&&&&&((( أقرب يافيصل الثبيتي ))&&&&

[ابن مسلم]

سلام الله برديه وتنصى شاعر الثبتان = على فيصل وغيره لايجيني شاعر(ن) ثاني


على الشعار حرب(ن) تشبه لحرب(ن)على لبنان = وأنا ماني بحزب الله ولاأقول أنت نصراني

[شاعر روق]

على الشعار حرب(ن) تشبه لحرب(ن)على لبنانوأنا ماني بحز ب الله ولاأقـول أنـت نصرانـي
الله يابن مسلم رائع وجزل ونفخر بشاعر بحجمك
والصفوف وقوف والابداع حتما سيقع

واصلوااااااااااااااااا

[ابن مسلم]

تسلم يابوسعود وجود شرف لي

وشكراً

[مزلزلهم]

ابن مسلم صح لسانك وسلمت يمينك
فيصل صح لسانك مقدما
واصلوا يالربع وانا من جمهوركم
يحا يحا
الليل الليل

[ابن مسلم]

صح بدنك يامزلزلهم ( الله يكفينا شر أسمك )

شكراً

[فيصل الثبيتي]

تسجيل حضور .. ونركب الابيات ونرجع

[فيصل الثبيتي]

لي الشرف باللعب معك يا ابن مسلم

وانا بدعت لي قاف في متصفح ثاني وابلعب هنا وهناك

على شان خاطر الذيبان اللي رد علي .. بعد اذنك طبعاً ...

واستلم طال عمرك /



هلا يا مرحبا بك يا المسلّم والعباد اخوان=في حلة ربعي عتيبه هل العز وهل الشاني



لو ان به حرب ٍ على الشعّار يا عسى النيشان=ما يعرف غار راس اللي ما عنده غار الالحاني

[ابن مسلم]

وأنا كذلك يافيصل

لاكن أستلم الله لايهينك
الله الله


أبا أسوق المعاني سوق هجنٍ فوقها عتبان = حرارن كلبوها من سلايل جيش إبن ثاني

وأبا أنقى وأتنقى وأتخير جزلها وسمان = ليابلشوا بها غيري فانا ماني ببلشاني

[ناصر بن سعدي]

أبن مسلم


و


فيصل الثبيتي


على القوه...وأبشروا بالصفوف...والماء...والعود الأزرق....


والهيل....والحيل...


بس فكونا من الحرب...!هههههههههه



وتقبلوا متابعتي وتشجيعي....

[ابن مسلم]

ناصر بن سعدي

كفوا قدها وقدود

لاكن وين الغيبات

الوعد قدام وأنا أبو صدام

[فيصل الثبيتي]

خلوووووووووووها



تبا تلعب على معنى .. وصوتك مزعج (الصمّان)=لكن ارقى على القمة واظنك طير حوراني

تنقى واتنقى واحضر إلنا الدر والمرجان=وحن اهل التجارة ما نحب الشي مجاني !

[فيصل الثبيتي]

يالربع ردي نزل ولا ما نزل ؟!!

انا لا جيت للصفحه محدثها تسعين مره ما لقيت

الرد ... !! .. والا دخلت على صفحة الرد على الموضوع

عاينت الرد تحت ... !!

[ابن مسلم]

الله الله الله

هييييييييييييييييييييه خلوها



ترى مانته بلا مطلق ولاأنته بالعمى إبن سنان = ثبيتي (ن) جديد ولابعد ضف لك جنحاني

أبا أهدي لك نصيحه كان تبغى تستمر أزمان = بيوت الشعر يافيصل لها معنى وقيفاني

[فيصل الثبيتي]

الله الله



خلووووووووووووها



ما دام ان الضعيّف ينحسب للصم ّ والعميان=وكاد انه ما شاف ولا سمع بالذيب سرحاني

اشوفك تعطي دروسٍ وقاعد مقعد الفنان؟!=لكن ارفق علي اشوي .. تكفى يا ابن قبّاني



الصفوووووووووف يالربع الصفووووووووف

[ابن مسلم]

صح لسانك يافيصل
الله الله الله

أستلم


ترى ماكامل إلا الواحد المعبود عالي الشأن = أنا لازلت في طور التعلم أصح يافلاني

لاكني مابغيتك تنخدع وتقول أنا بليهان = تعود بعد بكره مثل زقزوقي وغزواني

[فيصل الثبيتي]

يا ابن مسلم

مسيت بالخير .. انا بغيت ارسل لك رسالة خاصة

مير يقول انه لازم يكون مشاركاتي اكثر من 15

وانا عندي 19 ولا ارسل .. الصراحة مدري عن المنتدى

هذا كيف موّاله ؟؟

مير سم الايميل ضيفني ولا عليك امر اباك في شغله

r_alonna939@hotmail.com

فيصل

[فيصل الثبيتي]

خلوووووووووها



تقلب فالبيوت وفالمعاني مير يالغلطان=توقّع لا تضوي لك مصيبة وانت غلطاني

انا عارف مقامي والرسالة تلحق العنوان=فهمت الهرج ولا نحضر إلك مترجم افغاني ؟

[ابن مسلم]

الله الله الله

الله يعينك يافيصل تحمل


شهود الله ف أرض الله وتشهد فوق شاة أيران =سمع طاري الخميني ثم فر وكب طهراني

بعد بكره تحملها لياجاتك على الحجان = مادام إني نصحتك وانت يابن الناس تعصاني

[شاعر روق]

الله الله

رائعين ومتميزين

واصلواا لاعدمناكم

تقديري

[ابن مسلم]

الظاهر ان مافي المنتدى الليله غير أنا وياك يافيصل

الظاهر إن الصفوف كاشتين ولاعلمونا

واللي مكشتهم خابره إبن سعدى موديهم طحي

هوه اله أيام مفاخت
لاكن أوريه هههههههههههه

[ابن مسلم]

شاعر روق

دايم حاضر الله يعطيك العافيه

ودي إنك جيت قبل الرساله

[فيصل الثبيتي]

خلوووها



رجال العز ف(ارض) الله تعرف بقيمة العربان=ولا انت بعارفٍ قدري عسى يركب بك الجاني

انا ما اطيع غار اللي خلقني واعدل الميزان=لكنك وش تبا فيني ؟ يا عساك ويا عساني

[ابن مسلم]

هيييييييييييييييييييييييييييه ..خلوها


أنا أفرح يوم أشوفك يا بن عمي تخلي المرحان = ليا من جاء نهار(ن)فيه بارود(ن) ودخاني

عليك ختامها مشكور يابن روق ياكحيلان = وأبي منك السموحه لاتروْح وأنت زعلاني

[ابن مسلم]

فيصل الثبيتي

تشرفت باللعب معك
وأشكرك على سعة صدرك

وأشكر من شاركنا من الزملاء وعلى رأسهم

الأ سطوره شاعر روق

تحياتي

[فيصل الثبيتي]

الشرف لي يا ابن العم ...

وما من شي طال عمرك .. الدعوة سواليف ومزوح ...

ونبا نقابلك هناك ...

لا هنت ولا هان شاعر روق ...

فيصل

[إبن ثعلي]

صح السان الشاعرين وعاشوا المتابعين
تحياتي