قصيده اتمنى الرد عليها !!!!

[الـظـفـيـري]

البارحه يا روق ما غمض الموق \\\ مدامعي غرقا من عيون برقا

لعبت لي طاروق يا وي طاروق \\\ اسبابه الفرقا مع نوح ورقا

اليا طرا لي الشوق والعنق مفهوق \\\ ونيت من حرقا على يوم مرقا

دنيا تجي برفوق والهم مرفوق \\\ في غربها نرقا والافراح شرقا

ما عاد فيها ذوق يا صاحب النوق \\\ نوسم لها العرقا لو يموت عِرقا

ياما عليها نسوق من غالي السوق \\\ ما ناخذ السرقا لو الروح سرقا

لو كان فيني عوق في كل معلوق \\\ وجباهنا عرقا من الشمس حرقا

يطيب لي الصندوق والطاق مطبوق \\\ بشوفة الطرقا ابو شام زرقا





هذي القصيده لي ارجو التكرم بالرد عليها

والالتزام بقوافي القصيده الاربعه والفكره المبهمه بالقصيده


وشكراً

[اخو من طاع الله]

الصحيح اسمها ابيات وليست قصيده

وإن شاء الاخوان الشعراء راح يردون عليك وما يحتاج توصي بالالتزام بقوافي الابيات

[الـظـفـيـري]

انا ملاحظ انه فيه بيني وبينك عداوه


القصيده = هي مجموعة ابيات

ان الذكرى تنفع المؤمنين



خف علينا شوي ترا حبايب ونفهمك وتفهمنا وحلوين مع بعض

[الـظـفـيـري]

هي ما هي معلقه !!!!!


هي مجرد قصيده !!!!

[اخو من طاع الله]

والله ما اعرفك عشان يصير بيني وبينك عداوه ههههه

يا الظفيري الي نعرفه انها اذا قلت عن عشر تسمى ابيات وما فوق العشر تسمى قصيده
هذا ما تعلمت اذا فيه كلام ثاني عطني الله يعطيك العافيه

ما عليك لا توصي للمره الثانيه بخف عليك بس ارتاح ووسع صدرك هههه

[الـظـفـيـري]

يا ابن الحلال لا تشيل هم مافيه اوسع من صدر الشمالي المقصد كله اننا نبي نضحك مع بعض ونوسع صدورنا عن الرسميات



:)

[الـظـفـيـري]

كما قال الشاعر ناصر القحطاني



والشعر معلقه وأقصيّده \\\ وان شانت الايام مارحنا بعيد



انا اللي متبتها قصيّده ماهي قصيده




(يا اخي جاملني وقول قصيده رفع جوي شوي )


:)

[اخو من طاع الله]

ههههه انت ما قريت مكان الاقامه لعبدالله الحافي هههههه ما فيه اوسع من صدورنا لا تشيل هم هههه

خلاص قصيده واحلا قصيده من احلا ظفيري هههههههههههههههههههههه

بيردون عليك الشعار طول بالك

[الـظـفـيـري]

عاصمه الربيع وين هذي ؟

[اخو من طاع الله]

افااااااااااااااااااااااااااااااااا ما تعرفها وهي فيها من ربعك ما شاء الله تبارك الرحمن

[راع المحاني]

الظفيري، و الربع :)

و الله شفتكم ما رديتوا ، و قلت احاول ، و انا ماني محترف. بس ان حازت على اعجابكم اعتبروها رد عن روق و برقا. و الله يستر لا يوبخوني الشعراء الكبار ليا رجعوا. هههه

الله الله الله، اي والله اي والله

خلوها، و استلم يالظفيري لا هنت:



.=.
دام إلـ ــ ظفير احقوق، مانيب مسبوق= يا عزوة ٍ ترقا ، و لا هيب ترقا
.=.
و يا طير خلك فوق، و ان حدك اسبوق= احذر من الدرقا ، ترى الطعن زرقا

.=.

و اليا ازهر الزملوق، باطراف رقروق= اركب على الحرقا، و غن الك طرقا
.=.
والرزق للمرزوق، و الحظ ملحوق= علامكم شرقا ، على ذِكر برقا

.=.

و الصاحب الموثوق ،ما يقبل البوق= في منطقه فرقا ، و منطوقه أرقا
.=.
و اليا انجذب شالوق ، و الدلو مشقوق= في ثنوته خرقا ، و مكسور عِرقَا
.=.
و امسى العشا محروق، حِقْ ما بقى حوق= لا تنطرق طرقا، و بالسحر تِرقا
.=.

دنياك يا مخلوق، ما ابطت بفاروق=مدفع و بشْمِرْقا، فيالق وفرقا
.=.


و سلامتكم

:)

[الـظـفـيـري]

صح السانك

[النـايــــــف]

صح لسانك يا الظفيري


وتم الرد على هذه القصيده من قبل راع المحاني



تحياتي لك ،،،،

[راع المحاني]

صح بدنك :)

[ذياب بن وصل]

الظفيري


فكره

الله اعلم


صح السسانك

و،،،،،،،،

[مجدي الشناوي]

الظفيري، و الربع :)

و الله شفتكم ما رديتوا ، و قلت احاول ، و انا ماني محترف. بس ان حازت على اعجابكم اعتبروها رد عن روق و برقا. و الله يستر لا يوبخوني الشعراء الكبار ليا رجعوا. هههه

الله الله الله، اي والله اي والله

خلوها، و استلم يالظفيري لا هنت:



.=.
دام إلـ ــ ظفير احقوق، مانيب مسبوق= يا عزوة ٍ ترقا ، و لا هيب ترقا
.=.
و يا طير خلك فوق، و ان حدك اسبوق= احذر من الدرقا ، ترى الطعن زرقا

.=.

و اليا ازهر الزملوق، باطراف رقروق= اركب على الحرقا، و غن الك طرقا
.=.
والرزق للمرزوق، و الحظ ملحوق= علامكم شرقا ، على ذِكر برقا

.=.

و الصاحب الموثوق ،ما يقبل البوق= في منطقه فرقا ، و منطوقه أرقا
.=.
و اليا انجذب شالوق ، و الدلو مشقوق= في ثنوته خرقا ، و مكسور عِرقَا
.=.
و امسى العشا محروق، حِقْ ما بقى حوق= لا تنطرق طرقا، و بالسحر تِرقا
.=.

دنياك يا مخلوق، ما ابطت بفاروق=مدفع و بشْمِرْقا، فيالق وفرقا
.=.


و سلامتكم

:)

صح لسانك

رد كافي ووافي

شكرا لك يا راعي المحاني

[عبدالرحمن الحمد]

صح لسانك يا الظفيري وواصل الشكر لخونا ابومحاني

ماقصر و بيض الله وجيهكم

واسمحولي بها



الظفيري


يبن الحمايل شاب قافك على روق = مير الذيابه قدها عيال برقا

راح المحاني جابها وساقها سوق = ودا قصيدك بين غربا وشرقا

صح الله إلسانه على كل منطوق = هذي عوايدنا من اللهِ خِلقا

وإن كان ودك تهجي حرٍ بطاروق = ترى النداوي يقول يمناك إرقا

لكزلي الضامر معاني بصندوق = خفيا صدري بين الاضلاع حرقا

وده يثير إللي بمنطوقه الذوق = يجامل يقول ترى الارض زرقا

لك يا الظفيري هز طاروق طاروق = طاروق إليا طاح فز وترقا

جبت القصيدا وشاب قافك على روق = مير الذيابه قدها عيال برقا


واعذروني على القصور

وصح لسانك اخوي راح المحاني ومشكور اخوي الظفيري

ماقصرت بالحيل

.
.
.
عبدالرحمن الحمد

[عبدالرحمن الحمد]

يوجد خطا مطبعي اعذروني

راح المحاني = راع المحاني