< < ناصر ابن سعدي > >

[المهيب]

ياسلام الله سلام(ن) للجنوبي والشمالي000 من هجوس الشاعر اللي عنده اعْـلوم(ن) مثيـره

ناصر انت اسمك يشابـه اسم منصور الرمالي000 وان طلع منصور اخوك، العلم يرسي بالجزيره

[شاعر روق]

الله الله يالمهيب بدايه تنم عن شاعر متمكن
وانا في صفك ضد ابن عاصي هههههههه <<<انتقام
لانه ماقام في صفي اولا

معكم متابع الى الرمق الاخير

[المهيب]

ماعليك زود وشهادتك شرف للمبتدي اللي مثلي، ودامك بصفي ماعلي اخلاف

شيلوااااااااااااااااا يااااااااااااااعياااااااااااااااااال

[ناصر بن سعدي]

االغالي


المهيب


يامرحبابك...ومعليش ...تو..إنتبهت لك...

ومرحبابك...





بالنشاما ياهلا في دار وافين الخصالي=من هجوسٍ حاميه مثل الرحاه المستديره
لابتي لطامة العايل طحاطيح الرجالي=مرحبابك هات علمك ياعسى بالأمر خيره

[ناصر بن سعدي]

شاعر روق


أسعدبمرورك...


وحلوه.....تنتقم...مني....


يمكني...آخذ..إبن مسلم من صفك..


هههههههههههه


تحياتي

[شاعر روق]

ههههههههههه
لا يمتكن يابن سعدي لان ابن مسلم زعلان علاك
ولا يرضيه غار طاروق تطلبه فيه<<<يبا ينشب ابن مسلم

[محمد العتيبي]

ياسلام ياسلام عليكم
انا متابع وسروا الطاروق

[ابن مسلم]

شاعر روق


أسعدبمرورك...


وحلوه.....تنتقم...مني....


يمكني...آخذ..إبن مسلم من صفك..


هههههههههههه


تحياتي


المهيب صح لسانك
ناصر بن سعدي ((تاج راسي ))
أبشر بعزك لايهمك شاعر روق وصفه
مغار هوه ومع أثنين واحد أطرم والثاني أصم
الله لايبلانا هههه وهم والله أنهم قشران
لاكن بكيفهم معك معك .لويروح الراس كله فلاق
الله لايعوق بشر

[ناصر بن سعدي]

شاعر روق

طلبك قيد التنفيذ.....



رويداً..........رويداً



هااااااااااااااااه



أفكر.............أفكر

[ناصر بن سعدي]

أفتخر إني عتيبي


حياك....



ووجودك....ينومس..


وتقبل تحياتي

[شاعر روق]

الليل يالمهيب علاك بالثنين
اشوف ابن مسلم مايل ماهوب لله ذال من ابن سعدي لا يطلبه في طاروق
مار هين انا اللي اطلبك والله لا اشيبك قدم تشيب<<انواع التهديد والوعيد
ههههههههههه

[ناصر بن سعدي]

إبن مسلم



كذا...أحرجتني...


خلاص...إحتمال طلب شاعر روق يلتغي...



وتسلم يالغالي....


بس..لا أوصيك...الصف..عندك....



يابعد حيي..


ولك...وافر تحياتي

[ابن مسلم]

شاعر روق

طلبك قيد التنفيذ.....



رويداً..........رويداً



هااااااااااااااااه



أفكر.............أفكر

أفا أأاافا
دخلنا ردا ياناصر


حرك عليه يا البليه هاذاه

أنتبه لاتطيعه
تراه مغار يبا يوهقك

يابن الحلال
أحم أحم احم

[ناصر بن سعدي]

طيب طيب


ياشاعر روق....



وصلت بك المواصيل...تهدد..مدرب صفي...عياناً بياناً



لا....رحت ..فيها...ظبطناك بالجرم المشهود...




تولم..تولم




ويابن مسلم...لايهمك شاعر روق..عندي

[المهيب]

ياسلام ياسلام يابن سعدي واستلم لاهنت : :


الحـرار اللـي تـوقّــع من عـلى روس الجـبـالي 000 تحسـب احْسـاب الصغـيره قـبل تحسـب للكبـيـره

فيـه علـم(ن) ياولـد سـعدي، انا الليلـه طـرالـي000 يوم ( نصرالله) يصــرّح في قنـاوات الجزيـــره



<< طبعا الجزيره الاولى غير الثانيه،، فقط للعلم ياعيال،، طبعا مانقصد العقٌال نقصد بعض الجهال اللي بعض مرات يمرون علينا ياعساهم مايمرون

[ابن مسلم]

أقولك يابن روق



أنتم الليله مادري ويش فيكم

على مهلك على مهلك
لاتقوم تهددني

ترى ماني بضلع قصير من بغاه رقاه

بس تراني الليله تعبان
توني جيت من العمل

[ناصر بن سعدي]

إستلم يالمهيب لاهنت



من يبا يحطب معه يحمل جويدات الحبالي=ربي أعطاه العقل لن كانت عيونه بصيره
من نعلم من نبا نشرح له الوضع المثالي=دام بعض الخلق دايم من كسيره في كسيره

[ناصر بن سعدي]

يابن مسلم



الكلام اللي أنت قريته...قبل إنك تجي....



وهالحين أنت مدرب صفي..ماعا أقولك شي...



وتقبل تحياتي يالغالي

[ابن عاصي]

دام بعض الخلق دايم من كسيره في كسيره

الله الله صح لسااانك ولاهنت

الليله في صفك ياناصر

وصبااااحكم عسل جميعا المهيب وناصر ابن مسلم والكل


متابع لكم


دمتم بووود

والليل الليل

[ناصر بن سعدي]

ابن عاصي


مرحبابك



وصح بدنك يالغالي..


وتسلم على مرورك وحضورك....

وتقبل تحياتي

[المهيب]

استـــــــــــــــلــــــــــــــم لاهنـــــــت وانا المهيــــــــب: :

ياولـد غـانـم تركّـد قـدم ابو زيد الهـلالـي 000 حضّـر الميـزان قـدمه لايولّـع بـك سعيـره

ولانلـوم العـور لكـن ياصواريم الـعـيـالــي000 طافـته كلـمه, تحدّد مستوى ناس(ن) خبـيـره


كل عقل له وجهة نظر وكل عين له وجهة نظر


شيلوااااااااااااااااااا ياااااااااااااااعياااااااااااااااال

[ناصر بن سعدي]

إستلم طال عمرك وأنا إبن سعدي


يالمهيب العلم واضح للملا يابن الحلالي=آخر الأحداث شام الدار حاسو لك مريره
واضحٍ نور القمر لا بان في سود الليالي=لا تهاو لاتهاون قدمك بحورٍ غزيره

[المهيب]

لاجـلـستـوا بالبـطيــن اللي تحـت روس الطـوالـي 000 من عمـل زرق الطـواقي ذا حسن ربي نصيره

وعـارف انّ الوضـع شـايك ميـر انا سـاسي طـوالـي000 لانْـتخيـت وقلـت هدلا، فالبـحر يصبح بحيره

[المهيب]

شيلواااااااااااااااااااااااااااا يااااااااااااااااااااااااااااااعيااااااااااااااااا ااااااااال

[ناصر بن سعدي]

ياكريم الوجه ياوهاب يامنشئ الخيالي=يالعزيز ويالشديد وعالمٍ كل السريره
تنصر الإسلام وإرفع رايته في كل حالي=وأنت تستاهل نعم ياصاحبي في كل ديره

[المهيب]

ياعزيز الملك يارحمان يارمز الكمـالي 000 يالله انك تنصر المسلم على منهو يجيـره

وماعليـكم زود، وانتـم ربعــنا باول وتـالي000 وغايـة المقصود تكمن عنـد اكمـال المسيره


والقفل عندك ياناصر وماقصرت يالغالي

[ناصر بن سعدي]

الشحم والعود الأزرق واجبك فال وعقالي=وإسلم وبلغ سلامي طالبك كل العشيره
والصحيح يعده الرجال لا..جاله مجالي=من ذكر غير الصحيح النار تقفاه ومصيره


وفي الختام لا..يسعني..إلا أن أتقدم بالشكر لكل من شرفنا بمروره



وساندنا...


وأشكر الأخ الغالي المهيب وفرصه سعيده...


وتشرفت بالتحاور مع شاعر محترم...بحجم المهيب...


وتقبلوا تحياتي