جنّة الدنيا معاك وجنّة الدنيا معايا

[مرضي القيفان]

انفجر صمـت الخفـوق وذبذباتـه عذبنّـه"="
تصفق امواج الغلا بأسلاك من ودك عرايا

واستباح النطق بحروف القوافي وأوجزنّـه"="
ماقدر نطق الكلام وحرف شعره له خفايـا

يا وليفي اسقني شهد الرضـاب ولا تمنـه"="
بلسم اجروح الخفوق ومنتهى ورد الضمايا

من ثمان ٍ كنهن الدّ ر مجنـي مـن مغنّـه"="
انفرز منهن صفاه وبـل عذبـات الشفايـا

طعمه الشهد المصفى والشهد مجنـي منّـه"="
له مذاق بلا عتاق ومنه يبرد لـي ضمايا

سلسبيل الزنجبيـل ومِنّـه الكافـور خِنّـه"="
هو دواي وهو شقاي ويورد حياض المنايـا

وضمني للصدر ضمّه بالشعور المستكنّـه"="
واتلحف بالجديـل ولـف بيدينـك ورايـا

كل ضمّه يقتفيها من خفايـا الصـدر ونّـه"="
ونّة اشواق الخفوق اللـى يغطيهـا سمايـا

هو شهيد اللي يموت بسبته والموت سنّـه؟"="
هو حرام ليا طلبته منك في حكم القضايا؟ 0

بس يكفيني كذا واقـول ذي دنيـاي جنّـه"="
جنّة الدنيا معـاك وجنّـة الدنيـا معايـا




وســــلامــــتــــكــــم 0

[همسات الليل]

صح لسانك اخوي مرضي وسلمت يمينك

قلنا عنك حكيم..... و واصف طبيعه... والحين شاعر غزل


اتحفتنا بقولك:

هو شهيد اللي يموت بسبته والموت سنه...
.هو حرام ليا طلبته منك في حكم القضايا

بس يكفيني كذا واقول ذي دنياي جنه
جنة الدنيا معاك وجنة الدنيا معايا!!!!!!


لا فض فوك يا مبدع:)

اختك همسات الليل

[مرضي القيفان]

الأخت / همسات الليل

اشكرك على مرورك والتوقيع
على هذه المشاركة 0
واشكرك على هذا الاطراء0
صح بدنك ولا هنتي 0

خيال الشاعر يسبح في كل الأجواء
سواءا كانت هذه الأجواء صافيه او ملبدة بالغيوم
والاعاصير 0 :)



تقبلي تحياتي وتقديري

اخوك / مرضي القيفان