المهــــــــــيب مطلوب!؟!؟!؟!؟!؟!؟ [الأرشيف]

راعي الطيبه

07-10-2006, 07:01 PM

الأخ المهيب
أسعد الله اوقاتك بكل خير أخوك راع الطـيّبه يهدي هذا الطاروق

هلابك يالمهيب ومرحبابك ونت بالله وين=اخذها من هجوس اللي كلامه ما يواصابه

نبا نسبح بحور الشعر ونجيب الكلام الزين=على الوزن وعلى المعنى ولاتننقص ولاجابه

دمتـب بـــــــــودّ

ابن مسلم

07-10-2006, 07:10 PM

راعي الطيبه

مسا ك الله بالخير

أنت وباقي الأخوان الموجدين

صح لسانك
وعجلواعلانا قبل لايسري الليل
ورانا شغل

تحياتي

ناصر بن سعدي

07-10-2006, 07:54 PM

راعي الطيبه

صح لسانك...

وجزل...جزل...

هلابك يالمهيب ومرحبابك ونت بالله ويـن
اخذها من هجوس اللي كلامه ما يواصابـه

نبا نسبح بحور الشعر ونجيب الكلام الزين
على الوزن وعلى المعنى ولاتننقص ولاجابه

وبإنتظار المهيب....

والصفوف جاهزه..

مرور للإستفاده....

وتقبلوا تحياتي...ومتابعتي..

شاعر روق

07-10-2006, 08:04 PM

الله الله

ياسلاام ياسلام

بدايه تحتاج لجواب شافي من اخونا المهيب

واصلواا والصفوف وقوف

تقديري

راعي الطيبه

07-10-2006, 08:16 PM

أبن سعدي

شاعر روق

مشاعر الود ياحبايب شكرا على المرور

المهيب

07-10-2006, 11:33 PM

ياهلا ومرحبا براعي الطيبه وتشرفنا بلقاءك

اشكـر المتابعين << الصفـوف ياعيال >>

اربط الحزام ياراعـي الطيبه واستـــــــلـم لاهنــــــــت ::

يـدوم الْـك البـقا ياللي بدعـت الرّسـم والتكـوين 000 نقـولـه والجدي شـوفه مـقابـل ديرة اعتـابـه

تبي تسبـح مع الغطـاّس، لكن فتّـح العيـنــيـــن 000 تـرى الاستـاذ يـلقـي درس لجـل ايْفـيـد طـلابـه

راعي الطيبه

07-11-2006, 02:06 PM

الله الله الله

صح لسانك يالمهيب (أضبط السرع الدروب عوج )

ألا يالجدي لابان النهار يروح نورك وين=ولو قالو نشوف الجدي قلت الناس كذابه

ياكيــف اتعلم إستاذ اللغه فكتابة التنوين=أنا وياك كل(ن) يستعد ويظهر كتابه

دمت بود

المهيب

07-13-2006, 04:18 AM

ياسلا م ياسلام ياراعي الطيبه ( الدروب ماهي عوجا وكل شي مضبوط وانا المهيب لكن العتب على النظر)

استـــــــــلـــــــــــــم لاهنـــــــت::

لـوانّـك فـاهم(ن) معـنى رمـوز البـوصله ياشـين 000 تقـدّر قيمـة الخوّه، مدامـه خـوّة اذيـابــه

وانـا بسألْـك ياالاستـاذ، وافهـم واتـرك التخـميــن000 لكـم كـوكب عـلى القمّـه غيـابه نجـهل اسبـابه

ناصر بن سعدي

07-13-2006, 04:37 AM

راعي الطيبه

و

المهيب

إثاره ونديه ومتعه....

ونقض وفتل...

متابع بقوه

المهيب

07-13-2006, 04:40 AM

حياك الله يابن سعدي وهذي والله الساعة المباركه وحنا صراحه ماستغني عن شرواك يابن سعدي

راعي الطيبه

07-13-2006, 10:16 AM

ياسلام ياسلام صح لسانك يالمهيب

نحترم خاصية الأسم لصاحبها و لا يفرضها على الآخرين!

أنا افهمها على الطاير تبين ياغراب البين=عشان اجاوبك والسيف ماسك قضبة انصابه

كواكبنا تبا تتعب وتتعب حافي الرجلين=ترى من دونها راع الشنب ننتفــلّه أشنابه
دمت بود راع الطيبه

المهيب

07-13-2006, 10:56 AM

ياسلام ياسلام ياراعي الطيبه وكلٍ وله راي ولامن اختلاف انشاءالله مع شرواك

استــــــــــــــــلـــــــــــــــم لاهنــــــــت : :

انـا رجلٍ خلقْـه الله ماعنـده يسار ايْمـين 000 واحـب الصدْق ولاّ الكـذب لاوالله مارضـابه

الا ياهـل العلـوم اللي تنومـس والله وْنعمين000 وانـا ماجحد فعايلكم، عتيبه حي هاللابـه

راعي الطيبه

07-13-2006, 11:31 AM

ياسلام يالمهيب ولاعليك زود

ولن يحصل الأختلاف بإذن الله مع الشاعر اللي مثلك

ما دام أنك تحب الصدق حنا نطعم المسكين=هل السيف وهل المنسف ولاحنا بنصابه

أسل عنى فيافي نجد وتجاوب حصاة الرين=ولو تسأل ولو تسأل كثير القوم منصابه

دمت بود راعي الطيبه

المهيب

07-13-2006, 12:41 PM

الله الله ياراعي الطيبه جزل

استـــــــــلــــــــــم : :

يقـول السيـف باليمـنى ولاكنّـه طلع سكّـيـن 000 وانا بانـي عليـه البيـت، طابـه فـوقها طـابه

حكـمنا نجـد والتـاريخ دوّن حكمنـا قرنيــــن000 ودخلـنا في قصـور المملكه من اوسع ابوابه

طبعا المملكه ماهي السعوديه، لاحد يفهم غلط، وكلامي ماهو موجه لك ياراعي الطيبه انت تفهم العلم ومحشوم عن التوضيح، توضيح كلمة المملكه للجهال، وانشاءالله مايمرون بيننا غير العقال الفاهمين

شيلوااااااااااااااااااااااا يااااااااااااااااااعيااااااااااااااااااال

إبن ثعلي

07-13-2006, 01:48 PM

شاعرين مجيدين ومحاوره جزلة المعاني المدفونه وفي تقديري انكما محترفين شكرا لكما ماقصرتما وشكرا للاخوان المتابعين
تحياتي

راعي الطيبه

07-13-2006, 02:35 PM

الله الله يسلام يالمهيب كلام جزل وكبير

ابن ثعلي شكر على الأطراء ياغالي

الا ياللي حكمت وتدعي حكمك عدد ميتين=نسخنا حكمك اللي قلت منت بسيّـــــد الغابه

تـدرّق فالحصاه وتتـقي عنا ولنت تبين=وحنا اللي طردناك وبنينا البيت باطنابه

دمت بود راعي الطيبه

المهيب

07-13-2006, 07:20 PM

ياسلااااام ياااااااااسلام ياراعي الطيبه والدعوه امزوح والزعل مرفوع

استـــــــــــــلـــــــــم وانا المهيــب: :

تسـيّـدنا على عـرش الزعـامـه طيـلـة الجـيلـيـن 000 وسيـوف العز من دمـّك على الميدان شـرابه

انـا باعطيـك بالميـدان قسـمك واقسمـك قسمـيـن000 وتفضّل واستـلم منّـي قذايـف وسـط دبّـابـه

راعي الطيبه

07-13-2006, 09:55 PM

الله الله الله يالمهيب

صح لسانك والزعل مرفوع عزيز و غالي

أنا ماذمكم ياهل الوفاء ياهل الوفاء وافين=رجال(ن)فالمحل رجال والميدان حرابه

تنبهم على ثوب الأمير وربعها لاهين=عقب قام ونوى الحرب ونوى النيران شبابه

دمت بود راع الطيبه

ناصر بن سعدي

07-13-2006, 10:40 PM

راعي الطيبه

و

المهيب

معنى...ونقض وفتل....

ودمتم...

المهيب

07-13-2006, 11:13 PM

ياسلام ياسلام هههههههههههههههههههههه عزالله حابكها عدل يالجزل

<< على العموم ياراعي الطيبه تشرفنا باللعب مع شاعر مثل شرواك وعزالله بدون مجامله جزل وعلومك امحفوظه، وهذي رأيي فيك ياراعي الطيبه مع انّي ادري انه لايقدم ولايأخر لاني مازلت من المبتدئين >>

والقفـل عندي واستــــلم مسـك الختـام لاهنـت: :

مـدامـك من رجالٍ فـوق روس الطايله راسيـن000 يشرفني مثل شـرواك، والأصحاب لصْـحابـه

عتيـبه صيتـها صعـب(ن) نعدّه في حساب اسنـين000 من ايّام النبي صيتـه، تحسْب العالم احْسابه

راعي الطيبه

07-14-2006, 11:06 AM

سعدت باللعب معك يالمهيب

وانا ليش طلبتك لاني أرى فيك ثقل الرجوله وثقل المعنى وبكل أمانه انت شاعر علم وليس مبتــدئي بل شاعر النقض والفتل كما يجب ورائك في وسام على صدري أتمنى
لك كل خيروالى لقاء قادم