++++( الليل ياشاعرروق )++++

[ابن مسلم]

شاعرروق مساك الله بالخير أنت وباقي الآخوان


سلام الله سلام(ن) واضح ٍ معناه من مبداه = وفيه علوم مكشوفه وفيه علوم مخفيه

أنا أسمع صوت أمير القوم لاكني عجزت ألقاه = ولقيت الجره اللي شبه يابن روق ممحيه

[شاعر روق]

اهلا ومسهلا ومساك الله بالنور والرضا واستلم لاهنت


هلا يامرحبا ترحيب مبدا الناس مايخفاه=على وضح النقا ماعندنا حاجات سريه
ليا منك سمعت الشيخ قم وابحث جميع اقصاه= ولاتخفي عليه حاجةّ في الصدر مكنيّه

[ابن مسلم]

الله الله الله

أستلم أستلم



ألا ياحي رجالٍ يعرف الحق ياحياه = ليامني لقيته مابلشت وزانة النيه

أنا خابرك رجالٍ حكيم ومن رجال قضاه = لاكن المشكله في اللي يجي مثل الرفيديه

[الوليد العتيبي]

الله الله واصلووووووووووووو

متابع معك الليل الليل ياشعار

[شاعر روق]

اباك تسمي اللي بار ثم عمست جميع ارياه=ولا نحكم بدون اثبات حتى تثبت السيه
وذيب الليل يسري ليل ماهمه خوار الشاه=وربك حط في جو السماء صقرٍ وحنديه

[شاعر روق]

الوليد

هلا ومسهلا
تقديري

[مشعان]

ابن مسلم وشاعر روق بيض الله وجيهكم على الابداع
واصلوا ترانا متابعينكم...

[شاعر روق]

مشعان
سلمت ياغالي
وشرفنا حضورك

تقديري

[ابن مسلم]

صح لسانك

وأستلم الله لايهينك

أنا أشوف الأوادم بعضها جاين يحث خطاه = وأنا رجال ما أقوى أصبر ليا شفت الحراميه

تراك لياقفلت الباب بالمفتاح ما حدٍ جاه = ولاتعطي مجال لذيك ولاهذا وهاذيه

[ابن مسلم]

الوليد

أنت ومشعان

حياكم الله

أذنكم تفرعون بينا انا والسارفه هذا

أبا أمزح معه وورطت

[شاعر روق]

الله الله


ترى ماجاك غير اللي معه وسط الجيوب وصاه=وصاةٍ من قليل العرف مكتوبه ومقريه
وانا قررت احط السيف والميسم على علباه=واسفر كل مسترزق لدار رزيق ووخيه

[ابن مسلم]

خلوووووووووووووووها
خلوووووووووووووووها



أنا من دون حقي محتزم من جاه أقص يداه = لاكن المشكله حق اليتامى والعزوبيه

حلال الناس أمانه في يدينك وانت لاتنساه = مادام أنك تحفظ الدين والدوله سعوديه

[ابن مسلم]

شا عر روق

صح لسانك سعدت باللعب مع شاعر يحق

لي أن أسميه الأسطوره بدون مجامله

والتغطيه عندك وتصبح على خير
أنت وبقية الآخوان
تحياتـــــــــــــــــــــــــــــــــــي

[شاعر روق]

ونعم ولاتسد النعم وافي والوفا مبداه=من ارجال لهم هيبه وربعٍ نارهم حيه
وانا مااحتاج يابن العم في هذي ندا ووصاه=حلال الناس من دونه ريا جيلٍ شقرديه

[شاعر روق]

ابن مسلم صح بدنك
وشهادتك من تواضعك ووسام على صدر اخوك
وانت كذلك شهادتي فيك مجروحه واكبر من اي تعليق
تقبل فائق التقديري
وتصبح على خير

[أصل عتيبة]

شد حيلك ياولد روق تراني في صفك

[إبن ثعلي]

محاوره رائعه وممتازه ومعانيها في بطن شعارها ولاقصرتوا يابن مسلم وياشاعر روق ومشكورين
تحياتي

[ابن مرشد]

صح لسانكم ياشعار وماقصرتوا وتابعوا وحنا معكم

[شاعر روق]

اصل عتيبه
بن ثعلي
بندر

مشكورين على حضوركم ومروركم

تقديري

[بـدر الروقي]

صح السنتكم جميع

محاوره رائعه جداً

وتحياااااااتي