بفرح إذا شفت آخر أسمه العتيبي

[سفيرة عتيبة]

السلام عليكم ورحمة الله وبركاته ...

بصراحة حبيت يكون أول موضع أتكلم فيه مصيري نوعاً ما ... قبل كل شي أتمنى أعرف شنو المستوى التعليمي للكل إذا أمكن وبالنسبة لي فأنا بعد ثلاث سنوات إن شاء الله بيكون عندي بكالوريوس تربية...

الموضوع ابتداء من أول يوم في الفصل الدراسي الثاني . بعد أول محاضرة في مجموعة ((التعليم و التعلم)) اللي استمتعت فيها جداً جداً ... ومثل ما تعرفون المادة من دكتورها ، إنسان راقي وطيب ومثقف وأسلوبه راااائع مع تقدمة في العمر.. استوقفني سؤال أحد الزميلات الدكتور شنو عائلته ؟
قلت : بصراحة ما دري (وهو كان بدوي) .. وشغلني هالموضوع أكثر لما قالت أتوقع يكون أما عتيبي أو هـــ........ بصراحة تمنيت أن صاحب هذي الشهادة يكون عتيبي (شهادته مو ما خدها في الكويت الإ ثلاثه )... سألت بنات ماخذين عنده قبل وما عرفوا لأنه دائماً يكتب أسمه الثلاثي بدون ذكر العائلة...

وطبعاً حطيت الموضوع براسي وقلت أعرف يعني أعرف ...

وفي يوم تسليم البحوث مرينا على مكتب الدكتور لوضع البحوث في البوكس ميل . وكان المكتب مفتوح على غير العادة (لأن الدكتور مو دائماً موجود في الكلية) وكانت بنته قاعدة بالمكتب دشينا وسلمنا عليها وسولفنا شوي ..(بطيح الميانه).. سألناها عن المواد الي منزلها الدكتور الكورس القادم . وعندما هممنا بالخروج (يرجى الأنتباة قلبت بالفصحى ) تراجعت للوراء وقلت لها: ممكن سؤال (مؤدبة) ؟؟
قالت : تفضلي ... أنتي شنو أصلج ؟ ابتسمت وقالت :أنا ............. سكت وما رديت تداركت رفيجتي الموقف وقالت والله والنعم الـ ........ من أطيب الناس. أنا لما سكت مو مقلله من قيمتها بالعكس - أن أكرمكم عند الله أتقاكم- أنا كنت أقول في خاطري ليش ما يكون عتيبي يا خساااااااارة والله حتى لو من بعيد بفرح إذا شفت آخر أسمه العتيبي ............... مع العلم أن كليتي فيها فوق الألف مابين دكتور وأستاذ مافيه عتبان غير دكتور وأستاذة (2 فقط)... الموضوع يحتاج أعادة نظر .. وماردي شنو الوضع عندكم نرجو الإفادة.....
أمــا السؤال اللي يطرح نفسه.....
ليش عدد العتبان أصحاب الشهادات العليا قليل؟؟؟؟؟؟ ........

[نفيعية بحرينية]

بالعكـس اختي

على فكرة ترى في ما شاء الله
من العتوب شهادتهم كبيرة مؤهلاتهم أفضل من عوايل ثانية
لكن في الاخير الشهادة لا تودي ولا تييب اهم شي الاخلاق والمعاملة الطيبة
ياما ناس عندهم شهادات ما عندهم اي تواضع وكبرياء وياما ناس اميين لا يعرفون الكتابة ولا القراءة ما شاء الله
الله لا يغير عليهم

[اخو من طاع الله]

اهلاً وسهلاً بالاخت سفيرة عتيبه

بصراحه سؤال غريب اخاف بعض المشرفين ما يعجبه السؤال ويحذف الموضوع ههههه

الجواب على سؤالك من يقول ان العتبان قليل الي حاصلين على شهادات عليا انتي مشكلتكي ما سويتي دراسه فقط شفتي الي حولك في مجتمعك المحيط في الجامعه وحكمتي

الدنيا غرقانه بلعتبان الي حاصلين على شهادات عليا ومعنا عدد كبير لا يستهان فيه في المنتدى منهم وإن شاء الله راح يردون عليكي

تعالي السعوديه وشوفي كم عددهم

ما ادري عن الكويت عندكم لكن اظنهم كثير كثير وراح يردون عليكي ويبنون الالتباس الي حاصل عندك

[سفيرة عتيبة]

أنا مأقول مافيه أبد وما بي أحد يزعل مني و يمكن كلامك صحيح .... بس اللي أشوفة أن العدد قليل مقارنة بالعوائل الأخري
وشكرا ع المرور

[الفـــارسه]

مرحبا

اولا هلا فيك ياسفيره عتيبه وحياك بالمنتدى بين اخوانك واخواتك

ثانيا بعيدا عن العنصريه والتعصب لقبيله معينه

ارى ان كلامك نوعا ما عن قله العتبان بالدراسات العليا قليل ارى انه

صحيح الا اننا نلاحظ تطور الاهتمام بالتعليم بالاونه الاخير لدى القبيله

لكن قله العتبان لا تقل عن قله المطران او الحروب او او

بمعنى اننا نرى وجهه القبائل البدويه بشكل عام للتعليم العالي يعتبر قليل

مقارنه بالقبائل الحضريه ... وانا اعتقد ان اعداد القبائل البدويه كبير

ولو وجدت مئه اومئتين بينهم بتحسين انهم ولاشيء لان ماشاء الله

اعدادنا كبيره وخصوصا قبيله عتيبه تعتبر من القبائل الكثيره العدد :)

وهذا لايجعلنا ننكر وجود اعداد لاباس بها من قبيلتنا قد وصلت لذلك واكثر :)

وفي المستقبل القريب باذن الله ستكون هناك وجهه رائعه للدراسات العليا

لاننا في مراحل تطور رائع :)

[إبن ثعلي]

العتبان اصحاب المؤهلات العليا كثيرين وفيهم بركه
تحياتي

[سفيرة عتيبة]

شكراً لكل من أدلو برأيهم و أسمحوا لي بتوضيح بسيط

أولا: قصدت بالشهادات العلياء (الماستر و الدكتوراء )
أما المحيطين بي (أنا لي 3أخوان وأنا البنت الوحيدة)
الأول بكالوريوس علوم إدارية
الثاني دبلوم حاسب ألي
الثالث للحين بالثانوية
وأن شاء الله المستقبل جدامه ....

ثانياً: أما المجتمع فعندنا من العتبان من هم أطباء وأعضاء في مجلس الأمة وتجار وسياسيين يفتخر في طاريهم و شلون إذا هم منا مثل د.فيصل المسلم له موااااااااااقف كثيرة و مشرفه من أجل عيون الكويت
( أتوقع سمعتوا عن حل مجلس الأمة الكويتي موضوع طويل)....
بس الكثير أكتفوا بالبكالوريوس(وأنا أقصد الأعلى منها) والحين في هذا القرن من مستحيل ما يكون حد عنده بكالوريوس أو ع الأقل دبلوم إلا من لم يحالفهم الحظ....


النقطة الأخيييره والأهم الموضوع مجرد وجهة نظر وتساؤل، لا يفسد للود قضية.....

وإذا الأخ عبدالله الحافي زعل يأمر وإحنا نراضي... و سبق أن قلت ما أعرف الوضع عندكم لأن مالي حد قريب بالسعودية...(يعني فيه بس من بعيييد)ومن زمان ما رحت لها أما اللحين فأنتم اللي لي فيها....

أنتم أخوااااااني وأبناء عمومتي ورضاكم ينشرى بأغلى الأثماااااااااااااان
وإذا الموضوع مو عاجبكم أطلب أنه ينخذف
بس ما أحد ياخذ على خاطرة
أنا ما اشتركت عشان أزعل حد

ودمتم ساااااااالمين
سفيرة عتيبة

[اخو من طاع الله]

هلا يا سفيره العتبان

انا مستحيل ازعل واذا زعلت ما اطول ههههههه

الموضوع فيه غرابه بعض الشي وعجبني وكنت ناوي انقله لساحة النقاش ولكن قلت اشوف اخواننا المشرفين

والله يا سفيرة عتيبه الي اعرفهم كثير حاصلين على شهادات عليا من ربعي الحفاه وباقي الفخوذ فيهم الي حاصلين اكثر منا لانهم اكثر عدد منا

لا انسى ان انبه الى نقطه معظم ربعنا يحبون ان يتوجهون للعمل العسكري ووصلوا الى مناصب عليا وهي تعادل الدكتواره وما فوق
اما كثرة الشهادات العليا عند العوائل المتحضره لانهم مرفوضين من العمل العسكري وما لهم غير الجامعات ولهم اقارب في الخارج يساعدونهم على التسجيل في الجامعات الاجنبيه

والله اعلم

وحنا يشرفنا انك تصبحين اخت لنا وابنت عم والاختلاف لا يفسد في الود قضيه

اتمنى لكي التوفيق

[سلمان]

شوفو انا والله ماقريت الردود ولا قريت ارئكم

قريت الموضوع
الي اشكر الاخ سفيرة عتيبه على اختياره
وانا معها فيه

دايم حنا نقول حنا يا العتبان عندنا شهادات ومناصب
لاكن كم خمسه اربعه
الحين انا مثال ابي اعد الناس من العتبان الي اعرفهم شخصياً
تعليمهم عالي
واحد مع دكتوراه واحد ثاني محاضر في جامعة البترول وثنين شهاداتهم ماجستير واحد موظف وظيفه تستاهل دراسته والاخر
مدير مدرسه
انا في رائيي الشخصي انا المشكله الي نواجهها موب في عتيبه وبس في القبايل الاخرا مانفكر بل التعليم اكبر طموح لنا عالم العسكريه
والسبب نوعاً ما الجهل وايضاً سؤ في التخطيط وقلة الطموح
وايضاً لا نجد دعم

( مثال )( واحد من اصحابي يدرس في جامعة البترول والمعادن
في الظهران واهل صديقي ذا في الرياض دق علي ابوه توقعون وش قاله يقوله خل عنك الدراسه لقيت لك وظيفه في الرياض تعال توظف فيها ورح معي الحين للديره )

صاحبي ذا هل تتوقعون انه تحطم نعم تحطم لاكان والده يحاول فيه ترك درساته


زي ما قلت المشكله عندنا الجهل

[سفيرة عتيبة]

بصررراحة ... ردودكم أسعدتني وحسيت أن ألحين فية هم مشترك بينا بس الوعد أننا نطور من نفسنا والأمل في الله وفيكم كبيييييييييييييير...

دمتم ..

[سلطان القثامي]

عندنا بالسعوديه الحمد لله متعلمين.....وعندكم بالكويت بعد ما انكر هالشي وانتي ادرى ببلادك

وعلى سبيل المثال ينبع فيها ما شا الله 2 مقطه اخوان....واحد مدير تعليم العيال والثاني

مدير شرطه ......و ولد عم لهم مدير مركز تدريب الحرس بجده....ومشكوره يالسفيره

[سفيرة عتيبة]

هلا يالقثامي الله يزيد ويبارك

هذا اللي انا أبيه

[مخاوي النشامى]

أرجو تصحيح معلوماتك يا سفيرة عتيبه
فلو تتبعت المناصب التعليميه بشكل خاص
لو وجدت من عتيبه من يحمل الشهادات العليا
والحمد لله هم كثير

[حسام هوازن]

انا الذي جعلني ادخل لهذا الموضوع هو عنوانه الذي

جذبني وكيف لا وفيه اسم قبيلتنا الغالية عتيبة

بنت العم سفيرة عتيبة طبعاُ بشكل عام عتيبة مثل

مثل كل قبيلة ابنائها وبناتها ماشاءالله سلكوا طريق التعليم

وكثير منهم من حصل على شهادة البكالوريوس ويتوقفون عند

هذه الشهادة نعم انا معك ان قليل من يواصل دراسة الماجستير

والدكتوراة... يمكن ظاهرة صحية ليست مخصوصة بعتيبة

بل بكل قبائل البدو.. بس الحق يقال ان الطموح عند بعض شبابنا

العسكرية واخذ راتب بعد تفشي البطالة والعجز الميزانية للدولة

جعل بعض الشباب يتغاضون عن الدارسة الجامعية

ولكن العزاء الوحيد انه يوجد ايضاً الكثير من ابناء وبنات

من تعلم وواصل دراسته للبكالوريوس.. وعندنا بالمملكة

من ابناء عتيبة من حصل على مناصب كبرى نظير شهادتهم العليا..


ودوماً عتيبة كلهم خيالة

[سفيرة عتيبة]

شكرا ع المرور
مخاوي النشامى
حسام هوازن

والموضوع مفتوح للنقاش قد أصيب وقد أخطئ

ومن كل قلبي أتمنى أن أخواني وبني عمي يوصلون الي أرقى المناصب وأعلى الشهادات

وأفتخر وارفع راسي لأني منهم وهم مني..............

[طيب الفال]

يوجد الكثير ولله الحمد

وأسأل الله أن ينفع بهم دينهم ووطنهم وامتهم

مشكوره أختي سفير عتيبة على طرح الموضوع

[طيب الفال]

يوجد الكثير ولله الحمد

وأسأل الله أن ينفع بهم دينهم ووطنهم وامتهم

مشكوره أختي سفيرة عتيبة على طرح الموضوع

[سفيرة عتيبة]

اللهم أمييييييين

مشكور أخوي ع المشاركه والمرور

[محـمد]

سلاام
اول شي اختي من قال انم العتباان اصحااب الشهادات العليااا قليل عددهم بالعكس
فيه كثير وباااستراليااا قابلت تقريبااا اربعه عتباان وكلهم يدرسوا الدكتوراه هذاا بالنسبه للخارج
واللي اعرفهم انااا

اما بالداخل فااقرب مثال عندك رئيس خدمة المجتمع بجامعه جده
ومدير الخطوط السعوديه
هذاا طبعاا غير المناصب العسكريه



وووو .........وووووووو



ومشكوووره عالموضوع

[سفيرة عتيبة]

شـــــــــكـراً على مرورك الكريم Memo

وشكرا ع الرد والله ينفع بهم بالدين والدنيااااااا

[برقاوي هواوي]

أختي سفيرة عتيبة بدون أي تعصب لقبيلة عتيبة ومع احترامي لرأيك الشخصي ففي قبيلة عتيبة الكثير ممن يحمل الشهادات العليا في شتى المجالات ويتقلد أعلى المناصب في أجهزة دولتنا الحبيبة في شتى القطاعات

[سفيرة عتيبة]

شكرا ع التعليق وشكرا ع الأسلوب الراقي في الرد اللي يدل علي شخصية الكاتب

ومثل ماقلت الله ينفع بهم بالدين والدنيا

[سندريلا عتيبه]

ثنكيو فيري متش سفيره شفتي دارسه في هولندا ههههههههههههه