@لغز التحدي@

[سيف العطاوي]

أرجو من جميع الاعضاء المشاركه في حل هذا اللغز وأنا أعتبره تحدي فأين حلالة الالغاز
وانا والله اني خايف من ابن ثعلي الله يكفيني شره وأذاه




الا يــــاعبرتي ياكيـــــف رجالٍ ولد رجال = ولد من غير حمل وبالولادة شاف ماعافي
ولد هو ميت والميت يشيله حي بأحسن حال = وليا منه ركب فوقه ماحول عنه ياكـــافي

[بدوي متعلم]

إذا ماخاب ضني فهو حول البندق والطلق والله العالم


محبتي(بدوي متعلم)

[سيف العطاوي]

رمعتك جيده ولكن غير صحيحه




تحياتي لك

[إبن ثعلي]

اظنه ياسيف العطاوي العقال حين يعطف جزئين وتشيله اليد واذا ركبت طبقه فوق اختها ماعاد تحول
تحياتي

[الفطين]

السلام عليكم ورحمة الله وبركاته

رمعتي ياسيف العطاوي (الأســـــم) ...

_ ولـــد من غير حمل ...
_ هو ميت ويشيله حي (الأنسان) ...
_ وليا منه ركب على الرجال(استسمى) معد ينزل عنه ...

فيه رجال يغيرون اساميهم في البطاقه ولاتغير عند جماعتهم ينادونهم
باساميهم الاوله ...

[سيف العطاوي]

الاخ ابن ثعلي
رمعتك غير موفقه حاول مره اخرى

والله ماخفت الا منك ولكن عقب الرمعه هذي ماعاد علي منك

هههههههههههههههههههه

[سيف العطاوي]

الاخ الفطين رمعتك غير صحيحه

شف غيرها لعلك تصيب

[الفطين]

يمكن يكون الشيب ...

[سيف العطاوي]

مالك لوا ياالفطين

[الفطين]

طيب وش رايك في الختم >>>>> معليش أستحملني باغثك بكثرة الاجوبة
تحياتي ...

[فهد1]

السلام عليكم ورحمه الله وبركاته

صباح الخير

انااااا اقول انه ( الوسم ) في الحلال

[سيف العطاوي]

الفطين مالك لوا

والصحيح إنه ينخاف منك جهودك طيبه


تحياتي

[سيف العطاوي]

الاخ فهد

صح لسانك ورمعتك صحيحه

فعلاً (الوسم) هي الرمعه الصحيحه والمقصود وسم المطيه
أحسنت يافهد والصراحه ودي اقدم لك جايزه لما قمت به من جهد لان اللغز هذا ماكل واحد يتهقوى فيه الا أهل البل وأنت من هل البل

تحياتي للجميع

[عنبر راح المطعم]

اضنه البشت والله اعلم

[عنبر راح المطعم]

البشت