وينــــــك يا بــن سعــــــــدي*************

[راعي الطيبه]

الأخ العزيز الشاعر / ناصر بن سعدي


اسمح لي أن العب مع شخصك هذا الطاروق

الذي يعتبر رساله لمن يلعب خلف الكواليس!!!!!!!



وينك يابن سعدي نبى الطاروق يرقى للنجوم=جنب النجوم الساريه واللي تباري للقمر

خابرك شاعر تبخص الشعار وتجيب العلوم=للسالفه ياعارفه موجز قبل نشر الخبر



دمت بود راع الطيبه

[شاعر روق]

الله الله صح لسانك ياراع الطيبه
ولله يكفي شر اللي يلعبون خلف الكواليس
يعني فين كيف يلعبون خلف الكواليس؟؟ معليش ترى تفكيرنا محدود شوي
هههههههههه

وبانتظار ابن سعدي الشاعر الجزل


تقديري

[راعي الطيبه]

ألاخ/ شاعر روق أشكرك على المرور ياغالي

ولا تعب تفكيرك أصبر ويبن كل شي والآّ فيك (عجلة الروقه)هههههههههههههه


دمت بود راع الطيبه

[شاعر روق]

الصبر مفتاح الفرج عند راعيه
وانا ابا انتظر وشوف اللي يلعبون خلف الكواليس ومسببين لنا زحمه منهم
بس ابن مسلم لازم يجي اليوم ضروري ويحدد صفه ههههههه
اعجل يابن مسلم العلوم فيها علوم

تقديري

[ناصر بن سعدي]

إخوي الغالي

راع الطيبه...
حياك الله...وماهو رساله أبشرلك برسائل لمن هم خلف الكواليس...


وإستلم طال عمرك

كوكب زحل جنب القمر ياصاحبي جعلك تدوم=مثبوت عندي ياطويل العمر ماجوه البشر
وأعرف تراني خابرك فالبحر سباح وتعوم=لكن شد الحيل فالمطراش ياطول السفر

[ناصر بن سعدي]

شاعر روق


حياك الله...ومرورك....ومتابعتك نوماس يالغالي


وإنتبوا للصفوف...وللكواليس..واللي وراها...!!


ودمتم...

[راعي الطيبه]

صح لسانك يابن عاصي


أستلم لاهنت



على اتجاه البوصله لايختلف فيها الرقوم=لاجل المواري تختفي لاجيت في بطن البحر


وليا لحقنا شاذب العرقوب جعله ما يقوم=خله يموت بغيضه المدفون ويذوق القهر


دمت بود راع الطيبه

[ابن مسلم]

راعي الطيبه

انت

وبن سعدي

صحت السنتكم والمعذره على التاخير توني أجي للجهاز

ومساكم الله بالخير أنتم وابن روق

لاكن حددصفك يابن روق أول شيء وتراني ضدك

تحياتي

[ناصر بن سعدي]

صح بدنك يالغالي



ودوووووك


واصل مسيرك كان ماداهمك في طرقتك نوم=أما الوصايا لاتوصي صاملاً قلبه حجر
دور على هونك ليا شفت الهدف شن الهجوم=وأبشر لك بسفاح لاجاء بالوغى كرٍ وفر

[ناصر بن سعدي]

ابن مسلم

الله يمسيك بالنور والسرور

وصح بدنك...

ومعذور لكن الصف إستلامك....

[راعي الطيبه]

الله الله الله يابن سعدي هذا الكلام

أستلم لاعدمنا صوتك يالذيب......




ماني بويا النوم ياناصرقبل نقض اللزوم=وشلون تسرق عيني الغفوه عن الموت الحمر


السوق قام يطبّـه اللي لايبيع ولا يسوم=ون قلت لك شئ بعد يمكن تقول ادهى وامــرّ


دمت بود راع الطيبه

[راعي الطيبه]

الأخ ابن مسلم


تحيه طيبه وحياك الله وسعدا بمرورك يالغالي


وراك أنت وشاعر روق مترددين في أي صف تمسكون ترى اللي يمسك صف أخوي أبن سعدي كأنه ماسك صفي
ما فيها شي هههههههه(حجرف وجنيهه)؟؟؟؟؟؟؟؟؟؟؟؟؟؟


إلا إذا فيه سر ماندري عنه ترى تفكيرنا محدود جداًهههههههههه


تقبل تحياتي ياغالي

[شاعر روق]

لا انا في صفك كلي
ليه مانمسك صفك؟ الا بالعكس الصف اللي فيه ابن مسلم
انا دايم ضده مايبالها كلام

واصلواااااااا ونحن معكم

[ابن مسلم]

راعي الطيبه

الله لايهينك
لاتفهمنا خطا الدعوى هالحين بين انا وشاعرروق

راحت مزارق طيب

وانت يابن سعدي لايهمك الصف الربع اللي هاك الليل

عانهم محضرين عندي يتناقزون الله يكافينا الشر ههههههههههههههه

[المهيب]

ياااااااااااااااسلااااااااااااااااام عليكم عزالله ان هذا الطاروق جزل واول مره يعجبن طاروق بهذا الحجم والبركه براعي الطيبه المبدع وبن سعدي

المهيـب يدربل من بعيد لبعيد ويرصد جميع التحركات الغير طبيعيه هههههههههههه


على العموم صح الله السنتكم واستمروا وحنا متابعين عن كثب ولهفه

[راعي الطيبه]

يامرحبا يالمهيب صوت مانعدمه إنشاالله


مرورك شرف وشهادتك وسام يالغالي


حياك الله ياشاعر المعاني


دمت بود راع الطيبه

[ناصر بن سعدي]

إستلم ياراع الطيبه

والمعذره على التأخير..الغير..إرادي..



طبعاً صقور الجو تشهر بالفضاء دايم تحوم=وأما الحمام أكيد دايم ماقعه وادٍ خمرْ
أدري بحال السوق يرثى له وتصلاه الهموم=لكن مالي ياطويل العمر فوق السوق أمرْ

[ناصر بن سعدي]

إبن مسلم


لاعدمتك...وماتقصر طال عمرك...


وخلاص الملعبه نار وعمار...


وتقبلوا..تحياتي...

[ناصر بن سعدي]

المهيب


حياك الله...وإترك الدربيل..وتعال إمسك الصف..الله لايهينك...


ومرورك شرف...ومتابعتك...نوماس...


وتقبل ودي..

[ابن مسلم]

الله الله الله

يابوسعدي عقبال التاج أنت وشاعر روق

ههههههههههههههههههههههههههه

[راعي الطيبه]

صح لسانك يابن سعدي ومعذور أهم شئ سلامتك



المشرف اللي مثل أبن سعدي يريـّح مخدوم=لا صار ما يأمر على الاعمى وخوه اللي عور

واحد يدق الطبل والثاني يخالف للسلوم=وليا هرج لك زيد كن اللي يسولف لك عمر

دمت بود راع الطيبه

[ناصر بن سعدي]

الله يسلمك ياراع الطيبه


لو إنهم عندي ترى عادي ومن حقك تلوم=لكنهم ماهم بعندي وإنتبه لأصل الخبر
إصبر ليا قالوا تحت يد ناصر أنواع الختوم=والله لا أسوي لي سواياً تعجبك بطن وظهر

[راعي الطيبه]

صح لسانك يابن سعدي

والعتب على النظر أنا احسبن كل مشرف يقدر يدر يسوي الهوايل أثر كل مشرف له قسم منول يوم أشوف أسم مشرف يجي عندي لخبطه هههههههههههه



يامجلس الأمن اعقد الجلسه وصوت يالعموم=حنا بحال(ن) يـرّثي والعلم مايبغى صبر


ياناصر أنته مزبني يالله عسى حضك يقوم=مير البلا اللي يرفع الفيتو يحسب أنّه فخر

مجلس الأمن لانقصد به مجلس الامن الدولي (خاص بالمنتدى) هذا التوضيح لايعني ناصربن سعدي فهوشاعر محشوم ويعرف وش أقصد هذا فقط لغير الشعراء ومن يجهلون المحاوره

دمت بود راع الطيبه

[ناصر بن سعدي]

تسلم طال عمرك..وأهم شئ إتضاح الرؤياء..!

إصبر شوي شوي مادام السماء كله غيوم=الله يعافينا ويرزقنا برذراذ المطر
طلع النخل مايستوي لين إن تصلاه السموم=وأنا فؤادي من جهاد الخلق ياخوك إنفطر

[راعي الطيبه]

صح لسانك يابن سعدي

"أستلــــــــم لاهنــــــــــــــــــــت"



من يعجزه دفع المهر عنده بديل أنه يصوم=لايشغل العالم ويصبح عندهم عــلة نحر


له بهرجه وليا بحثته قام يفرز ريح ثوم=اركه يابن سعدي على النيران وصله بالجمر

دمت بود راع الطيبه

سعدت بالعب معك يالغالي وأتمنى لك التوفيق واللعب مع أمثالك لايمل ولكن لدي إجازه لمدة (45) يوم وأنا مسافر اليوم إنشاء الله فأعذرني آمل أن أتواصل معكم إن وجدت فرصه والاّ ( نت ) خاصه في فيافي نجد

[المهيب]

ياااااااااااااااااااااااسلاااااااااااااااااااااااا ااام عليكـــــــــم يااااااااااااااااااااسلاااااااااااااااااااااااام

وماقصـرتوا يامبدعيـن ونحـن متابعيـن لكم يالشعار



المهيـب

[ناصر بن سعدي]

وهذه الخاتمه

هذا صواب القول جبته جعل تفداك الرخوم=لكن مني خذ وعد لـ تجيكم علومٍ تسر
والخاتمه ياجعل ينصاك السعد في كل يوم=والله يجيرك من صواديف المصايب والكدر


وإجازه سعيده وتروح وترجع بالسلامه..ولي الشرف باللعب مع شخصك الكريم...ودمت بخيرٍ وعافيه..

[ناصر بن سعدي]

وفي الختام لايسعني إلا أن أتقدم بالشكر لمن شرفوني بمرورهم ومتابعتهم..




وللجميع تحياتي وتقديري