المساعد الشخصي الرقمي

مشاهدة النسخة كاملة : الليل يابن سعدي

علي العضياني
08-06-2006, 10:03 PM
الليل يا ناصر العازمي دوبه
والعرن مزبور والنار مشبوبه
ياشاعر(ن) عارفه واعرف دروبه=سبحان رب السموات سبحانه



يالعازمي خابر(ن) عندك مواعيد=لكن من وقتك ابغى ربع ساعه
ترى الهوى من بعد عليا وابو زيد=ما عاد به ياولد عاصي طماعه
إبن ثعلي
08-06-2006, 10:07 PM
صح السانك يالحر الاشقر وين رحت ياناصر
تحياتي لكما
ناصر بن سعدي
08-06-2006, 10:30 PM
حياك الله


وإستلم لاهنت

الليل يالحر الأشقر على القوه
هات المعاميل ياطيب الخوه
وولم دلالك وليلنا توه

سبحان رب السموات سبحانه


الليله اللي ضوت بك كلها عيد=يا أغلى من أغليه من هاك الجماعه
عليك يابوفلاح بشرد الصيد=كلاً بما يهتوي عنده قناعه
ناصر بن سعدي
08-06-2006, 10:31 PM
صح بدنك يابن ثعلي....



ونتشرف بمتابعتك.....



ودمت.....
علي العضياني
08-06-2006, 11:15 PM
يا ناصر انته وابن عمي الشيبه
الكل منكم عرفنا هناديبه
والضيف ما عاد يامن معازيبه =سبحان رب السموات سبحانه

يا كبرها يا يامذاخير الاجاويد=يا أهل الوفا والحميه والشجاعه


والله لاأعلم سعد وسعود وسعيد =لان الخبر ينتشر عبر الاذاعه
ناصر بن سعدي
08-06-2006, 11:53 PM
مادام شايبكم العاقل الطيب
يركض على باله يدور حبيب
ماهوب رايح يبا يضحي قريب=سبحان رب السموات سبحانه



أنا أتطمن وأخاف من المناقيد=راعي ومسئول عن هاك البضاعه
إما رفيقك كبر يابن الصناديد= صارت له السالفه عشق وولاعه
ابن مسلم
08-07-2006, 03:43 AM
الحر الأشقر

وناصر بن سعدي

صحت ألسنتكم وعلى القوه ..............متابع

وأزهلوا الصفوف كلها لين يجي شاعر روق
ويستلم واحد من الصفوف
تحياتي
إبن ثعلي
08-07-2006, 01:34 PM
صح السانك يابن سعدي ويالحر الاشقر محاوره رائعه وابيات جزلة المعاني
تحياتي
ناصر بن سعدي
08-07-2006, 03:37 PM
ابن مسلم


صح بدنك...


وعساك على القوه....لكن عينت شاعر روق...


وينه
ناصر بن سعدي
08-07-2006, 03:39 PM
ابن ثعلي



صح بدنك يالغالي...


ومتابعتك شرف طال عمرك....
علي العضياني
08-08-2006, 12:22 AM
يا ناصر السالفه لا تبعدها
عندك قريب ودور وتاجدها
وان طالت السالفه رحت مع يدها=سبحان رب السموات سبحانه


انصح واعلمك ياناصر تراديد= واظن مافيك ياناصر شفاعه
واليوم فايد خبر ياراعي الفيد=مدري صحيح الخبر ولا اشاعه
ناصر بن سعدي
08-08-2006, 12:56 AM
أقول دور على المجرم الجاني
تكفى وأنا أخوك..لا..لا..تبلاني
عند الدجيما الخبر تركة الفاني


سبحان رب السموات سبحانه

رح للجمل لاتناظر للمفاريد=ترى الجمل فالشتاء مامثل ناعه
لكن قيد يدينه وأقصر القيد=لا والله إني لا..أساهم في ضياعه
علي العضياني
08-08-2006, 01:11 AM
هذاه دورك وهذا بقي دوره
اللي كشفناه بالصوت والصوره
والناس يالعازمي فيه مغروره= سبحان رب السموات سبحانه


حددتها ياوسيع العرف تحديد=ياشاعر(ن) فيك شي من اللكاعه
المشكله كلها في زيد وعبيد=ولا أقشر من العود لا شانت طباعه
ناصر بن سعدي
08-08-2006, 01:54 AM
الزين متبوع ياطايل اليمنى
لن كان من جد..؟يالحر لايمنا
قدام نزعل وننطل عمايمنا


سبحان رب السموات سبحانه



هاك العرب كلهم ياخوك من حيد=ماعندهم عن هوى الغالي مناعه
كلاً ترعرع كذا من يومه وليد=والظاهر إنه رضع طبعه رضاعه
علي العضياني
08-08-2006, 03:53 AM
اليا اعترفت القضيه نعالجها
قدام تكبر وتطلع نتايجها
واليا نطلت العمامه تلامجها =سبحان رب السموات سبحانه


من يسمعك قال هذا الرجل ما عيد=هادي وناشي على تقوى وطاعه
يا ناصر العازمي لا تعكس السيد=اتع نبي(ن) ومرنا باتباعه
شاعر روق
08-08-2006, 12:26 PM
الله الله
ياسلام علاااااكم يالربع
مبدعين ومعناكم سمين
واصلوا عساكم على القوه
وانا في الصف ضد بن مسلم وان ماوقف
هههههههههه
تقديري
إبن ثعلي
08-08-2006, 09:24 PM
ان عقلها عود والله لتبرك بالعقال 000 وان عقلها غير يمكن تطش اعقالها
مشكورين على المحاوره الجزله لكن يالحر الاشقر ويابن سعدي ابعدوا عن الشيبان لاتقربونهم احسن لكم
تحياتي
ناصر بن سعدي
08-11-2006, 02:51 AM
شاعر روق



هلابك والله ومتابعتك شرف


ولاهنت على المرور
ناصر بن سعدي
08-11-2006, 02:54 AM
ابن ثعلي


حياك الله ونسعد بمتابعتك...ومرورك الجزل...



وهذاك منول طال عمرك



وتقبل خالص تقديري