مجاراه ( بين الشمري والعتيبي )

[زيد]

أعضاء شبكة عتيبه ( مسيكم بالخير ) :)


جبت الكم اليوم قصيده للشاعر / علي بن محيا الشمري

يمدح فيها قبيلة عتيبه ( رغم قصر القصيده ولكنها جزله )

يقول فيها



لقيت فالعتبان خمسة عذاريب = الطيب والنخوه وتقدير الأجناب
دون الخويّ ياطون حر اللواهيب = وإن صكت الدنيا يفكون الأنشاب
يشفون عطبين القلوب المصاويب = لا صاح منكوباً من الوقت منصاب
برباعهم يلقى معزه وترحيب = وعند الوزي يبدي على الربع الأقراب
هذا وفا يا كاسبين المواجيب = لاني براجيكم ولاني بطلاب




ورد عليه الشاعر / فيحان بن معيض العتيبي يقول في قصيدته



يا مرحبا ياللي بديت المراقيب = تنشر لك البيضا على كل مرقاب
إعداد ما خط القلم بالمكاتيب = وإعداد ما يوعد على الصيد حطاب
يا شاعرٍ من روس شمر هل الطيب = كسابة الطوله عريبين الأنساب
شمر ليا عدّت فعول الأجانيب = تشهد بها العالم قريبين وأجناب
شمر ليا ركبو على الفطر الشيب = يردون حوض الموت ما هم بهياب
شمر ليا صكت عليها المغاليب = حضار باللازم ولاهم بغياب
أهل الكرم ستر البنيّ الرعابيب = لا جا نهارٍ فيه حارب وحراب
وخويهم يشرب عذي المشاريب = والجار يلقى عندهم كل ترحاب
وباق القبايل كلهم ما بهم عيب = لاكن شمر روس عكفان الأشناب




ولكم مني خالص التحيات والتقدير

سأوافيكم بإذن الله قصائد لشعار كبار قريبا