ابو سعوووووود لاهنت والله مطول منك ومن علومك اقرب

[سيف قحطان]

السلام عليكم


ابو سعود الله لا يهينك استلم والمعذره اذا ازعجتك



سلام مني على اهل المنتدى والحضور=من هاجس الشاعر اللي ما يطيح علمه
يا بو سعود استلم وانته خبير البحور=لو كان غيرك من الشاعر ما نزهمه

[شاعر روق]

وعليكم السلام وحياك الله والازعاج مافيه ازعاج
الا بالعكس مبسوط من يوم شفت اسمك


يامرحبا من هجوس باخصه بالامور=بالشاعر العارف اللي ماتزل قدمه
واللي تبا بدها والسر وسط الصدور=واليا بغيت إنشره واليا بغيت إكتمه

[سيف قحطان]

الله الله يا بو سعود والله ان العلب معك له طعم خااااص جدا




يا صاحبي شفت لي موضوع بين السطور=عرفت معناه والله ماهي بمبهمه

راعيه يقطع الاشاره ما انتبه للمرور=مايدري ان اسمه الى الحين بالمرسمه

[سيف قحطان]

اعذروني يالربع مضيع التنسيق مبطي منه

[شاعر روق]

شهادتك تواضع منك ووسام على صدر اخوك لاعدمتك



ياسيف ماضيع المغرور كود الغرور=مايدري اني ليا مني بغيت اعدمه
قدامها صفحةٍ فيها عيوب وكسور=ويقول انا الكاتب اللي مايجف قلمه

[إبن ثعلي]

عاش الشاعرين بيوت محكم وبدايه طيبه تبشر بملعبه ممتعه ومتابعين معكما
تحيتي

[شاعر روق]

بن ثعلي
ارحب وشهادتك محل تقديرنا واهتمامنا

تقديري

[سيف قحطان]

الله الله

لا فض فوك


ياصاحبي من هو اللي سامح بالعبور=جوازه اللي معه بنشدك من ختمه

انا اعرفك يا صحيبي ما عليكم قصور=خابر ويش اللي يردك عنه لا تدردمه

[سيف قحطان]

ارحب يا بن ثعلي والمعذره يوم رحب في محلك الفرحه نستني


وجودك شرف كبير يرفع بالراس

وصدقي افتخر ان مثلك يتابعني

اخوك

[شاعر روق]

ومن يقول عساه سالم وغانم
هههههه


الختم الاول غدى والختم الاخير زور=وانا انتظر حكمها من قاضي المحكمه
لكنك ابحث بجوجل عن قصير الشبور=ماغير ينسخ ويلصق ماكتب بقلمه

[ابن مسلم]

سيف القحطاني

أنت
و
شاعر روق

صبحكم الله بالخير أنتم وبقية الآخوان الموجدين وبيض الله وجيهكم على هالطاروق الطيب

والليله أنا ضدك يابو سعود أبا أصير في صف سيف

أنت لك مده مبهذلني
تحياتي

[شاعر روق]

هلا وغلا ومسهلا يابن مسلم
وجودك يهمنا ويشرفنا لاعدمناك

والله العالم باللي مبهذل الثاني ياالهامور
ههههههههههه


تقديري وشكري

[سيف قحطان]

استلم لا هنت يا بو سعود والختم عندك



ليته يشاور هل الطلات ويرضى بشور=ويترك رصاصه على ماقيل في محزمه

ختمت قافي على المعني بزين العطور=وذا هاجس في ضمير وانته مترجمه

[سيف قحطان]

ارررررررررحب يا بن مسلم ملاين
وجودك شرف كبير


وقفت وسام على صدري طال عمرك

واللعب مع بو سعود شرف بس ويش اسوي قحطاني عجل لو اني شفت كلامك ما طلبت الختم

تحياتي اوبشر بالعوض

[شاعر روق]

اهل الجهاله ترى من ماضيات العصور=علة نحر تبلش اللي حطها في فمه
والخاتمه ياعسانا في نهار النشور=يغفر لنا ربنا ويزيّن الخاتمه

سلمت وسلمت يمينك ياسيف قحطان
وشرفنا وانسنا حضورك وتصبح على خير انت وجميع الاخوان

تقديري

[سيف العتيبي]

سيف قحطان وابو سعود
بيض الله وجيهكم على العب والطاروق الجزل
تقبلو تحيااتي

[شاعر روق]

ابو مريزيق
حضورك نوماس ووجود تشريف لنا

تقديري

[إبن ثعلي]

بيض الله وجيهكم كما توقعت محاوره جزله ولو انها مختصره شكرا لكم ماقصرتوا
تحياتي

[شاعر روق]

ووجهك ابيض يابن ثعلي
ومشكور على مرورك
تقديري