصفوف0

الصفوف وان هم ياطلال ما شفت احد منهم؟




هين ياطلال ماتخلي عوايدك تشجيعك ضدي دايم
مار هين الايام جايات :D



الليل الليل الليل :D

[طلال الثعلي]

يامرضي القيفان


الحصان وين راح....





هذا على شان اني متحمس معه....





لكن اصبر يبي يروح يشرب له كاسة شاهي ويرجع...



انا خابره يحب الشاهي بلحيل...:D

[مرضي القيفان]

والله مدري مار يمكن انه راح وهو ما قرا الرد

ان كان ماراح يرقد اشوى وانا جالس احتري رده :D

[الحصان]

هلاوالله بطلال اشكرك على هاالتشجيع ورفع المعنويه ولكن ابوسعود و عتيبي نجد يشجعون مرضي القيفان ميراوريك فيهم ابا افتردهم كل واحدعلى حده ليا انتهيت اناومرصي القيفان


اخي مرصي القيفان تحياتي لك البارح انا وابوسعود نضيف صور ودواوين ولقأئات في واجهة الشبكة ولانيب يمكم

[الحصان]

انت رجال ٍ مع الطاروق ماتبغادليله=ميرجعلك يابيض الشارب تعوّدبالسلامه
يوم جبنا الزندوالصوان واشعلنا الفتيله=ليه بعض الناس عيّن لايقلّنه عضامه

[مرضي القيفان]

يوم حطيت الرساله جاك من يومي شليله"="
والسلامه فال من يفرض على الناس احترامه

مبتدا النار الشرر للغايه تبرر وسيله "="
والسعد من ربك المعبود ياراع الجهامه

[مرضي القيفان]

الحصان / العلم ويش الوقت طال:D

وانت ماجيت . سلامات يالغالي

[الحصان]

يوم حطيت الرساله جوني اصحاب الفضيله =والسلا مه دونهاياصاحبي طيب ورخامه
عارف ً مبدى اليهود وعارف ً راع الرذيله= والسيوف الحدب تكسرفالملا قا كل هامه

[مرضي القيفان]

من لفى بالطيب يلقى الطيب من فرد وقبيله"=" ياحروف الشعر قولى للحصان اعلن زعامه0
والمبادي واضحه والنبع يُــشرب سلسبيله"=" فيه روسً ما انحنت للسيف لو يعلن خصامه0

[الشبلان]

مرضي القيفان - الحصان , محاورة الحقيقة جميلة ومعاني قوية ومتكافئتان وصح لسانكما وتراكم طولتو واتعبتو الصفوف وتحياتي ومزيدا من التقدم :p:mad:

[الحصان]

النضرمرفوع يامرضي عن الناس الهزيله= والزعامه ياوسيع المعرفه لهل الكرامه
المبادي واضحه و السيل يجري مع مسيله = خل من في جبهته شامه وفي علباه شامه

[مرضي القيفان]

هلابك اخوي الشبلان عساك من اللى يشجعوني
طلال وربعه يشجعون الحصان :) والصفوف الله لايهينهم
توه الليل باوله :p

[مرضي القيفان]

من يصلي فرضه المفروض ما كب النفيله=ما رضى بقطعت صلاته في تهجده وقيامه0
خل بياع اللبن يشتال زبده في صميله =ياوسيع المعرفه شفت الرمك ثوّر عسامه

[الحصان]

لاتوميلي بكم البشت من راس البتيله=وانت رجال ٍٍتعدي من عدامه في عدامه
من يلدالشوف يمي راح وعيونه كحيله=والبكاياصاحبي مرفوض عقب الابتسامه

[مرضي القيفان]

والله ان الحق واضح كل جندي له فصيله= مار من يفتيه مابين حلاله من حرامه0
يامكحّل للعيون الرمد ياراع الكحيله = العتب قبل النشب والجفن مايقبل منامه

[الحصان]

خابرين الحق واضح والجزيله والهزيله =فرقهن بيّن مثل فرق الشدادعن المسامه
موترالطرقي تديره وانت ماتعرف مديله=لاتعاتبني على مفهوم مملوك الغشامه

[مرضي القيفان]

انتهى الخط القديم وكل رجل ً شال كيله= وابتدا خطً جديد من الحجاز ليا تهامه0
المطوع يوم برر فعلته واعزتيله= ماكسب فرخ الحرار ومن يده طارت حمامه

[الحصان]

ياقلوب ٍتفهمين العلم وقلوبٍ هبيله=شيخكم يفتي بزورولحيته كبرالثغامه
كل ثعلب شاهده عند المحاكم راس ذيله= بعض روس اصحابنا ياصاحبي تبغاحجامه

[مرضي القيفان]

يفصد الراس الوجيع ولو محاجيره هميله = والفتاوي للمشايخ كل شيخ إله استلامه0
يامداريج الرحى مابين محتالً وحـِــيله = اطحنوا حب الشعير مع الشقارا والثمامه 0