كل شاعر لازم يفصل ثياب العيد قده

[تركي الشيخ]

مسيتم بالخير

عن اذنكم يالربع


ياسلام الله سلام الشاعر اللي غاب مده = غاب مده ثم جاكم معتزي فوق الكحيله

كل شاعر لازم يفصل ثياب العيد قده = لايفصلها قصير ولايفصلها طويله

[شاعر روق]

الله يمسيك بالخير يابو عبد العزيز
والليل اللي تجي فيه ليل عيد واستلم طال عمرك



مرحبا ترحيب شاعر في اللقاء ماباح سده=ياعميلٍ لو يغيب سنين ماينسى عميله
والثياب مفصله بالقيس مار العلم عده=واعرف ان الهرج عن كثره يكفينا قليله

[ابـو حـمـود]

الله يحيكم الله معكم

[شاعر روق]

ابو حمود ارحب
شرفنا واسعدنا حضورك البهي
تقديري لك

[ابـو حـمـود]

تركي الشيخ
ياسلام الله سلام الشاعر اللي غاب مده@@ غاب مده ثم جاكم معتزي فوق الكحيله
كل شاعر لازم يفصل ثياب العيد قـده @@ لايفـــصلــها قـصير ولايفصلهـا طويلـه

شاعر روق
مرحبا ترحيب شاعر في اللقاء ماباح سده@@ ياعميلٍ لو يغيب سنين ماينسـى عميلـه
والثياب مفصله بالقيــس مار العلـم عـده @@ واعرف ان الهرج عن كثره يكفينا قليلـه

الله يحيكم كنت بجمع قصائدكم وعيت تنضبط معي لكن المعذره
والله يقويكم انستونا.

[تركي الشيخ]

ابو سعود عساك سالم وبيض الله وجهك وانت راع العلوم الطيبه

لكن فيه مشكله مايطلع عندي التنسيق في الرد


يالعلك للبقا والشيخ واقف عند حده = بالعلوم الطيبه في كل يوم وكل ليله

بعد جيت اسمع اعلومي ثم ود العلم وده = خلها ياصاحبي تاصل مداها للقبيله

[شاعر روق]

ماعليك زود والتنسيق لازم تستخدم المحرر كامل


يالعل اللي وقف في واجبه بكره يسده=بالوفا والطيب يوم ان الجميله بالجميله
هات علمك ثم اخذ في حامي الميقاف رده=هاتها كيله واخذ في سدها عشرين كيله

[صخر الشيباني]

واصلووووووووووووووووووا

[شاعر روق]

ارحب ياعتيبي انا
نورت الصفحه
تقديري

[تركي الشيخ]

المثل قد قال طيب الرجل من خاله وجده = وانت طيب مار جاك الحمل ليتك ترتكيله

من بنى بيته بليا ساس واجدارن يهده = عارفين البن الاشقر لاتجيب الجنزبيله

[تركي الشيخ]

ابو حمود

الله يبقيك يالغالي وبيض الله وجهك

[تركي الشيخ]

عتيبي انا

ابشر بسعدك

لاهنت

[إبن ثعلي]

مشكور ياتركي الشيخ وياشاعر روق على هذه المحاوره الجيده
تحياتي

[شاعر روق]

مايشيل الحمل غير شعيل واحذر لايحده=الحوار اللي ليا طال السفر ينثر حصيله
وابشر ان البيت ثابت واله عمدانٍ تشده=يفرح الصاحب ويغضب قوم وكبودٍ عليله

[شاعر روق]

ابن ثعلي
مرحبا ومسهلا ياشايبنا
حضورك نور للصفحه
تقديري

[تركي الشيخ]

طيب طيب


انت لو انك تفرَق بالمسامه والاشده = مارمتك البندق اللي زندها ناش الفتيله

مشكلتكم مشكله والا العلاقه مستبده = بين ذاك وذاك والا ذيك طبعاً مستحيله

[شاعر روق]

المقمع بندقٍ ترمي عيل من دون عده=ثورت في خندق الرامي وضوت له فشيله
والعلاقه طيبه واللي يشذ الله يرده=والتدخل عيب والعرّيف ماتبغى دليله

[تركي الشيخ]

طيب طيب



طيع شوري ياصحيبي وانسدح فوق المخده = والليالي يالعتيبي بين عدل وبين ميله

القضيه واضحه واللي معه سيفٍ يحده = والجزيره ذاعت الاخبار لكنها قليله

[تركي الشيخ]

اشكر الشاعر الكبير شاعر روق بيض الله وجهه

وانا استاذن جاني اتصال مهم ولنا لقاء غداً بمشيئة الله

[ابن مسلم]

تركي الشيخ وشاعر روق
صبحكم الله بالخير

وصحت ألسنتكم جميعاً

والمعذره على التا خير يابوسعود

توني رجعت للبيت لاكن إن قالها الله لأعوضك

وأني لأجيك بحقين خشم العان ( بكره يستلمون الرواتب ويمسكون الصف لو أنهم في عز القايله .هههههههه)

تقديري لكما

[** ولد روق **]

إلى الأمام