شاعر روق للأهميه القصوى...!!

[ناصر بن سعدي]

الأخوه والأعزاء


بقسم المحاوره...ودي آخذ طاروق مع شاعر روق...



ومنكم نستفيد....




استلم ياشاعر روق


تفضل ياشاعر روق وأنا ولد روق=ورأيك يهم اللي يناديك (يافلان)
أبا آخذ معك يامسندي بس..!طاروق=وأنا وأنت صفٍ واحد(إن كان ماكان)

[راعي الطيبه]

الأخ العزيز ناصربن سعدي

صح لسانك ياغـــــــالي

البيتين هذه من الشعر الدبلوماسي المحرج لشاعر روق






ننتظر الرد من شاعر روق لبن روق هههههههههه

وأنا من الصفوف

[ناصر بن سعدي]

راعي الطيبه
وصح بدنك

تسلم على مرورك....



وتقبل تحياتي

[ابن مسلم]

ناصر بن سعدي


مساء الفل والعنبر

وصح لسانك.
وبدايه مشجعه . نأمل أن تعطينا دافعاً قوياً نحوالجراْه
لمنازلة كبار الشعراء أمثال شاعر روق .وصامل الغنامي .والطوفان
وبقية الآخوه الشعار .ونحن بإنتظار شاعرروق ومايحصل لك من مصادمات عنيفه .هههههههههههههههههه مع العلم أنني في صفك
تحياتي

[شاعر روق]

هلا وغلا والله يابو سعدي حياك الله
شرفتني بمجاراتك لاعدمتك


يابن روق قالو كل مطرود ملحوق=واباعطيك رايي جعل مانيب غلطان
واخذ ماتبى ياطيب العرف والذوق=وانا وانت ياناصر بني عم واخوان

[شاعر روق]

راعي الطيبه هلا ومرحبا
والاحراج مامن احراج كلها تسليه
تقديري

[شاعر روق]

ابن مسلم
اسعد دائما عندما ارى اسمك في متصفحي ياغالي
شرفتنا واسعدتنا لاعدمناك
تقديري

[ناصر بن سعدي]

ابن مسلم


مساء النور والسرور


وصح بدنك يالغالي


وتسلم والصف بإستلامك....


ودمت

[ناصر بن سعدي]

الغالي

شاعر روق معليش على التأخر.,..بشبب إنشغالي شويتين...


إستلم لاهنت

ترى لاحقكك مني مشاريه وحقوق=أشوف الهنوف يهوزها كل مرضان
ما أبيها تذل الرأس لإيات مطفوق=وقلبك دليلك وأنته السيف شامان

[شاعر روق]

معذور مايحتاج يابو سعدي


مدام الهنوف بعصمتي راسها فوق=ومن هازها يرجع مدرعم وخسران
وهذي تراها عادةٍ في هل السوق=احد قد خسر واحدٍ مع الوقت كسبان

[ناصر بن سعدي]

إستلم طال عمرك

كفو يابن عمي عافك الشر والعوق=من أردى سواياك ومعاديك ينهان
سمان المعاني صوبك أسوقها سوق=من الحرص أقوله ثم من خوف..سبحان..؟

[المهيب]

ياااااااااااااااااااااااااااااااااااااسلاااااااااا ااااااااااااااااااااااااااااااااام


عزالله زحازيح، هذي المعاني الطيّبه اللي نشفق له،،


كفو يابن سعد وياشاعر روق كفو والله وعلى القمه دائما ياعتيبه بدون شك


اخـــــوكم : : المهــــيــــــب

[ناصر بن سعدي]

المهيب




تسلم على مرورك

والصف لايموت وهات العيال.....كلهم.....


وتقبل تحياتي

[شاعر روق]

ولا به عليكم زود والعلم موثوق=رجال لكم في صفحة المجد عنوان
وعندي ثمنها كانزه وسط صندوق=ذهب والذهب يرخص لذربين الايمان

[شاعر روق]

تسلم يالمهيب
ولا عليك زود وشهادتك من تواضعك لاعدمناك

تقديري

[إبن ثعلي]

شكرا لكل من الشاعرين شاعر روق والشاعر ناصر بن سعدي ماقصرتما امتعتمونا بمحاوره راقيه
تحياتي

[ناصر بن سعدي]

إستلم


مادام إنك بمركز قيادي ومرموق=وراعي رعيه ما أنت يالذيب بلشان
ليا جاك عايل (جازه) الطاق مطبوق=يمد الرشاء للعد من كان عطشان

[ناصر بن سعدي]

إبن ثعلي


سلمت يالغالي...


وأسعد بمرورك ولاعدمتك...

[شاعر روق]

الله الله

نبا ننصب الميزان وان زل مخلوق=ترى الحق ياناصر للاخصام ميزان
ولن جاني العايل ترى الباب مغلوق=وللدار جيشٍ وخيل تصهل وسلطان

[شاعر روق]

بن ثعلي ياهلا ومسهلا
و شهادتك محل اهتمامنا وتقديرنا
اخوك

[ابن مسلم]

مساكم الله بالخير يالربع


أثرمانت بسيط يابن سعدي

تقول تبا تاخذلك طاروق مع شاعرروق

وأقول والله اللي راح فيها أبن سعدي

وأثرالخطر على ابن روق منك لاكن تكفى ياشاعر روق علاك أبه لاتفكه إلا بكفيل.هههههههههههههه
تحياتي

[شاعر روق]

هههههههههههههههه

لا ماهوب بسيطابن عاصي الا بحر ماله سباح
وشهادتي فيه مجروحه والله يشهد
مار يابن مسلم وش رايك تكفله كفيل غارم وازهل الباقي
علي و الله يعينني افادي بنفسي
هههههههه

[ابن مسلم]

وووووووووووووه أثربعد بن عاصي

وخذنا وجحدنا

هونا هونا
والكفاله ماعندي مانع بس تعرف اليو م خميس والعمده معزوم على عرس والشرطه ماتداوم إلا يوم السبت والله يعينا وياك ...........

[ناصر بن سعدي]

إستلم

على السارق المزاح لو تحكم الطوق=ماشفت الهوايل عندنا شأنها شأن
علشان من يطغي ليا هزه الشوق=يشوتونه العراف في كل ميدان

[ناصر بن سعدي]

إبن مسلم


وشاعر روق على هونكم لين أزبن الحره...


ههههههههههههه


دمتم الغالين...

[شاعر روق]

نعم نعم

نقيم الحدود ان شفت لي شي مسروق=والاولى نقص الكف وان زاد حرمان
ويذهب لدار مسيلمه راعي البوق=ويلقى الزعيم اللي سرق زين الالحان

[شاعر روق]

ههههههههه
لا ياناصر ابن مسلم ترك التحريض من يوم عرفك
منول يحسب انك من نايد العربان ويبا يرابط الشوش
هالحين اشوفه تعاطف معك
هههههههههههه

[ابن مسلم]

مثلك عارف يابن روق ولايهون أبن سعدي

بس أنا غاثني ضابط خفر الشرطه اللي حولنا

أشوفه فاضي ماعنده شي وودي أشغله أبكم لياتالي الليل
ثم نتوسطلكم ..........وترى الدعوى على قولتهم

(( هوش حضروكلن بدكانه)) هههههههههههههههههه
مغير أمزح

[ناصر بن سعدي]

طيب.......طيب

أجل دور اللي جبهته كلها طقوق=على الجسم (ختم الجوده)لكل الأعيان
يبا يركب الموتر ولا يعرف يسوق=ويضرب بعمره مع هل المال (فقران)..؟

[ناصر بن سعدي]

إبن مسلم


و


شاعر روق


مادام السالفه كذا هونت ....ماني بزابنٍ الحره...


وظابط الشرطه يابن مسلم إزهله عندي...


وسلمتوا....

[شاعر روق]

ابشرك عانه جبهته كلها فلوق=مدنق وبارد وجه مفلس وجابان
مثل من لبس له بشت بايد ومفتوق=ولا ينتسرح في ثلاثِ من الضان

[ناصر بن سعدي]

عليه الخيال مخيل رعود وبروق=وسيلٍ غضب ينفيه من كل الأوطان
سويد الوجه قلبه من الضيم محروق=جزاء له وردع لكل من كان طمعان

[شاعر روق]

ابو سعدي
حقا لهذا المنتدى ان يفتخر بك وبامثالك من الشعار العمالقه
ولم يبقى لي الا ان اقف احتراما لهكذا شاعر
وصح لسانك وتصبح على خير

تقديري

[ناصر بن سعدي]

يسرني

أن أشكر كل من مر...من..هنا...وسجل حضوره..!


وللجميع تحياتي.......

[ناصر بن سعدي]

شاعر روق

صح بدنك...!!

سعيد باللعب معك....


وتسلم على الإطراء الجميل...


وعسى الله يعينك....محاوراتك واجد الليله...


وتسلم ...وصح لسانك...


وتقبل تحياتي.......

[المهيب]

ابداع ابداع يالفطاحله وصح السنتكم ومنكم نستفيد

[الــوافــي]

ثنائي مبدع


طاروق رائع


صح السنتكم


تقديري

[ناصر بن سعدي]

المهيب


صح بدنك....


وشهاده نعتز بها...


ودمت بخير..

[ناصر بن سعدي]

الوافي

صح بدنك...


ومرورك يسعدني...


وتقبل تحياتي