خلووووووووها

[بوشامه]

ياويلكم من هجوسٍ يسرني00 طير هجوسك وانا اطير هجوسـي

واللي يغني على واحدٍ ثاني00 واللي يغني على واحدٍ ثــــانــــي

وكلاً يـقول المقاديـر حـدنـي00 ارماح سيفٍ تصاقل على رؤسي

والعارفه قـد ورد يـم عماني00 والعارفه قد ورد يم عمـــانـــي

[صامل الغنامي]

أبو شامه /مساء الخير واسمحنا بمجاراتك

ياهجوس أبو شامه الي يطيرني=طيري مع الجو والجو متروسي

طيري كالامواج من غير جنحاني= طيري كالامواج من غير جنحاني
000000000000000000000000000000000000000000
ياشاعر ينظم البيت ويغني=صاغ المعاني بترتيب مدروسي
دايم حريصا على وزن الالحاني=دايم حريصا على وزن الالحاني

[رائد العتيبـي]

صح السانك . صامل الغنامـي ويعطيـك الف عافيـه أعجبني ردك وعلشان كذ1 بعزمـك على زوآجي طبعآ على الرابـعـه هههه .. وشاكر لك أخوي صامل الغنامي وابو شامه على القصايـد الرائـعه

[صامل الغنامي]

رايد العتيبي //صح بدنك ويعافيك ربي 0وجايك بدون عزيمه المحل واحد
بس لو اخذت رابعه ماخلنك تسهر ل ساعه2 أشغلنك طيعني وهون
شكرا لتواصلك ياغالي لاعدمتك
تحياتي وتقديري

[شاعر روق]

ياشاعر ينظـم البيـت ويغنـي صاغ المعاني بترتيب مدروسـي
دايم حريصا على وزن الالحاني دايم حريصا على وزن الالحاني

الله الله

صح لسانك يابو شامه وصح لسانك ياصامل
وسيروا على هذا المنوال وهذا القاف الطيب
وازهلو الصف عندي

تقديري

[بوشامه]

صح لسانك ياصامل الغنامي 00 وشكراً للاخ/رايد العتيبي وشاعر روق على المرور والمتابعه00

[بوشامه]

اسمع ياصامل وبعدها اسمحوا لي 0 الليله في محافظة الخرج شعراء محاوره هم الشاعر مستور العصيمي

وحمدان العصيمي وفلاح القرقاح 0


ياصامل الغالي لا تخلف اضنونــي00 الكأس يجلس على عشرة الكؤسـي
والطير يومي على صيد سنحانـــي00 والطير يومي على صيد سنحانــــي

القاف مـازون والبـيت مــن فنــــي00 ونطـير القيل والقال فـي هجوســـي
وزل العلوم الـرديـه علـى شانــــي00 وزل العلوم الـرديــه علـى شـأنــــي

[صامل الغنامي]

أنته رفيقي وابن عمي ومني =غالي ورفقتك مكسب وناموسي

وربعك وربعي طويلين الايماني=وربعك وربعي طويلين الايماني
00000000000000000000000000000000000000000
لامايجيك الردى مير سامحني= ياعل مثواك جنات فردوسي
وختامها مسك يالذيب سرحاني=وختامها مسك يالذيب سرحاني

[صامل الغنامي]

شاعر روق / صح بدنك

ابو سعود الصف عامر بوجودك

شكرا لتشريفك لاعدمتك
تحياتي واحترامي

[الوليد العتيبي]

الله الله يعطيكم الف عافيه

[بوشامه]

استلم يلصامل الغنامي وان اختمها مني على هذا0 وتصبح على خير 0

انا على شانكم ما اخلف الضــــني00 ولا نشري الطيب مخلوط بالسوســي

لا قالــوا الناس فالـدرب شيطانـــي00 ولا قالــوا الناس فالـدرب شيطانــــي

وانا جالـها متن وان جالــها سنــــي00 تأخــذ شــويه علـى طابـخ الفؤســــي

وانـتـه وانا سلومـنا سلـم عـتبانـــــي00 وانتـــه وانـا سلـومنا سلم عتبانـــي