لبس غتره وثوب

[يالبى عتيبه]

مســـــــــــاكم الله بالخيــــــــــــــــــر...

وش حال الجميع كلن بحاله...


انا في خاطري اقولكم كم بيت لظرووف مرة علي.. وابي رايكم ويهمني تعليقاتكم...وردودكم


كنت بالدوام رايح مواصل وزام عصر ومعاي ألتهـــــــاب شديد ماخلاني أنــــــــام من البارحه في حلقــــــــــي...والله يوم جاء عصير مسيــــان على ماقالوا.. الا يوم جاتني مكــــــــــالمه نستني الالتهاب ونساني الدوام ونساني التــــعب من واحد عزيز وغالي على قلبي مايحتاج اوضح أكثر ..الوكـــاد ماهقيت ان فرحتي بالمكالمه مارح تكتمل الا ويصدمني بقولته ترى هذي آخر مره أكلمك وأستر على ماواجهت..ماطلع معي في وقتها الا ذالبيتين وسامحوني على القصور ...


المهم ماودي أطول عليكم....





حـــــول وقت العصير وعند وقت الغروووب=ضيقــة سببت لي في حشاي أكتئاب

لو حسبت المدامــــــــع مابقى لي ذنووووب=هل دمعي بخدي مثل وبل السحــــــــــاب

والله ان المشاكل جات من كل صوووووب=ولو حسبت المشــاكل ماحسبت لي حساب

صرت أضيع شمــــــــال وصرت أضيع جنوب=تاه فكري وعقلي مالقى له جووووووووواب

الهموم ألبستني لبس غتره وثــــــــــــــــــوووب=وألتهــــــاب المحبـــــه ماهوب أي ألتهــــاب

[إبن ثعلي]

صح السانك يالبى عتيبه ابيات رائعه جدا تشكر عليها
تحياتي

[ابوسـعد]

هلاااااااااااااااوغلاااااااااااااا بيالبى عتيبة....... والمواقف مثل هذه تمر على اي انسان.... اليوم صديق وبكره قوماني.... ولهذا يقولون .. خف من عدوك مرة وخف من صديقك الف مرة..... جرح الصديق لايعادله جرح...والتوسط في الامور جيد.... قال حكيم..

احبب صديقك حبا ما=عسى ان يكون عدوك يوما ما
وابغض عدوك يوما ما=عسى ان يكون صديقك يوما ما
الابيات التي ذكرتها امتدحها قاضينا العزيز ابن ثعلي ولازود على ماقال وهي بلاشك ابيات رائعه وياهلاااا

[عبدالله المرشدي]

صح لسانك


لاهنت

صح لسانك

بس لو طولتها زدتها ثلاثه ابيات

كان ياسلام

تحيتي

[يالبى عتيبه]

اللـــــــــــــــه لايهينكم يالربع...

ورايتكم بيضـــــــــــــاء..

ومروركم أحلى من شهــــــــــد العسل

[اخو من طاع الله]

صح لسانك ولا هنت على هذي الابيات الرائعه

[مخاوي النشامى]

صح لسانك يالبى عتيبه
أبيات رائعه تستحق الإشادة

[محمد العتيبي]

يالبى عتيبه

صح لسانك على الابيات الرائعه.
وهذي المواقف تطلع اللي في القلب.

تحياتي لك

[محمد الدعجاني]

مشكككككككككككككككككككككككككككككككككككور

[النـايــــــف]

صح لسانك اخوي يالبى عتيبه

وبيض الله وجهك يا الغالي

على هذه القصيده الرائعه

ولا تحرمنا من جديدك يا الغالي

تحياتي لك ،،،،