مجموعة قصايد في مدح قبيلة عتيبة الهيلا

[برقاوي هواوي]

بسم الله الرحمن الرحيم

أخواني واخواتي أعضاء منتديات قبيلة عتيبة مساكم الله بالخير جميعا نظرا لما يطرح في هذا المنتدى من قصايد رائعة في مدح قبيلة عتيبة سواء من شعار القبيلة أو القبايل الأخرى حبيت أن أجمع هذه القصايد تحت موضوع واحد لكي يسهل الرجوع اليها في أي وقت وأتمنى من جميع الاعضاء بدون استثناء المشاركة الفعالة ووضــع أي قصيدة تناسب هذا الموضوع وتقبلوا خالص تقديري
بسم الله الرحمن الرحيم


قصه وقصيده ومناسبتها هي كـــان الـجـنـدي ثــامـر بـــن فــلاح بن شامان الـشـمري فــي دوره عـسـكريه مـسـؤولـهـا الــمـقـدم تـراحـيب بن سويلم الـعـتـيبي . وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى. وعــاد بـعـد ان تـمـت دورة زمـلائـه وتـمـكن مــن الـتـخرج مـعـهم فأرسل والده فـــلاح بـــن شـامـان الـشـمري هــذه الـقـصيده:




ســــــــلام مـــنــــــــي لــلــــمــــقـــدم تـــراحـــيــــب=اعــــداد مــــا خـــــــط الـــقـــلـــم بـــــيـــــد كـــــتــٌــاب
وعــداد مـــــا غـــــنــــوا هـــل الـــفـــطــر الـــشـــيــب=بـــــأرضٍ خـــلـــيـــه مــا بـــهــــا غــيــــر الاعــــشــــاب
وأعــداد مــا ذعــــــــــذع نــــســـيـــم الــهــبــاهــيــب=وأعــداد مــــــا ســــجـــيـــت رجــلـــــي لـــــلاقـــــراب
مــا هــي غـــريــبــه مــــنـــك يــا كــــاســـب الـــطــيــب=حــــلــــيــــاك مــن نــــــجـــــمٍ تــــبــــيـــن ولاغـــــــــاب
شــــريـــف مـــا يــــدخـــل عــلــــى ســـاســك الـــعـــيــب=مــن يـــفـــعـــل الــحــســنــا بــــالاجــــواد مــــــا خــــــــاب
لــقــيــــت بـــالـــعـــتـــبــان خـــمـســــة عـــــــذاريـــــــب=الــطـيــــب والــنــــخــــوه وتـــــقــــديــــر الاجـــــــنــــــاب
دون الـخـــــوي يـــا طــــــــــون حــــــــــر الـــلـــواهــيــب=وان حـــــدت الـــــدنــــيــــا يـــفــــكــــون الانـــــــشــــــاب

فـــرد عـلـيـه: تـراحـيب بـــن سـويـلم الـعـتيبي قـائـلاً:



حـــي الـــكـــتــاب اللـي مــــــــن الـــشـــمٌــري جــــيــــب=اقــولـهـــــا بــالـــــصـــــدق مــــــــانـــــــي بـــــــكـــــــذاب
يـــــا مــــرحــبـــا عـــــــــــد الــــنــــجـــوم الـــمـــراقـــيــب=تــــرحــــيـــب مــشــتـــاقٍ لـيـــــا شــــــــاف الاحـــــبـــــاب
بــــكــــتـــاب ابــــــــن شـــــامـــــان رجـــل الـــمـــواجــيــب=فيـــــه الــــجــــواهـــر بـــــيـــــن صـــــايـــــغ وحـــــســــاب
بــنــيـــت لــه بــــأقـــصـــى ضــــمـــيـــري دوالـــــيـــــب=هــــذا الــــرصـــيـــد الـلـــــي كـــنـــزتـــه وراء الـــــبــــاب
مــن شـــــــأن ثـــــامـــــر يــــرخـــصـــن الــمــطــالــيــب=خــــويــــنــــا الــــطــــيـــب لــه الـحـــــق غــــــصـــــاب
خــــويـــنــا نــنــصـاب مــــثــــلــــه لـــيـــــا صــــــيـــــب=نــمــــرض مــعــــه ونـــطـــيــب مـــثـــلــه لـيــا طــــــــاب
يــا عـــل مـا يـــفـــتــق عــلـــى مـــثــلــه الـــجــيــب=والله يـــــجــــيــــره مــن صــــواديــــف الاســــــبــــــاب


وهذه القصيدة للشاعرالكبيرملفي بن مزيد المورقي


مـا دام كـل قـام يمـدح قبيلـتـه =ويذكـر مناسبهـا ويذكـر فعولهـا
لي الفخر في مـدح ربعـي عتيبـه =اللي تسلسل من هـوازن اصولهـا
ربعي اهل التاريخ والعـز والفخـر =ليا مـن دقـت للحرايـب طبولهـا
لها الاسم الرنان مع سايـر العـرب =لا ضيقت بعض العـرب صوتولهـا
مثل الجبال الشامخة فـي الجزيـرة =مترامية عرض الجزيـرة وطولهـا
من قوة هيبتهم ومـن قـوة باسهـم =كل الديار اللـي يبـون وصلولهـا
ليا ساقوا العطفة وسارت جموعهـم =الارض ترجف من حوافر خيولهـا
تمشـي برغبتهـا وتمشـي بكيفهـا=ما كن به ناس مـن النـاس حولهـا
لين إنها وسط الجزيـرة تمركـزت =وشرف على أطراف الجزيرة نزولها
هيـل علـى ماقـال الاول مهيلـة =تطـول رغبتهـا ولاأحـد يطولهـا
بحكم السيوف اللي تجـاذب قنيبهـا =وشلف عريضات وسـاع دحولهـا
ماتاكـل الا كـل شيـخ مـجـرب =تخلي عن الخيل الاصايـل حمولهـا
يوم إنهـم هـاك الليالـي تحـدروا =مثل المزون اللـي تدلـت ثعولهـا
بروقها بيـض السيـوف الرهايـف =ورعودها العزوة اليا ضاق جولهـا
وثعولهـا البـارود عنـد انصبابـه =والدم من فعـل النشامـى سيولهـا
هـذي وأنـا ملفـي فعايـل عتيبـة =ليا من جت المعضـلات ارتكولهـا
ومن لاذ بحماهم من الخـوف يامـن =تضفي علاه عن البـلاوي سدولهـا
يصيـر فـي عيـط قـوي حجاهـا =تخلي وتذري من دخل فـي كفولهـا
ومن طيبها ينسب لها عـدة اسمـاء =اسمـاء دواليـب الدهـر ماتزولهـا
ذكرت منها البعض والبعض الاخـر =ماأوفي حروف رسالتي لين اقولهـا
ذباحـة الحايـل ولطامـة الـعـدى =حتى نعاتيـت الطغـاه شهـدو لهـا
قدم العـدى نـارا قـوي جحيمهـا =وقدام وجه الضيـف زيـن قبولهـا
وأيوابهـم طـول الليالـي مشرعـه =ما حلجـوا قـدم المسيـر قفولهـا
ان جاهم الطرقي لقى العود والشبب =ودلال رسـلان تعـاقـب بدولـهـا
يكيـف الضرمـان خنـة عبيرهـا =اهـل كـرم والمكرمـات تعبولهـا
وكل السلوم الطيبـة مـن سلومهـم =سلومهـم سـارت ونالـت قبولهـا
كم اصلحوا من مشكلة غير الاخرى=الصلح مـن بيـن القبايـل ميولهـا
ربعي سراج الدين في ظلمة الجهـل =ما تمشي الا مـا مشابـه رسولهـا
قلته وانـا شاعـر وامجـد قبيلتـي =اللي مـن الحكمـة ثقـال عقولهـا
والشاعر اللـي مـا يمجـد قبيلتـه =ياعنـك ماثمـن مسـاع سعولـهـا
همه اليا غنـى القصيـد لمصالحـه =ياكل بها العيشة ويعـرف دخولهـا
في مدح ربعه ما تدرهـم قصايـده =وفي غيرهم محفي سماري ذلولهـا
ما يدري ان الدنيا رحـاة مستديـرة =يمكن عليه الدور ما حـال حولهـا
وختامها مني صـلاة علـى النبـي =شفيع الامـة يـوم يـزداد هولهـا

[برقاوي هواوي]

ياناس حنا من ضنـا نجـد عتبـان=يشهد لنـا التاريـخ لوقلـت حنـا
حنا فياض وإن قسى الوقت ضلعان=حنا البحر مـدام هـالأرض منـا
حنا الرعد حنـا زلازل وبركـان=حنـا دمـار الكـون لوقيـل عنـا
حنا شعاع الشمس والليل خسـران=حنـا الليالـي لاأقبلـن ماوطـنـا
حنا غديـر يعشقـه كـل ضميـان=حنـا غـرام والعـذارى هـونـا
حنا الكرم والطيب شايـب وشبـان=حنا {{عتيبه}} مـن لنـا المجـد غنـا
حنا سيـووف هابنـا كـل خـوان=حنا السنيـن الماضيـه مـن بكنـا
حنا السماء لاصار بالأرض نقصان=بعد الولـي هالكـون منـا وإلنـا
حنا هنا واعرف بلا كـان ماكـان=حنـا هنا وهناك كنـا وإنــا
حنا وحنا لوبغـى القـول برهـان=المجد والعزه سـوى إكتبـنـا
شاعر وجيت من الفخر حيل طربان=دام الطـروق اللـي تغنـا لحـنـا
حنا قصيده شامخه تحـت عنـوان=حنا {{عتيبه}} وإنشـد الكـل عنـا
الشاعرنايف بن صقر بن مسعد الدلبحي

[الــوافــي]

يرقاوي

الله يعطيك العاااافيه على هذا الجهد الراااائع


لا عدمناك


تقديري

[برقاوي هواوي]

لطيب له هيـبـة وللـعـز تيـجـان=وللشعـر روادٌ وللقـول مضـمـون
والادمي قبـل الشعـر قلـب ولسـان=ما يرفعه شعـره معـا مـن يغنـون
ما قيل إبـة رجـلٌ تمرجـل بقيفـان=حتى ولو يشهـره ينقـال مـا لـون
لو القصيـد يغيـر أحـوال الانسـان=ما كان بالشعـار صاحـى ومجنـون
ولـو الرجولـة بالقـوافـى والاوزان=كـان العـذارا للرجـولـة ينـالـون
سبحـان ربٌ معتلـى فـوق سبحـان=قـد قـال بـأن الاغلبيـة يهيمـون
ملا رحمـه الـرب لاشـك خسـران=هذا الصحيح وقولـوا اللـى تقولـون
يارب تجعل لـى عـن النـار مزبـان=يامخرجٌ من ظلمـة البحـر ذا النـون
هذا ونـور الصبـح لـلان مـا بـان=وأصبحت ويا الليل عاشـق ومفتـون
الليل فى عتمـة ظلامـه ليـا حـان=سجة فكر للى مـن الوقـت مشحـون
أرتاح عن صخب المدينة والاشجـانوانادم النجمـات عـن كـل مكنـون
وأشيل جزل القـاف وأجـر الالحـان=وأقطف ثمر ما لاق من كـل مـوزون
على مدار الفكـر فـى كـل الالـوان=أطلقت لى فكرٌ مـن العـام مسجـون
(حنـا جبلنـا للصعيبـات عتـبـان)=رجالنـا يسـوا مـن القـوم مليـون
لاعلى الشموخ إلنا مهابـة وعنـوان=بالسيف سطرناة من خلقـت الكـون
قبيلـة فـى فعلهـا يفخـر الــزان=تشهد بها العـدوان وبليـس ملعـون
عتبان ناصل فـى هـوازن وعدنـان=وحنا خوال المصطفى خيـر مأمـون
نرعى الخطر فى شف حلوات الالبـان=تأمـن بأسامينـا وحنـا لهـا عـون
يانجد ياكم طاح بـك روس شجعـان=اللـى بصكـات الحرايـب يهـلـون
ياكثر ما ضـم الثـرا فيـك شيخـان=وكم راس قرمٌ فى صحاريـك مدفـون
خلى عشا للسبـع والذيـب سرحـان=مضيافهـم بأفعالنـا كــل دنــدون
يا نجد مـا جينـاك للـدار ضيفـان=ولا تزعمـنـا بـأتـوات وفـنـون
جينـاك بسيـوفٌ تعـزوى بفرسـان=اللى علـى حبـك لـلارواح يهـدون
قبايـلٌ تسكنـك مـاهـم بـرديـان=لكنهـم بالمعركـة مــن ينـاحـون
تنزحوا من عقـب روغـات الاذهـان=من فعـل هنـديٌ للارقـاب مسنـون
ورفرف علم عتّاب فى كـل الاركـان=وزاحت قبايل نجد عن نجـد بضعـون
ما سموا الهيـلا تمازيـح وإحسـان=ألا بفعـلٌ يجعـل الخصـم مطعـون
فعايلٌ يشهـد بهـا الانـس والجـان=وعيبٌ على هرجٌ بـلا فعـل مقـرون
ويشهد بها نجد المسمـى والاوطـان=وأهـل البصايـر بالتواريـخ يقـرون
هذا الصحيح محكحـك بكـل ميـزان=وهرجٌ بليـا ثبّـت لا طعـم لا لـون
وتبقى القبايل شامخـه دون نقصـان=ومدحى لربعى ما ينقص من الشـون
أبفتخر وأنثـر مـن القـول ريحـان=ومن لامنى يعيـش ويمـوت مغبـون
مانـى نديـم لكـل غـاوى وجبـان=اللى علاقتهـم كمـا سيـر مدهـون
علاقـةٌ مـا تنتـوثـق بسيـسـان=تصبح كما جمرٌ علـى راس غليـون
أهل الرخـا لـو تعتلـى كـل ميـدان=غسلتهم عن طرقتى غسـل صابـون
أنـا نديـمـى لـلـوازم كحـيـلان=راسٌ ما يقبل منـزل الـذل والهـون
فى لازمة أسوق لـه غـال الاثمـان=وفى لازمى يصبح لى حصون وحصون
له بالغلا فى داخـل الصـدر صيـوان=وانا أدرى إنى داخل القلـب مصيـون
قريـب وألا بعيـد فالامـر سـيـان=ما عنـه تصديـدٌ ولا عنـه مرهـون
ياليل فـى داجيـك للشعـر مسكـان=حيث الهدو فى عالمـك دوم مسكـون
أرعاك لوحـة تنتظـر رسـم فنـان=وأرسم على خدك هواجيس وشجـون
وألبسك مـن فاخـر الشعـر تيجـان=فيها من الهوجاس للفكـر مضمـون

الشاعرخالد بن حميد بن رازن الذيابي

[برقاوي هواوي]

الله يعافيك أخوي الوافي وتسلم على المرور وهذا أقل شيء نقدمه لمنتدى قبيلتنا

[محمد العتيبي]

تسلم يا اخوي برقاوي هواوي على مجهودك الطيب

تحياتي لك

[برقاوي هواوي]

]
بسم الله الرحمن مبداء كلامـي=مبدا القصيـد ومطلـع القيفـان
ولا خاب من يبدا بذكره كلامـه=رب العباد الواحـد الرحمـان
واردّ من حلو المثايـل واغنّـي=كـلام مـوزونً علـى ميـزان
هبت هبوب الشعر منّـا ومنّـا=ببيوت مثل الطرقـي العجـلان
تسابقنْ مابينهم فـي ضميـري=الكـل ودّه يصبـح العـنـوان
واخترت من زين المعاني معاني=وبنيت مبناهـا علـى سيسـان
بيوت شعرً في ضميري تزاحم=تارد مثل مـا يـارد الضميـان
ارسم معانيها وارتّب حروفهـا=صنعة عقود الـلول والمرجـان
وانا لياجات المواقـف عتيبـي=واسعـد منهـم ربعـه العتبـان
العزوه اللي من خيار العزاوي=اللي لهـم بيـن القبايـل شـان
قومً يعرفـون القبايـل فعولهـا=زبن الدخيـل وسـم للعـدوان
كم نزّحو لابه وعاشوا مكانهـا=يوم أنها سيف وفـرس وعنـان
تربعوا في وسط نجد وخذوهـا=يـوم إدراج الخيـل فالميـدان
قحص المهار اللي عليها رجالها=تقضّـب المـديـون للـديـان
ومصقلاتً عشت النمر والفهـد=والطير منهـا ماضـوا جيعـان
ربعي هل الطالات لطّامة العدا=لا زادت الشعله على الدخـان
أهل الفعول اللّي تبيّض وجيهـا=لا عدّت الأفعـال كـان وكـان
أفعولها يزري لسانـي يعدّهـا=والله مايحصيهـا كـلام لسـان
ولو تكتب الأقلام مايكفي الحبر=ويمدي الورق خلّص من الدكان
برقا وروق أهل السلوم العريبه=تاريخهـم بالمرجلـه ملـيـان
سمّوهم الهيلا لكثرة جموعهـم=هيل المطر من رايح الأمـزان
وذباحة الحائل لكثـرة كرمهـم=قـومً كـرام تكّـرم الضيفـان
ولطامة العايل للطمـة عدوهـم=قولً على فعـلً علـى برهـان
أمجادهم مثل النجـوم المطلّـه=ماتختفـي يـاكـود للعمـيـان
وحصونهم مثل الجبال الرواسي=امرسّيـه مارسّـت الضلعـان
وأديارهم في قلب نجد الموقّـر=وقلب الحجاز الشامـخ الفتـان
هذي منازلهم وهـذي ديارهـم=وهذي مسيرة ربعـي العتبـان


الشاعر عيضه معيوض الثبيتي العتيبي

[برقاوي هواوي]

الله يسلمك أخوي افتخر اني عتيبي ولاهنت على المرور

وأنا في انتظار تفاعل الاعضاء جميعهم

[الــوافــي]

برقااااااوي تفضل


حنا عتيبة مصدر الطيـب منـا
=تعرف جميع القوم منهم عتيبـة
فينا صفات(ن)من طلبهـا تعنـا
=حتـى لذيـذ النـوم مايهتنيبـه
اهل الفعول ان كان قلنـا فعلنـا
=حنا سوات الموت سلطة وهيبـة
نبطش بحد المرهفـات المسنـا
=ونغير فوق المكرمـات الاديبـة
لادق زير الحرب صفٍ كملنـا
=عدونـا نسقيـه مـر الغليـبـه
حنا عتيبة وانشـد القـوم عنـا
=صغيرنايذكـر بفعلـه وطيبـه
ذباحة الحايـل سعـوط المجنـا
=اهل السيوف المرهفات العطيبـة
كم شيخ قومـا بالملاقـا زبنـا
=نحميه لو كبرت عليه المصيبـة
ما يـوم لابقنـا ولايـوم خنـا
=وخوينا يلقا الصـدور الرحيبـة
والضيف لن ميل فلاحـاد عنـا
=يعرف دروب العز من غير ريبة
مال الفخر لو ينتخي غير حنـا
=تاج الفخر حنا ولاهـي غريبـة
دون الخوي نشيل هـم المعنـا
=ولجل الكرم نفعل فعول عجيبـه
الطيب عادتنا من اجلـه بذلنـا
=نجيب شي ٍ غيرنـا مـا يجيبـه
ياقشر حظ اللي طمع في ظعنـا
=وياطيب حظ اللي يصيح ونجيبه
عقـال لكـن لازعلنـا جهلنـا
=عدونا يوم الطـراد انعثـي بـه
نخلي ظهور الخيل كـان أقبلنـا
=والمعتدي ماغير روحه ضريبـه
ميدانهـا نجـد العذيـه وطنـا
=نجدٍ لنا ماخلـف نجـدٍ طليبـه
وارض الحجاز بغير شكٍ وظنـا
=فيها زعيـم ٍبالوغـى ننتخيبـه
نجـد ٍخذيناهـا بسيـف امحنّـا
=واللي غلبناهم رضـوا بالغليبـه
حنا عتيبه في الغفى مـا طعنـا
=حنا هل الطولات قوم الصعيبـه
على حياض الموت سقنا جملنـا
=وعشنا بنجدٍ مادفعنـا الضريبـه
لو إنّها ماهـي مذاخيـر أهلنـا
=لكن نزلنـا وسطهـا بالغصيبـة
اي والله انـا بالغصيبـه نزلنـا
=وسجل لنا التاريخ قصّه رهيبـه
خذنا سنـام المجـد منـا ومنـا
=مرعاه نمشي به ونغرف قليبـه
على جبـال العـز حنـا سكنـا
=تاريخنا يا ناس محـدن يجيبـه
بسلومنا كـل المكـارم جمعنـا
=ونلنا عليها غصب ماهو طليبـه

[الــوافــي]

برقاوي تفضل



اكثر شعوب العالم الهند والصيـن
=واعز القبايـل فالجزيـره عتيبـه
ذباحة الحايـل ولانتـم بغاويـن
=لطامـة العايـل وللمـوت هيبـه
فالحرب نقدح نار فوق الشياطيـن
=شرابـت الـدم الحمـر نلتزيبـه
والي جهل يقرا الكتب والد واوين
=وينشد طلال وماحصل في شذيبـه
ووادي الرشا وعروى ولنا براهين
=بقدامنا دسنا الخطـر والمصيبـه
وفعلن في بن هادي شيخ القحاطين
=من بطن نجد اليا حصاته اغديبـه
والي يبا ينكر فعـول الصلاطيـن
=مصيبتن ياكبرهـا مـن مصيبـه
ابن امحيا ومعه سربـت رباعيـن
=والظيط وشليويـح كلـن ادريبـه
ولانتوا لابن هندي وتركي بناسين
=وغيرهـم ياكثرهـم فـي عتيبـه
برقا وروق مرجحيـن الموازيـن
=تاريخهم سجل اسطـورن عجيبـه
وماهمنا مـن سبنـا يامساكيـن
=ساس العرب سهم الجزيره عتيبه

[برقاوي هواوي]

بيض الله وجهك أخوي الوافي على هذه الإضافة والله يعطيك العافية


دمت بود

[الــوافــي]

حنا عتيبه كم حريب لطمناه
=دقلاتنا مثل الخيال الرزيني
علونا في الحجز واقصى قراياه
=.وشرقينا يم الحسا مردفيني
وجنوبنا وادي الدواسر رعيناه
=وشمالنا يم المدينه يميني
حنا ترى نجد المسمى ملكناه
=وخابت حظوظ ملوكه الاوليني
وادي الرشا غصب على الناس نرعاه
=بشلف رهاف ويقطعن الوتيني
تمرجحي في حمضته واشربي ماه
=وتبرهجي يا مقرعات الحنيني
وكم بيت شيخ في نحانا هدمناه
=وامسوا مساييره من الخايبيني
وكم راس شيخ عن متونه نطلناه
=وراحت تسير به كلاب القطيني
والفصل جا فاربع سنين مسماه
=من عقبها سموى القبايل طنيني
منها النهار اللي على الضال واقصاه
=من عجه الضلعان عيت تبيني
ومنها نهار فوق دلعه عبيناه
=مع ايسر الهضبه عساها سنيني
ولد الدويشي فا لعويند كسرناه
=يوم عليه ايشيب المرضعيني
وعلى طلال الدم الاشقر نثرناه
=ويومنهم جونا الضحى سارحيني

مخلد القثامي رحمه الله

[مخاوي النشامى]

سلمت يمينك اخوي برقاوي هواوي
على الجهد الرائع والجبار
وبيض الله وجه من تفاعل معك والبقيه فيهم الخير والبركة
ارى تثبيت الموضوع

تحياااااااااااااااتي لك

[مخاوي النشامى]

يامغيب الشمـس تكفـى لاتعجـل فالمغيبـي=


وقل صبحي من لساني لايطول فـي غيابـه


وياهجوس الليل هاتي وأن بغيتـي روحيبـي=


أفزعي للشاعر اللـي قـام ليلـه وأنتخابـه


دعوتي من ليل(ن)أسود بس واشيبه وشيبـي=


من عفاريتٍ تهاوش جنهـا مـن دون بابـه


قال تكفى وأن نخيتك ويش تفعـل ياعتيبـي=

قلت أقوم كل قرم(ن)قال أعود فـي عتابـه


قال وأن دقر نصيبك وأنت تدري وش نصيبي=


قلت أقوم عتابه كل قرم(ن)مـن شبابـه


قال تقدر تفزع أبهـم قلـت قلـي يانديبـي=


و أني لك لعصب الرأس وبـدأ بالقرابـه


بنتخي بعيـال شيخ(ن)طيبهم قدام طيبي=


قال منهم قلـت روق اللـي تـروق لنشابـه


وقال بس وقلت أزيدك لاتعجـل ياصحيبـي=


وقال منهم قلت برقا نسل شيـب(ن) لذيابه


خذ كلام الشاعر اللي لاوقف ضد الحريبـي=


أن بغيت الفعل جابه وأن بغيت القاف جابـه


والله أنه مـن نخانـا مـن نخانـا مايخيبـي=


قال خابر بس حنـا قلـت لا تنطـق بجابـه



خابر أن أخصامنا الجن لاتـروح ولاتجيبـي=


وأدري أن أبليس يحسب للعتيبي في حسابـه


تدري أن العيب فينا لابغيـت تقـول عيبـي=


فاتنا عصر أبرهـه مـع بدايـات الصحابـه


والله أنـا فالمعـارك مانحـذف ألا نصيبـي=

وأنشد الأيام عنـا وهـي تسبـق باالأجابـه


لكن أنته في حمانـا ودعـي الله يستجيبـي=


ينقذ أبليس المولـي مـن فعولـك ياعتابـه


الولد فينا شبيهه مـن بعيـد ومـن قريبـي=


لو تحط السيف جنبه قلـت ياكثـر التشابـه؟


ومن تردى من ورانا قلـت يايمنـاه عيبـي=


أقطعورأسه بسيفه ونطلوهـن فـي زهابـه


وأحمـدالله ياعتيبـه يـوم ليلـي ينتخيـبـي=


والشجرمن دون ضله ويـش يبغابـه ترابـه

وسمحولي ياقبايـل لامريـض ولا غريبـي=


شاعر ويمدح عتيبـه لاعجيـب ولاعجابـه


بارك الله بأرض تمشي فوقها ساق العتيبـي=


ويرحم الله من تحتهـا ومطريلـه ياسحابـه



قائلهــــــــا / غير معروف رغم الجهود الحثيثة لمعرفته.

[إبن ثعلي]

موفقين يااخوان ومشكورين على جهودكم وتم تثبيت الموضوع
تحياتي

[برقاوي هواوي]

حنا عتيبه كم حريب لطمناه
=دقلاتنا مثل الخيال الرزيني
علونا في الحجز واقصى قراياه
=.وشرقينا يم الحسا مردفيني
وجنوبنا وادي الدواسر رعيناه
=وشمالنا يم المدينه يميني
حنا ترى نجد المسمى ملكناه
=وخابت حظوظ ملوكه الاوليني
وادي الرشا غصب على الناس نرعاه
=بشلف رهاف ويقطعن الوتيني
تمرجحي في حمضته واشربي ماه
=وتبرهجي يا مقرعات الحنيني
وكم بيت شيخ في نحانا هدمناه
=وامسوا مساييره من الخايبيني
وكم راس شيخ عن متونه نطلناه
=وراحت تسير به كلاب القطيني
والفصل جا فاربع سنين مسماه
=من عقبها سموى القبايل طنيني
منها النهار اللي على الضال واقصاه
=من عجه الضلعان عيت تبيني
ومنها نهار فوق دلعه عبيناه
=مع ايسر الهضبه عساها سنيني
ولد الدويشي فا لعويند كسرناه
=يوم عليه ايشيب المرضعيني
وعلى طلال الدم الاشقر نثرناه
=ويومنهم جونا الضحى سارحيني

مخلد القثامي رحمه الله


تسلم يمينك أخوي الوافي وتقبل وافر احترامي

[برقاوي هواوي]

اللــه يسلمك أخوي مخاوي النشامى والله يعطيك العافية على تثبيت الموضوع لكي تتم الاستفادة الكاملة منه

وتسلم على المشاركة وتفاعلك الرائع


وتقبل شكري

[برقاوي هواوي]

العفو أخوي بن ثعلي والله لايهينك ونحن بانتظار تفاعل الأعــضاء

[النـايــــــف]

بيض الله وجهك يا برقاوي هواوي


على هذا الموضوع الرائع



تحياتي لك ،،،،

[برقاوي هواوي]

وجهك أبيض أخوي النايف وتسلم على المرور

[برقاوي هواوي]

مني لساجر بيت يكتب ورا بيت=شعر يشرف في المعالي مقامه
لعتيبة الهيلا سريت وتعنيت=لأهل السخا وأهل الوفا والشهامه
قبيلة(ن)فيها نشيت وتربيت=عز الضعيف اللي هزال عظامه
عتيبة عتيبة لها المجد والصيت=اللي لها في العز هامه وقامه
أنشد جبال طويق وهضاب حليت=منهم هل الوقفات وأهل الزعامه
عدوهم لا هو بحي ولاميت=مدنق براسه مثل راس النعامه
الطيبين الاكرمين العناتيت=المخلصين أهل السلف والجهامه
هم فزعتي لامن نخيت وتعزويت=لاحدني وقتي رميت العمامه
مهما كتبت من القصايد وغنيت=ماألحق جزاها لو تقوم القيامه
لها القصيد يساق بيت ورا بيت=يعقب صبي ما يثمن كلامه


الشاعرضيدان بن قضعان العجمي

[اخو من طاع الله]

بيض الله وجهك يا برقاوي على هذا الموضوع الرااااااااااااااااااائع

وما قصر اخونا الوافي يعطيه العااااااااااااااااااااااااافيه

[الأديب]

الله يعطيك العافيه يابرقاوي هاوي



والشكر للجميع والحقيقه اني مازلت اقراء القصايد ولم انتهي بعد

[برقاوي هواوي]

وجهك أبيض أخوي عبدالله الحافي بس وين المشاركة

[برقاوي هواوي]

الله يعافيك أخوي الاديب

[برقاوي هواوي]

وأهني من زرفلت بـه بكـرةً حـره=معطن مزاليج والا معطن الجـودي
وأقفى عن الهاجري وأقفى عن المره=لو ما جـا مـن الاجـواد منقـودي
ربعي عتيبه من العارض ليا الحـره=سقم المعادي ليا جاء العلم مـردودي
والعلم الآخر اليا عقبوا على الجـره=والسبر جاهم من اللي قدم مطـرودي
جاهم نهـارٍ جبالـه منـه محمـره=ثم ثار عج الرمـك وازداد بـارودي
هذي طريحـه تـزر الـدم وتثـره=وهذي قلاعه والأخرى تصقل العودي
تجمعوا كل منهم فوق حزبره=والشيخ ينخا هل العـادات بفنـودي
لعيون من حبنا واللي لحـق شـره=فعلٍ يداوي كبـود ويجـرح كبـودي


الشاعرالكبيرفيحان بن ثمر الروقي العتيبي

[برقاوي هواوي]

من غير نقص بحق باق القبايـل=يا سعد من ربعـه قبيلـة عتيبـه
أهل الصخا والجود وأهل الجمايـل=وأهل المواقف فالظروف العصيبـه
قوم لهـم روس المعالـي ذلايـل=بأيمانهم تنسـاق سـوق النجيبـه
ذباحة الحايـل عمـى كـل عايـل=من وصفهم فيهم سماحـه وهيبـه
تاريخهم يروي عطـاش المثايـل=ماضي وحاضـر فعلهـم ينحكيبـه
لو نستمد مـن السنيـن الأوايـل=شي موثق مـا دخـل فيـه ريبـه
نأخذ من الواقـع خيـار الدلايـل=المعجم اللي قسمهم مـن غريبـه
يوم المراجـل بالهمـم والصمايـل=حضارهم يكفـون مـن فالمغيبـه
مضالهم صولات فـوق الأصايـل=يوم المصيبـه تنتهـي بالمصيبـه
ليا ولعوا للحـرب روس الفتايـل=هداتهم في من حربهـم غضيبـه
مركاضهم يـرم العشـاء للمخايـل=وسهومهـم دم العـدا ترتويـبـه
وإن عصبوا للروس دون الجلايـل=يا ويل من عوب الظنون تهويبـه
سطواتهم تقعد صغـى كـل مايـل=إما رضي تمضي عليـه الغصيبـه
كم جمع سلطـانٍ عليهـم تهايـل=جمـعٍ مـدورة الطمـع تلتجيبـه
أقبـل وقفـى بالهزيمـه شلايـل=عقب الطمع منهـم قنـع بالغليبـه
ويوم إن جيش الترك صايل وجايل=خاضـو طوابيـره كتيبـه كتيبـه
وجايلمن فعلهم شاف النظام الهوايل=وعدّل عن أهدافٍ براسه غصيبـه
وغيره وغيره منجـزات جزايـل=كـم ميسـمٍ جابـه عـدوٍ كويبـه
واللي بعد حاول بشتـى الوسايـل=كم ساق دقلات الجمـوع المهيبـه
خمسين من زيزوم بـرزان حايـل=ما رجحت ميزان منغـص حريبـه
منهم حدت دهم الجمـوع الفعايـل=مـا طمنـوا هاماتهـم للضريبـه
ياما ويامـا بـردوا مـن غلايـل=وكم طوعوا بالفعل روس صعيبـه
في نجد تشهد مقفـرات الخمايـل=وتشهد لهم هوجه ويشهد جذيبـه
مروين عطشان القنـى والسلايـل=يـومٍ كـل مـا فعـل ينجزيـبـه
وان قربت شهب السنين الحفايـل=تندى يديهم والجوانـب خصيبـه
يبدون للعانـي حجـا كـل طايـل=رجالهـم مـا يدخـر مـا بحيبـه
ودخيلهـم هـمٍ يعانـيـه زايــل=أدنـى عتيبـي فالكـرب يعتزيبـه
مزبان من ضاقت عليـه الوسايـل=بالعـز صـرح امجادهـم يعتليبـه
لو إن سهره من عنا الوقت طايـل=اليـا زبنهـم مرقـده يهتنيـبـه
عن الخوي فزعاتهـم مـا تمايـل=وحق القصيـر سلومهـم تعتنيبـه
عتبان فيهـم وافيـات الخصايـل=ميزاتهم في كـل منهـج عريبـه
عنهم كتبت مـن الكثيـر القلايـل=في ما مضى يا أهل القلوب اللبيبه
قبل يلـم الشمـل يبـس البلايـل=عبد العزيز اللي عسى الله يثيبـه
جاها وسكـان الجزيـره سحايـل=جازف عليها وأصبحت من نصيبه
وحنا على البيعه وننفـى البدايـل=مـن طبعنـا وال أمرنـا نقتديبـه
واليـوم نوفـي حقنـا والمكايـل=وطيـبٍ بدينابـه نبـي ننتهيبـه
ماضي وحاضـر حقنـا فالزلايـل=ما صار في منهاجنـا مـا يعيبـه
عتبـان رمـزٍ للكـرم والجزايـل=والعرف والعفه والأرياء الصليبـه
فالمدن ما أحرف مجتمعهم دخايـل=مجالـس تلفـى وجلسـات أديبـه
والضيف للترحيب والقـدر نايـل=غير المناسـف والـدلال الربيبـه
وإن سبّلت بالوبل غـر المخايـل=أبواشهم ترعى القفـور العشيبـه
يرعون قطعـان تغيـض الغلايـلللنصر في ماضي وحاضر قضيبـه
ويبنون لللافـي بـروس البتايـل=ومن تاه نور عقودهـم يهتديبـه
أنوارهـم فالليـل مثـل القوايـل=تجلى خراميـس الظـلام المهيبـه
في وصفهم لو قلت ما نيب عايـل=عشـاق عـز وللتوافـه حريبـه
مثل العدود ليـا أغـورن الثمايـل=تزود مـع مـر السنيـن التعيبـه
قـولٍ يعرفونـه عيـال الحمايـل=ومن قال قول الزور ربه حسيبـه
والناس كـل ٍلـه سلـوم وفعايـل=وكلٍ عـن الثانـي مكفّيـه طيبـه
ومن غير نقص بحق باق القبايـل=يا سعد من ربعـه قبيلـة عتيبـه


الشاعرالكبير / محماس بن شميسان العتيبي

[بوشامه]

اخوي برقاوي هواوي صح لسانك وسلم بنانك على النقل لهذه القصيده الجزله وصح لسان شاعرها

محماس بن شميسان العضياني الروقي العتيبي000

[رائد العتيبـي]

ونعم والله في عتيبه .. وبيض الله وجيهكم ياعيال العم

[برقاوي هواوي]

الله يسلمك أخوي بو شامه وصح بدنك

[برقاوي هواوي]

وجهك أبيض أخوي رائد وما سوينا الا الواجب

[برقاوي هواوي]

يقول الى بـدع صـاف المثايـل=معانيهـا الصحيحـة جايزتـهـا
نبيهـا تنتبـه بعـض القبـايـل=كـان أفعـال أههلنـا جاهلتهـا
يشيم القلـب لـو يعلـم ويـدري=لو ان الارض تظهر مـا تحتهـا
عرف بافعالنـا شيخـان نمـرى=عتيبـة فـي المعـارك قتلتـهـا
على سرد المهار بسيـف املـح=يبـت الجمجمـة حـد رقبتـهـا
علـوم مانبـى فيـهـا معـلـم=حكـى تاريـخ نجـد بسالفتهـا
توضح فعـل روق وفعـل برقـا=عتيبـه والاسـامـي قاسمتـهـا
وقبيلـة وحـدة والفعـل واحـد=هـوازن والقبـايـل عارفتـهـا
حربنـا ورتكـانـا للحـرايـب=عتيبه مـا سطـة نجـد ملكتهـا
نزلنـا نجـد بشلـف تـبـارى=نمـرٍ تـدرق الشمـس عسمتهـا
كمـا نـوٍ يزلـزل بـا لرواسـي=سحابة برقهـا مـن صاعقتهـا
رعدها المـاس والبـراق شلفـى=الـى صابـة لهـا جثـة فرتهـا
نهار إنـا علـى نجـد حدرنـا=تـواريـخ الليـالـي ورختـهـا
حدانا الوقـت والديـار محميـه=قبائـل عـن قبائـل حاميتـهـا
وطلبنـا منهـم المربـاع فيهـا=ورفضها الشيخ والقوم رفضتهـا
ورديـنـا عوانيـهـم عليـهـم=وردات البـرى تعـرف سنتهـا
ونشرنا بارق الحـرب ومشينـا=وفكينا الحمـى عـن ماسطتهـا
ونزلنـا ماسطـة نجـد وبنينـا=ورواعينـا مراعيهـا رعتـهـا
رعت عشب الربيع وقيضـة بـه=ومواردها على الحـول وردتهـا
ترد قطـم التـوادي فـي ذرانـا=وتشـرب كـل عيـن منشفتهـا
نردهـا لـو مواردهـا مخيفـه=ليـا ماصبحـت قـوم هجدتهـا
تحاربنـا القبـائـل ونحربـهـا=عتيبـه كـم قبيلـه حاربتـهـا
وهذه من شهـود أفعـال أهلنـا=وتضـاف التالـيـات لسبقتـهـا
ويـوم مريحـه والرضـم حنـا=ويا كم مـن مراضيـع أيتمتهـا
عتيبـه مـن عصورالجاهلـيـه=ليا صالـت علـى قـوم اخذتهـا
أقولـه وانشـد التاريـخ عـنـا=من أول سالفتهـا الـى اخرتهـا
وهذه من شهـود أفعـال أهلنـا=وتضـاف التاليـات لسابقتـهـا
وتعلم عن طـلال وعـن نهـاره=تعلـمـك الليـالـي بحادثتـهـا
جمـوع جتنـا حضـر وبـداوي=وحنـا جمعـة تعـرف فيتـهـا
وقفنا فـي نحـور القـوم وقفـه=تبـي تفنـا ترثهـا مـا نستهـا
وقفنـا دونهـا بالسيـف حـنـا=وهـي بعقـل تعجبـك رطنتهـا
و**رناهم وخذنـا الخيـل منهـم=وطرحنا الشيوخ للحيـز وكلتهـا
ومنعنا الـي يبـا منـع و**نـا=ومـاقـال العـطـاوي بينتـهـا
وهذه من شهـود أفعـال أهلنـا=وتضـاف التاليـات لسابقتـهـا
مثل عرجا والانصـر والدفينـه=ثـلاث وكـم ثـلاث ماثلتـهـا
كلام صدق مـا نبغـى الظلايـم=ولاتعـتـز قــوم بظلمـتـهـا
على عرجـا قبائـل مـع قبائـل=لكـن حضوضهـا ماساعدتـهـا
تـريــد ولله الـخــلاق راده=تبـي هزمـة عتيبـة وهزمتهـا
علـى الميعـاد جينـا للملاقـى=اليـا بعـض الجمـوع مخليتهـا
سروا واللي بقـى معـه التقينـا=صبـاح وكـل ساعـه ببركتهـا
علـى قـب يعلجـن الحـدايـد=وشلـف مـاتـداوى صايبتـهـا
نضد بها العداء يـوم الحرايـب=اليا مـدت لهـا كـف قطعتهـا
وهذه من شهـود أفعـال أهلنـا=وتضـاف التاليـات لسابقتـهـا
وعلى الانصر غزو قـوم علينـا=وبقت بأسمى الجبـال مسميتهـا
غزانا حاكـم القطـر الشمالـي=يقود اسـراب واسـرابٍ قفتهـا
يبـي ياخـذ عدايلنـا الولايـف=وحدانا القوم عنهـا مـا خذتهـا
وخذنا الخيل والجيـش الاصايـل=قلايـع بـل اشـده وخرجتـهـا
وراحت مرج خيـل القـوم منـا=يكود الى أكـل المـاس فطحتهـا
عليها مـن أهـل العنـه شهـاده=تغنـى بالـحـروف مغنيتـهـا
وهذه من شهـود أفعـال أهلنـا=وتضـاف التاليـات لسابقتـهـا
وبعطيكـم خبـر يـوم الدفينـه=واعلـم بالعلـوم مـن أولتـهـا
غزونـا قـوم يبـون الطمايـع=وغيرنـا النوايـا الـى نوتـهـا
وحداناهم علـى روس الحتايـف=بعـد طـال النهـار بمعركتهـا
بحـد السيـف ميلنـا عليـهـم=وعلى الفرسان حامـت حايمتهـا
وسمـي صمـد معتـق بالدفينـه=عتـاق نفـوس ونفـوس قتلتهـا
فعايل روق عطبيـن الضرايـب=عـزاة مـا تهـاز مجاورتـهـا
عوايدهـم يضـدون المـعـادي=حياض القـوم كـم مـره كفتهـا
مثل هاك النهـار ومثـل غيـره=نعـد لكـل وقـعـه شاهدتـهـا
ليـا منـا نوينـا الحـرب حنـا=نعشـي الجايعـات بمجحرتـهـا
من الى يلبسـون الجـوخ والـى=يقـودون الـسـرب بمقدمتـهـا
يكود اليـا عفـى ربـي عفينـا=عتيبـه دايـم العفـة صفتـهـا
وهذه من شهـود أفعـال أهلنـا=وتضـاف التاليـات لسابقتـهـا
ويوم وضاخ والحفـر وحراضـه=دواويــن الفـعـول مدونتـهـا
عليهـا تشهـد أبيـات القصائـد=ومـوارد شيـوخ قـوم فارقتهـا
شهود وضـاخ حسيـان وركايـا=مـا تنشـد صادرتهـا واردتهـا
اخذناها بالسيـف وحـد شلفـى=وجبعـا تاكـل الـرؤس فشقتهـا
مضاربها الجماجـم مـن يدانـا=ويا كـم جمجمـة راس نفضتهـا
مأخذناهـا بطلبـات ومـبـادي=ولاسقنـا الثـمـن لمعمرتـهـا
على وضح النقى مهيـب خدعـه=ولاقــط حـددانـا خادعتـهـا
عليهـم جرهـا زيـزوم نمـرى=سربنـا نـزل أهلهـا شددتـهـا
وصارت من يداهـم فـي يدانـا=نستهـا الـقـوم والا خابرتـهـا
وهذه من شهـود أفعـال أهلنـا=وتضـاف التاليـات لسابقتـهـا
ويوم الحفر **نـه مـن شهـوده=جموع حـزت الهـوش **نتهـا
يبـون الضلـع يرفعهـم علينـا=وفـوز المعركـه لمسيطرتـهـا
وتسيطرنـا وعديـنـا عليـهـم=وقضينا الاعـداء مـن عاليتهـا
بسرد زادهـا مـاس السراعـه=نخرط المشـط ونطـش سعفتهـا
صليـب العظـم يغدنـه شظايـا=قطرهـا مايـخـون معايرتـهـا
وخذنـا عـد مقرعـة التـوادي=ليـا جـت والسمايـم سايقتـهـا
تـرد مـران والعـد الهـلالـي=وتقود النصر واطـراف هدجتهـا
ومن هاك اليوم الى اليـوم حنـا=نسقـي القـود ونغـرس نخلتهـا
وهذه من شهـود أفعـال أهلنـا=وتضـاف التاليـات لسابقتـهـا
ويوم البـرك والعصـلا وغيـره=جبال الـدار تشهـد وشجرتهـا
تعلمـك المواقـع بـلا سـامـي=بسامـيـة ومــن مسميـتـهـا
بأسامي نـاس سمونـا النوامـي=كبن حضوضهـا مـا نومستهـا
مداغيـش يـضـدون القبـائـل=لكـن لكـل حاجـه معجزتـهـا
وهذه من شهـود أفعـال أهلنـا=وتضـاف التاليـات لسابقتـهـا
وعلى العصلا نهار الى تسمعونه=كـلام شهـوده الـى حاضرتهـا
عدد تسعيـن مـن رؤس قبلانـا=نعتـهـا بالعبـايـر ناعيتـهـا
اقولـه والعلـوم الهـا دلايــل=مواقـف والفـعـول مبررتـهـا
وهذه من شهـود أفعـال أهلنـا=وتضـاف التاليـات لسابقتـهـا
وترى يوم الرحى تسعين فـارس=تعشتـهـا السـبـاع وزعتـهـا
خلاف اشرف بالسيف المصقـل=عدايل شيوخ نجد اللـي حمتهـا
غزانا من شمـال الـدار حاكـم=بـروكـات تـبـذ معـددتـهـا
طنايـا مـا يعرفـون التراجـع=لـكـن اّلاد بـرقـا رجعتـهـا
بعد يوم تشيـب ابـه الرضاعـه=تحـوز مـن العـزاه ليعتزتهـا
عزاة الشيوخ ماضيـن الفعايـل=ذرى جـرد الرقـاب متيهتـهـا
عوايدهـم يفـكـون التـوالـي=مثـل هـاك النهـار بسالفتـهـا
وهذه من شهـود أفعـال أهلنـا=وتضـاف التاليـات لسابقتـهـا
وترى يوم العوينـد كـم فـارس=عليـه الرمـل تـذري ذاريتهـا
نوونـا بالهزيمـه يـوم جـونـا=ومنـا نيـت القـوم احرمتـهـا
وعود جدعهـم فـي القـاع منـا=مثل جدع الخشب من عاصفتهـا
وهذه من شهـود أفعـال أهلنـا=وتضـاف التاليـات لسابقتـهـا
وعلى درب المباحيـص التقينـا=وشيـوخ القـوم طفينـا بختهـا
لعيـن الـي تنـادي بالاسامـي=تثـاري للنخـاه الـى نختـهـا
أخذنـا حلـت القـوم ودبشـهـم=جـزاءً لفعولهـا الـى فعلتـهـا
نجازيهـم بمـا مـدت يـداهـم=نكيل الصـاع والنـا راجحتهـا
وهذه من شهـود أفعـال أهلنـا=وتضـاف التاليـات لسابقتـهـا
ويوم الشيـوخ بالسـرده تسمـى=ويـوم المجمعـة فـي مجمعتهـا
طرحنا الشيخ زيـزوم السرايـا=سنـه وهـوه يـداوي صايبتهـا
وذبحنا الشيخ بـن عمـه شقيقـه=عليـه القـوم ياكثـر حسفتـهـا
و**رنا الباب عن قطم التـوادي=و**رنـا ابـواب قـوم قفلتـهـا
وهذه من شهـود أفعـال أهلنـا=وتضـاف التاليـات لسابقتـهـا
وشمال النير واللي فـي جنوبـه=وتـرى يـوم الهييشـه ثالثتهـا
علينا في الهييشـه ميـل ساعـه=ومنا نصـف ساعـه عوضتهـا
وذبحنا عشرة مـع درب عشـره=وخمسـة بالحسـاب لمحصيتهـا
علينـا ميلـة فالـعـام مــرة=وعليهم خمـس ميـلات بسنتهـا
وهذه من شهـود أفعـال أهلنـا=وتضـاف التاليـات لسابقتـهـا
غلبنـا يـوم كـون الحرملـيـه=وغلبنـاهـم بعـشـر ماثلتـهـا
نـرد الشيـوخ ضيفـانٍ لأهلنـا=ونشـرب بالفنـجـال قهوتـهـا
عليهـا قـال شاعرهـم قصيـدة=وقلنـا مثلهـا اللـي خلصتـهـا
وهذه من شهـود أفعـال أهلنـا=وتضـاف التاليـات لسابقتـهـا
وشمال النيـر مـع قـوم التقينـا=جمـوع قــدرة الله جمعتـهـا
يبون من الحمي الـى العرايـس=وعبلة شرثه الـي مـن تحتهـا
ويبون من الثنادي الـى الذنايـب=وعبلـة سفـوه اللـي كانفتـهـا
ويبون من العريق اليـا الينوفـي=مرابـي ادباشنـا اللـي رابيتهـا
وحلفنـا حلـف مايمشـون فيهـا=وباقلـنـا بـواقـي ساكنتـهـا
ونـادى شيخنـا ويـن النشامـى=أهـل العـادات حـزة واجبتهـا
وتعزوانـا وكررنـا الـعـزاوي=وثورنا اشهـب الملـح دخنتهـا
ولكـن الفشـق مـنـا ومنـهـم=بـرد نـدر يخيـف مخيلتـهـا
وعليهـم مـن مباطحنـا عدينـا=واخذنـا كـل جبعـا برقبتـهـا
وهزمناهم وصار الاسـم باقـي=تسمـي بالـطـراد مسميتـهـا
وهذه من شهـود أفعـال أهلنـا=وتضـاف التاليـات لسابقتـهـا
وجنوب النير شيخ جـر نمـرى=عليهـا فـوق عــد واردتـهـا
وتلاقوا مع فريـق مـن عتيبـة=وولـعـت فالفتـيـل مولعتـهـا
مضاربها بـروس الشيـوخ ولاّ=بـسـرد والأعـنـة قاضبتـهـا
عليهـا سجـل الشاعـر شهـادة=ذيـاب النيـر ينعتهـا نعتـهـا
قصيـدة شاعـر قـال الحقيقـة=لمـن يجهـل خبرهـا فسرتهـا
وهذه من شهـود أفعـال أهلنـا=وتضـاف التاليـات لسابقتـهـا
وجنوبي ظلم شيخ جـر نمـرى=على أذواد من المضمـأ أخذتهـا
عزيب وكل راعي هـج رجلـي=وراحـوا كـود بنـت عانقتهـا
وقالـوا عـودي يابنـت عـنـا=وقالـت فزعـة البـل خابرتهـا
قـدم وكـان مالحقـوا طلبـهـا=بنـزل حيـن أصيـر موازنتهـا
وبخنقها نشرتـه فـي عصاهـا=وصاحـت للفـزوع وفزعتـهـا
صلاة الظهر وأختـف المصلـي=وعجلـة الـصـلاة مصليتـهـا
وقالـت ياهـل العـادات قومـوا=ترى البل جاتهـا قـوم وشعتهـا
والياهم سبعـة مـن دون ثامـن=أهل سبـع مـن الخيـل لحقتهـا
عليهـا سجـل الشاعـر شهـادة=لمن يجهـل خبرهـا وضحتهـا
وهذه من شهـود أفعـال أهلنـا=وتضـاف التاليـات لسابقتـهـا
وعلى الصواي والبكري وساجـر=ويوم سـواج ظفـره خامستهـا
نرد الشيـوخ ونجيـب القلايـع=تسولـف بالفعـول مسولفتـهـا
علـى الصـواي ستيـن منعانـا=جنوب الشعـب غـرب مثلثتهـا
منعناهم واخذنـا الجيـش منهـم=وبدلـت الـوسـوم موسمتـهـا
عليهـا قـال شاعرهـم قصيـدة=دونتهـا الصحايـف وكتبتـهـا
وهذه من شهـود أفعـال أهلنـا=وتضـاف التاليـات لسابقتـهـا
ومنعنا يوم كـون غثـاة سبعـة=مـن الشيخـان غيـر مرافقتهـا
بعـد ماعـودوا وقالـوا قلـنـا=بسيـة وجـه بتـلا وحسنتـهـا
ورضـوا بالكـلام الـي نقولـه=فرضناها على القـوم ورضتهـا
منعنا نصفهم والنصـف الآخـر=عبـاريـد المـشـوك شتتـهـا
وهذه من شهـود أفعـال أهلنـا=وتضـاف التاليـات لسابقتـهـا
وغيره كـم أعـد وكـم أخلـي=تشيب ابهـا القوافـي ماكملتهـا
مثـل يـوم القريـة والخـنـاق=ومثل يـوم النجـج والعرفجيـة
تفرقهـا المـواقـع والاسـامـي=وتواريـخ الليالـي مورختـهـا
نـرد الصـادرة فـوق المغبـة=ونشـب النـار ونزيـد شعمتهـا
عوايدنـا اليـا دارات رحـانـا=علـى حبـة معادينـا طحنتهـا
وهذه من شهـود أفعـال أهلنـا=وتضـاف التاليـات لسابقتـهـا
ولا أقول اني احصيت المواقـف=طويـل شرحـهـا لمعددتـهـا
على الطـالات أهلنـا عودونـا=على اكرام الضيوف اليا نصتهـا
وعلى لطم الحريب اليـا حربنـا=وعلـى تقديرهـا لمجاورتـهـا
وعلى فـك الدخيـل اليـا **نـا=يديـن عـداه نقصـر طايلتهـا
وهذه من شهـود أفعـال أهلنـا=وتضـاف التاليـات لسابقتـهـا
وحسب ماعرف ذكرت اللي قدرته=وتفسير القصص مـن معرفتهـا
وعن اللي ماعرفتـه سامحونـي=من العريـف نطلـب معذرتهـا

الشاعرالكبير / شقير بن عقيل العتيبي

[برقاوي هواوي]

ربعي عتابه ليا عج العجاج وثار
تسابقوا للموت ماحد ٍ يهابه

********

لطامة العايل هل العز والكار
نبع النشاما والشجاعه عتابه

********

ربعي عتابه هم واهج النار
نار ٍ توهج والخلايق تهابه

********

شرابة الدم الحمر نحمي الجار
وحريبنا لنار الحرايب زهابه

******

حريبنا يذوق الخساير والمرار
بسيوفنا يلقا منية شرابه

******

يشهد لنا التاريخ وكبار وصغار
واجدادنا بالدم خطوا كتابه

*******

تلقى لنا تاريخ في كل الاقطار
من الشمال لنجد جلنا جنابه


الشاعر / رجا ابن احمد المويشير الاسعدي

[الــوافــي]

ياسلام الله على ربعي رفيعين المقامي=ربعي اللي صبيهم لا ماتخلـّى عن خويه
ياسلامي ياعتيبه عدَ ماهلّ الغمامي=و عدَ ماسال الكحل بعيون وضــّاح الثنيه
عدَ ماسارت جموع الناس لـ البيت الحرامي=وعـدّ ماشدّوا بني البدوان من فوق المطيه
ربعي اللي دون فعل الطيب يروون الظوامي=صيتهم بين القبايل عالي ٍ ماشفت زيـّـه
كاسبين الطيب في يوم المواقيف العظامي=واهني منهو وقف في صفهم لا واهنيه
حافظين العطفه أليا نوّخت وسط الزحامي=دونها لمع السيوف ولا يهابون المنيـه
دونها .. خيل ٍ تدك القاع من فعل الكرامي=دونها الناموس يجري في عروق أهل الحميه
دونها .. كم راس شيخ ٍ طاح من ضرب الحسامي=كم قتيل ٍ قد توارى في ثرى نجد العذيه
أشهد انه من نواهم ماتهنـّى بالمنامي=ماهجع في وسط ليل ٍ رقــّدوا فيه البريــّــه
خايف ٍ من يوم ٍ أقشر ينفلت فيه اللجامي=من فعل ربعي عليهم تشتعل نار ٍ لظيــه
يوم كل ٍ بالمراجل عن شرف بيته يحامي=كـ الجبال الراسيه يمشون قدام السريـه
من مدحهم في قصيده أشهد انه مايلامي=مكرمين الضيف دايم بالسلوم الحاتميه
ومن زبن في وجههم لقى بهم كل احترامي=الكرامه .. و .. الشجاعه ..و.. التواصيف الوفيــّـه
عزوتي .. ياتاج راسي سِعـد من حطك حزامي=يلتجي بك بعد ربه بالليالي السرمديــه
لو أبمدح في عتيبه ماخلص باقي كلامي=حيثها عجزت توصفها الحروف الأبجديـه
مابقى الا جملة ٍ خطيتهــا وسط الظلامي=( العتيبي .. طول عمره ماتخلــّى عن خويه


الشاعر / مآجــد آبن شليويح آلحوبآ آلمقآطي

[مخاوي النشامى]

بيض الله وجيهكم جميع على وهاذي قصيدة للشاعر
فيصل المقاطي من أعضاء المنتدى ويبشر بقدوم
شاعر له مكانته

ربعــي عتيبــــه من الطـايف لا نجـد=
اهل الكــــرم و الجـــــود و الفضـــايل
تخبرون عتيبه يوم لنا الحكم و العهـد=
ان حنـــا حكـــام الجزيــــره الاوايــــل
تخبرون عتيبـــه يومهـــا كلن شهـــد=
لعبنا فالدنيـا لعب وسوينــا الهوايـــــل
تخبرون حليمه مرضعت الرسول فالمهد =
عمـــل نفتخربــه عن كــل العمـــــايل
تعرفون ان الخيام ما تنصب الا بوتــد=
يعني حنـــا الخيــام و وتدنا الفعــــايل
تعرفون ان من نخانا ما قد ردينا احد=
نقومله وتشب فينا الحميه شبت الفتايل
نايف صقر و جابر ابن هايف و بعــد=
خلف ابن هـــذال الي مثلهــم قلايــــل
ابك حنا ذيــابه و الردي فينا اســـد=
وان عنيتو لا الصعب حنا عندنا سهايـل
مــا تدري ان العــدو لو يفوقنــا عدد=
ان حنـــا الواحــد فينا يسـوى قبايــــل
حنا لا سوينا خير ما نحتري الحصد=
وحنــا لا تجملنا ما نمتحنهم بالجمايــل
حنا اذا ماجاكم منا خير مايجي منا حسد=
وحنـــا لا تحفينــا ما نفتخر بالهلايــــل
لو تفتح التاريخ و تقرا يمكن نطلع اشد=
بس القوافي ماتساعدني لان مامنـا مثايــل
لا تحسبون ان كلامي وهم ولا له وجد=
كلامــي ذا عليــه ختـــــوم و دلايــــــــــل
يمكن اني طولت؟والله من كثر العز والمجد=
لاوازيدك الي ذكرته ماتجي نص الخصايل
الموت هيبــه و العز لعتيبــه الى الابــــد=
وحنـــــا ذباحة الحايــــل لطامة العايــــل

[برقاوي هواوي]

بيض الله وجيهكم أخوي الوافي ومخاوي النشامى على هذا التفاعل وعساكم على القوة

تقبلوا تقديري

[الــوافــي]

حنا عتيبه كانهـا حانـت اقـدار=مسكين يلي طـب داخـل لهبنـى
حنا الكرم والطيب دايم لنا اشعـار=والعز معنى وين محنـى ذهبنـى
حنا الفراسـه والامـاره وشعـار=ياقاصر العرف استرح وجتنبنـى
حنا عيال احرار من نسل الاحرار=اصل وفصل معروف قوة نسبنـى
حنا ليا خربت وحـارن الافكـار=لوصار ماقد صار ما اخبر حسبنى
حنا عتيبه نكرم الضيف والجـار=وليا غزينـا فاالمغـازي كسبنـى
حنا هل الطالات والمجد والكـار=فوق القبايل فوق حنـى انتصبنـى
حنا بحور اجبال انجـوم واقمـار=حنى العـرب ياطيبكـم ياعربنـى
حنا قبيله ضاربـه دمهـا حـار=حنى الزمان اليـا انقلـب ماقلبنـى
حنا ليا جـا للعـدو عندنـا ثـار=يمـوت حاسدنـا غبـن ماقربنـى
حنا السيوف الحدب شبابة النـار=يشبع ليال الجـوع منـه جنبنـى
حنا ندوس الموت مانحسب اخطار=كم كفتن مالت غصب من سببنـى
حنا نمارة نجد ونجـدن لنـا دار=على الحجر نجـد بيدينـه كتبنـى
حنا السمايم والصواعق والاعصار=روس العدا فالنار هـاذي حطبنـى
حنا لنا تاريخ في كـل الاقطـار=من قبل الاهرامات في مصر تبنى
حنا لنا افعال فـي كـل الاشبـار=ياما غزينا شـرق يامـا غربنـى
حنا عتيبه كانها باحـت اسـرار=محدن سلم منى ولا مـن عطبنـى

مقبول عزيز الشيباني

[جراح العتيبي]

برقاوي هواوي



مشاء الله عليك



الحقيقه موضوع متعوب عليه


فكره فريده من نوعها


الى الامام

[برقاوي هواوي]

مشكور أخوي الوافي على هذه القصيدة الجزلة والله يعطيك العافية وصح لسان الشاعر مقبول عزيز الشيباني


وتقبل فائق احترامي وتقديري

[برقاوي هواوي]

الله يسلمك أخوي جراح وكل شيء يهون لعتيبة الهيلا

[برقاوي هواوي]

ياجاهلٍ بالنـاس نعطيـك تزويـد=تزويد فـي علـمٍ يفـك النشابـه
حنـا عتيبـه مـا علينـا مناقيـد=سقـم المعـادي لابغاهـا طلابـه
اعيال رجلٍ ما يبـي منـك تأكيـد=رجلٍ عتيبـي مـن قبيلـة عتابـه
حـرٍ حكيـمٍ ورّد العـز تـوريـد=طيّب ولا سكّر عن الضيـف بابـه
يشهد لنا كـل الرجـال الصناديـد=احـرار وعيـال الذيابـه ذيـابـه
ولا انت تشهد في كـلام المياليـد=يالجاهل اللي مـا حسبنـا حسابـه
ماهمنا في مـا يقـول الحواسيـد=الحـر بيّـن والذبـابـه ذبـابـه
وان كان تسمع ماحكى زيد واعبيد=البعد مـا يلغـي صـلاة القرابـه
حنـا عتيبـه طايليـن السواعيـد=حنا الذي تفخـر بنـا كـل لابـه
حنا الشجاعـه والوفـا والتقاليـد=حنا الكـرم والجـود حنـا زهابـه
حنا الجبـال الشامخـات الجلاميـد=حنا نجـومٍ فـوق هـام السحابـه
وانا ولد من هو يصون المواعيـد=انـا عتيبـي مـا نفتنـي شبابـه
انـا كبيـرٍ مـن كبـار الحماميـد=شاعر وعالم في علـوم الخطابـه
اعير سمعي للـذي يطـري البيـد=ذكـر البـدو ولاّ بذكـر الصحابـه
وادري زماني فيه نـاسٍ حواقيـد=وافعالهـم تشبـه لفعـل العصابـه
يوم الورق اصبح كبير الشواهيـد=يشهد لغيري بالاصـل وانتسابـه
مامامتوا اللي يعرفـون الاجاويـد=حتى ولو كشّر لنـا الوقـت نابـه
انخى بن ربيعان وانخى بن احميـد=اللـي لهـم بيـن الاوادم مهابـه
شيوخ قومٍ شوفهـم يجلـب العيـد=نفخر بهم فـي سلـم ولاّ حرابـه
وجهٍ به المعروف مابـه تجاعيـد=للقلـب يجلـي ضيقتـه واكتئابـه
اشكي لهم حالـي وكلـي تناهيـد=والحـر لايمكـن يغـيّـر ثيـابـه
حطوا على وضعي من الضيق تقييد=حرٍ ولكن مـا وصلـت السحابـه
ودي اطيـر لشوفكـم دون تحديـد=واشرح لكم جـرحٍ يزيـد التهابـه
جرحٍ من ضروف الزمن دايم يزيد=ونفسٍ يضيق ابها الفضا والرحابه
وقفاتكـم فخـرٍ وللجـرح تضميـد=نخيتكم والقلـب ينـزف صوابـه


الشاعر ( جراح مناحي خلف الحمادي العتيبي )

[برقاوي هواوي]

ياالله يامعبود ياحي يا قيوم =ياللي على تبديل الاكوان قاوي
تبرج لقلبن به هواجيس وهموم=طاويه من هاجوس الايام طاوي
تغيرت الايام يومن بعد يوم =مافيه يومن مثل يوم متساوي
والسر مابين المعاليق مكتوم =والجرح يلقى له طبيبن مداوي
جتني بنات الفكرمع لذة النوم =صحيت من نومي واناله شفاوي
جبت القلم والبوك مغرم وملزوم=شعري غني وانابشعري غناوي
طرى علي القوم ومواجه القوم=على ضهور مبعدات الغزاوي
قومن لهم طبع وتقاليد وسلوم=اكل عليه الدهر عسر المطاوي
معادباقي غير تاريخ وعلوم =وروايتن يروي بهاكل را وي
يومن القبايل بين هازم ومهزوم =لي عزوتن منهاتهاب العزاوي
لوسع الميدان لرماح وسهوم =ربعي عتيبه مخلفين الهقاوي
لقبلو ركابت الخيل حثلوم =اوهموعليهم مثل نجم سماوي
وان حطو الميعادفي يوم معلوم =للخيل خياله وللموت هاوي
العمر له ساعات والاجل محتوم =والصبر عروى من قوي العراوي
دقلاتهم جمعن مثل دولة الروم =بندق وسيف وضرب رمح قناوي
وهيبة رجالن بينهمالراي مبروم=يكفيك عنها مايقول الخلاوي
لطامة العايل وذباحة الكوم =بالعسر باايام الزمان القساوي
اول منازلهم ورى ضلع الاكوم=وغربي حضن شرقي طوال النزاوي
والله جعل نجد من الغيث مرحوم =وعليه من مطلع ربيعه ظهاوي
تشاوروبراي والامرمحسوم=وكلن على الطرقه معزم وناوي
شجعان مابينهم دراويش ورخوم=وانحوكماسيل نسيله نحاوي
مع دربهم طيرالسعديدرج الحوم=يباالعشاءقدامه الليل ضاوي
والله كتب والله قسم كل مقسوم =وصب البلاوي في نحور البلاوي
وراحت قبايل نجدشتان وقسوم =وصفى جنابه من جميع البلاوي
وارست قواعدنجدنا دايم الدوم=في الديره اللي ماتجي بلمناوي
ماجت بحبت راس واكتاف وخشوم=الى بعدماجاءللمشوك تعاوي
في ظل شيخ عنده الراي محتوم =شيخن يصدر معضلات الدعاوي
تركي لاعرضن الارواح للسوم=حماي قطعان البدووالشواوي
ومسلط كمى حراًمع الجوصاروم=يهوي على خشمه هواية نداوي
وهذال اخو هملا ومقعد وسلوم=واباالعلاوايضابخيت العطاوي
وابن محياهيبته ترحي الزوم =يشهدعلى فعله كلام الفراوي
ومرزوق ابن فمصان وشثروم=والهيضل الهيضل بعيدالنهاوي
وابن جامع له المجدمرسوم=والضيط شالح مزبنن للجلاوي
ومحمدالعبودهامن للعلاهوم=وابن قشعان من دون العشايرقداوي
وحزام لمعارك الخيل خازوم =شيخن لميدان المعارك هواوي
ومحسن تاريخه عن المدح مخدوم=وبن زريبه لاردالبرى مايراوي
واللي بقي مدحهم مخلد ومفهوم=وارجوالسموحه من جميع النحاوي
امدح بني عمي ولاني بمليوم=حبلي على هداج تيماءرهاوي
وكل القبايل بينه بطيب مقسوم=يوم ابتهاج الخيل والذيب عاوي
واليوم حناشعب مكرم ومحشوم=في ضل سيف العدل واهل التساوي
ال السعودمناصرةكل مضيوم =درع الجزيره لشريعه نجاوي
واختامهااعدادماهل ديموم =صلوعلى راعي المقام النباوي


شعر / حمدان عليوي الشفيعي العصيمي

[مخاوي النشامى]

جهد جبار وملحوظ أخوي برقاوي هواوي قمت به في هذا
العمل أنت وبقية الأعضاء المحترمين
الله يعطيكم العافيه جميعا

[عاشق وهم]

ربعي عتيبه من العارضه ليأ لحره سقم المعادي أليـأ جـا العلم مردودي

.........................تحياتي................... .........

[برقاوي هواوي]

حنّا عتيبـة محتميـن المخّليـن=بعنا بسوق الطايـلات وشرانـا
قومن على صولات الايام قاسين=ولو عظنا ناب الدهـر ماقوانـا
يهابنا الطمّـاع لوقلبـه ذهيـن=ونبطش محلات الطمع لاغزانـا
لنا سلومن غاليـات المثاميـن=سلومنا محـدن حملهـا سوانـا
في سلم للوجه عامن وشهريـن=ودخيلنا مآمـون داخـل حمانـا
300لـيـل وازداد سـتـيـنتن=حى المنايا عنه هيبـة لحانـا
ومن حدّه الموت الحمر والديايين=تخيّر الحصن الحصين ونصانـا
وبالحيل نملا فارغات المواعيـن=بيض الصحون ومكرمات الصيانا

الشاعرالكبير كديميس بن صالح العصيمي

[فهد السميرى]

بيت القصيد فى قصيدة الشمرى (لقيت بالعتبان خمسة عذاريب) نعم هذا بيت القصيدة وشكرا اخوية عبد الرحمن على النقل الرايع

[غصون]

جزاك الله خير علي سرد هذه الابداعات اخي ا لكريم

[برقاوي هواوي]

الله يسلمك أخوي فهد ولاهنت على المرور




وتسلمين ياوديان على التواجد

[الحصان]

اخي الوافي اوردت قصائد مدح في قبيلة عتيبة وتشكر عليها ولكنك لم تذكر اسماء اصحابها امل ان تذكر هم والاسوف نحذف القصائد

تحياتي

[برقاوي هواوي]

اخي الوافي اوردت قصائد مدح في قبيلة عتيبة وتشكر عليها ولكنك لم تذكر اسماء اصحابها امل ان تذكر هم والاسوف نحذف القصائد

تحياتي



حياك الله أخوي الحصان وبالنسبة لقصايد أخونا الوافي فقد طلبت منه برسالة خاصة اسماء اصحابها فقال احدى القصايد نظم مجموعة من شعراء عتيبة في احد المنتديات واما القصيدة الاخرى ان حصلت اسم صاحبها ارسلته

[الحصان]

يجب ذكراصحاب القصائد والا تحذف هنا لن توضع قصائد مجهوله وبعدين كيف نظم مجموعة شعراء ماهوالقصد

[برقاوي هواوي]

أخوي الحصان أشكر لك حرصك ولكن بعض القصايد لا يعرف شعارها برغم الجهود الحثيثة وبالنسبة لنظم مجموعة من الشعراء

حسب ما جاء في رسالة صلحب ناقل القصيدة أخونا الوافي


المشاركة الأصلية بواسطة برقاوي هواوي
أبو مسعد الله لايهينك اذا اسماء الشعار تعرفهم ياليتك ترسلهم



القصيدة الاوله مشتركه بين شعار منتدى عتيبه الهيلا كل شاعر يجيب بيت وعلى كذا ليس لها شاعر معين

الثانية ماني ذاكر الشاعر لكن بحاول ابحث عنه وارسله لك

[بنادول]

يعطيك العافيه احس راسي وصل السما زيدونا من هالقصايد

يعطيكم العافيه

[الزيـادي]

يعطيك العافية على الموضوع

وبنتظار جديدك
.
.
.
.
تحياتي

الزيادي

[ركوان الغبيوي]

صح لسانك ويعطيك العافيه

[خياااااااااااال]

اخواني الاعضاء

جميعنا يعرف أنه هناك شعراء هضم الأعلام حقهم في التوهج الأعلامي

رغم أنه يوجد من هم أقل من بعضنا شعرً ولكن خدمهم الأعلام واخرجهم

للساحه لذلك كانت هناك مبادرية مني ومن بعض الأخوان في تسجيل

والحفاظ علي تاريخ هولاء الشعراء ومنهم شاعر معروف أستطاع أن

يحاور العملاقة من الشعراء منهم أبن جرشان ومطلق وخلف بن هذال

وغيرهم وأستطاع أن يكون قاعده جماهيريه في وقتهم وأصبح يطلق عليه

قيصر الشعر ولكن للظروفه الخاصه انقطع عن المحاورة .لذلك كان له

لقاء معي ومع بعض الأخوان في أدارة منتديات البقوم في تسجيل لقاء

خاص به وذكر مجموعة من القصائد الرائعه وكان منها قصيدة مدح في

قبيلة عتيبة الهيلا لذلك أحببت أن اهديها لكم وأترككم مع ماقاله الشاعر

عن القصيدة في اللقاء


هذه قصيدة كتبتها في قبيلة عتيبة القبيلة المعروفة .ولها سبب وهو أن احد الإخوان من قبيلة سبيع صديق لابن حمد المغيري العتيبي جاني ومعه قصيدة لأحد أصدقاءه عجيب العتيبي يمدح فيها ابن حمد المغيري العتيبي وقال أن ابن حمد يعز عليه والقصيدة فيها بعض البيوت المكسرة لو انك تعدل بعض البيوت المكسرة قلت والله أنا ماني معدل قصيد عتيبة. عتيبة شعراء .تبيني اعلق علي قصيدة عجيب وأمدح .قال سو إلي تسويه

فانا علقة ومدحت

قلت أنا






سمعت صوت الذيب وأنا اعرف الذيب=ذيبً عواء للذيب الأخر وجابه
ذيب شكا ضيم الليلي الشلاهيب=كم ليل من همه وضيمه سرابه
هذا عجيب إلي علومه تعاجيب=قوله صحيح ولا بقوله غرابه
وعنز علي ربعه طوال الأشانيب=أهل الشجاعة والكرم والمهابه
ربعه عتيبه لطمة كل حريب=وسعد الرفيق إلي زمانه ثعابه
يابن حمد مافيه شكٍ ولا ريب=الطيب خذتو ذروته ياعتابه
شبابكم والي نصف دقنه الشيب= الكل منكم باع به وشترابه
والكم بميدان الحرايب تجاريب=وأيضا خوالً للنبي والصحابه
تشهد لكم بيض السيوف المحاديب=والفعل والفعال كلً درابه
جعل عليكم تطلع الشمس وتغيب=والرأس الأنصب منتصب بالعصابه

قيصر الشعر

مفرس بن فارس البقمي

.................................................. .............................................

[VeTo]

ياناس حنا من ضنـا نجـد عتبـان=يشهد لنـا التاريـخ لوقلـت حنـا
حنا فياض وإن قسى الوقت ضلعان=حنا البحر مـدام هـالأرض منـا
حنا الرعد حنـا زلازل وبركـان=حنـا دمـار الكـون لوقيـل عنـا
حنا شعاع الشمس والليل خسـران=حنـا الليالـي لاأقبلـن ماوطـنـا
حنا غديـر يعشقـه كـل ضميـان=حنـا غـرام والعـذارى هـونـا
حنا الكرم والطيب شايـب وشبـان=حنا {{عتيبه}} مـن لنـا المجـد غنـا
حنا سيـووف هابنـا كـل خـوان=حنا السنيـن الماضيـه مـن بكنـا
حنا السماء لاصار بالأرض نقصان=بعد الولـي هالكـون منـا وإلنـا
حنا هنا واعرف بلا كـان ماكـان=حنـا هنا وهناك كنـا وإنــا
حنا وحنا لوبغـى القـول برهـان=المجد والعزه سـوى إكتبـنـا
شاعر وجيت من الفخر حيل طربان=دام الطـروق اللـي تغنـا لحـنـا
حنا قصيده شامخه تحـت عنـوان=حنا {{عتيبه}} وإنشـد الكـل عنـا

الشاعرنايف بن صقر بن مسعد الدلبحي


مساكم الله بالخير
عندي تعليق بسيط على هالقصيده
المنتدى هذا يعتبر المرجع الاول بالنت للقبيله مفروض ان القصيده
اذا نقلت فيه تنسب لشاعرها او يعتذر الناقل عن ذكر الشاعر
والقصيده اللي فوق ماهي للشاعر الكبير نايف صقر
ارجو من الاخ الناقل التعديل والبحث عن الشاعر الاصلي
ونشكر ادارة المنتدى والناقل عبدالرحمن النفيعي على هالمجهود الطيب
لاهنتوا جميعا

[بدر الروقي]

مشكور ياعبدالرحمن ولاهنت يالغالي


تحياتي لك


ابــن روق

[ابوسـعد]

مساكم الله بالخير
عندي تعليق بسيط على هالقصيده
المنتدى هذا يعتبر المرجع الاول بالنت للقبيله مفروض ان القصيده
اذا نقلت فيه تنسب لشاعرها او يعتذر الناقل عن ذكر الشاعر
والقصيده اللي فوق ماهي للشاعر الكبير نايف صقر
ارجو من الاخ الناقل التعديل والبحث عن الشاعر الاصلي
ونشكر ادارة المنتدى والناقل عبدالرحمن النفيعي على هالمجهود الطيب
لاهنتوا جميعا
واذا كنت تعرف القائل.... عط الاخ صاحب الموضوع الاسم الصحيح وان شاء الله يتم التعديل بناء على اثباتاتك,,,وشكرا

[VeTo]

مرحبا مشكورين على الردود
وهذه هي القصيده بالصوت

عتبـــان (http://www.algsed.com/algsed/jaber/15.ram)

وهذه قصيده ثانيه للشاعر في مدح القبيله

برقـــا وروق (http://www.algsed.com/algsed/jaber/3.ram)

وتقبلوا تحيااتي
اخوكم/
VeTo

[مستر عتيبي]

تسلم أخوي عبدالرحمن على الابيات
مع تحياتي

[الــوافــي]

اخي الوافي اوردت قصائد مدح في قبيلة عتيبة وتشكر عليها ولكنك لم تذكر اسماء اصحابها امل ان تذكر هم والاسوف نحذف القصائد

تحياتي


الحصان

مما يؤسفني ان يصدر هذا الكلام من مدير الموقع

فيا حضرة الحصان ليس هذا اسلوب إداري

ياليتك تأخذ دوره في فن التعامل مع الاخرين لعلك تعرف كيف تتعامل مع الاعضاء لكي لاينفضوا من منتداك ويتركوك وحيداً

كنت اتمنى ان يكون ملاحظتك عن طريق الخاااااص
ولكن اردت ان تظهر نفسك بالحازم امام الاعضاء وتتوعد بالحذف
فهل هذا اسلووووووب وطريقة مثلى لتعامل مع الاعضاااااء؟؟؟

كل وربي انها طريقة همجية ليس فيها تقدير ولا احتراااااااام
للاخرين.

ايها الحصان لعلك تكوووون عل اسمك

اعلم ان الاعضاء ليس في حاجة لك ... بل أنت الذي في حاجةً لهم

فتعامل معهم لاااائق

والا اترك العمل لمن هو قاااااااادر على ذلك



لقد لاحظت بعد طوووول غيااااااب ان اغلب المشرفين مستقيلين

واستغربت ذلك؟؟؟؟

ولاكن الان لا

عرفت السبب هو ذلك الحصان وفج تعاااااااااامله

[الــوافــي]

up،،،،،،،،،،،،،،،،،،،،،،