المصافحه الأولى لراعي الطيبه

[راعي الطيبه]

راعي الطيبة يشرفه الأنضمام الي منتدى قبيلة عتيبه

وهذه المشاركة الأولى له (فاتحة خير)


سلام الله سلام يسمعونه ربعي العتبان=على صفحات الأنترنت يالعتبان مكتوبه
اباشارك وفاء مني مادام إن الكريم معان=لكم حق ٍ عليه ما تموت النار مشبوبه


وسلامتكم

[صامل الغنامي]

حياك الله ياراعي الطيبه

هلا يامرحبا ترحيبة تاصل على العنوان=عبر هاتف ومود م جتك صفحه غير محجوبه

وفي والله يعينك مانت وحدك معك أكيد أخوان=وشوف النار قدمك تصتلي حمرا ولاهوبه

[شاعر روق]

راعي الطيبه
ونحن سعداء ايضا بانظمامك الينا
وعسى ان تستفيد وتفيد وصح
لسانك

صامل الغنامي
شهادتي فيك مجروحه وحضورك
يضيء القسم يانور المنتدى

تقديري لكما

[صامل الغنامي]

شاعر روق //هلا وغلا يابو سعود

النور تواجدك لاعد متك

تحياتي

[راعي الطيبه]

مرحبا يا صامل الغنامي انت ومشرف قسم المحاوره الأخ شاعر روق أتمنى أن اكون عند حسن الظن


مدام النار مشبوبه وانا في ساحة الميدان=ألا ياكم وكم واحد يتوب ويعلن التوبه
لاكن اصمل ياصامل وضبط الحبه على النيشان=نبا نقنص معك صيد يطرّى غربي النوبه

[صامل الغنامي]

الله يبقيك ولاهنت

تركد زين حتى خيمتك تثبت على العمدان=بعدها دق زير الحرب والخصم أنطلق صوبه

ياقشر الصيد ف السودان ياالله تقلع السودان=وجلدك حكه بظفرك وكعبك نفس عرقوبه

[رائد العتيبـي]

رآعــي الطيبـه .. مرحبا تراحيـب كثر قطرات وكثر نجـوم السماء وكثـر رمال الارض وكثـر البشـر نورت المنتدى .. وحيـآك الله أخ عزيز وغالي علينـآ



الصامل فديت قصايـدك يا عزوتـي الله يبيض وجهـك عند ربـعـي الغنانيـم .. شاكر لـكم ويعطيـكم الف عافيـه

[الجافي]

بيض الله وجيهكم وصراحه حامي حامي
ولاهنتو والله قمه
(*وركود ركود صامل الغنامي موجود*)

[راعي الطيبه]

صح لسانك ياصامل

وشكراَ لكل من مــــــــــر

طيب طيب طيب


ابالعب في مقر العزوة اللي تكرم الضيفان=أنا منهم وانا فيهم وعرف الشعر ودروبه
مادام انك تعفعف منت وياصيدة الغزلان=انا كشيت من شعر(ن) هذا مبداه وسلوبه

[حسام هوازن]

راعي الطيبه وصامل الغنامي لاهنتوا جميعاً

على الابيات وجميعنا معكم صفاً واحداً

[راعي الطيبه]

حسام هوازن أشكرك على المرور

[صامل الغنامي]

صح بدنك ياراعي الطيبه

محلك ولك قدر ومنزله غصبا عن أي كان=ومثلك نفتخربه والشحم والهيل ماجوبه

تفسرها غلط وتلومني لو قلت لك غلطان=وراك تكش علمني ترى كلمتك محسوبه

[صامل الغنامي]

رائد العتيبي//صح بدنك والله يبيض وجهك

مرورك أسعدناياغالي

شكرا والله لايهينك
تحياتي

[صامل الغنامي]

الجافي//صح بدنك والله يبيض وجهك

مرورك أسعدناياغالي

شكرا والله لايهينك
تحياتي

[صامل الغنامي]

حسام هوازن //صح بدنك والله يبيض وجهك

مرورك أسعدناياغالي

شكرا والله لايهينك
تحياتي

[راعي الطيبه]

عزيزي صامل الغنامي


صح السانك و


الله الله استلم



أقدم لك معاني غالية واحلى من الرمان=ابن غنـّام ليش يمد لي يمناه مقلوبه

حذفك الموج عني ضعت مدري زورقك خربان=حذاري فيه حوت(ن) لاتجي زاده ومشروبه

.................................................. ...

[صامل الغنامي]

نمد الكيف بالفنجال نصه قلت ذامليان= وتاليها تصرح قهوتك ماهي بمشروبه

أنا فالبر ساكن ماعرف الامواج والحيتان=وحوت البحر صادوه القنوص الي تعشويه

[راعي الطيبه]

الأخ صامل صح لسانك



واستلم



أنا ماشفت كيف ولاش كيف(ن) يبسط الضرمان=حجايا البدو ياصامل ترى ماهيب مرغوبه

أسلوب الفتل غير النقض كانك شاعر القيفان=معاني كنها نقد الذهب بالشعر مصبوبه

[صامل الغنامي]

راعي الطيبه //صح لسانك

أناماحاجي الي كبرك ولا أحاجي الورعان=وراعي ضاق يوم ان العرب فزوا وهلوبه

ياشينك يالغرور وقول أنا معلم وانا فهمان=وتاريخك ثلاث بيوت منها اثنين معطوبه

[راعي الطيبه]

ههههههههههههههههههه!!!!!!!!!!!!!!!!!!


صح لسانك ياصامل الغنامي


اقول الك الحقيقه مثبته وبيوتك البرهان=انا ماني مرقع كل شي وساتر عيوبه

تقدمت أول الدعوى وحسبانك وسيع ابطان=وأثرك اللي يضيق ولا يحسب سبة أذنوبه

دمت بود

[صامل الغنامي]

صح بدنك وصح لسانك ولا هنت ياراعي الطيبه


تقوله والحقيقه عنك بعد طريف عن جيزان=ياطيبه راعي الطيبه لكن الشك عذروبه

تدلل ياعتيبي واستهيض وكوسر الألحان=وعد وغن لحن السامري في راس مشذوبه

[راعي الطيبه]

صح لسانك ياصامل


هـهههههههههه كوسرالألحان

ما دام إنك عور ياصاحبي في ديرة العميان=يحق إلك الفخر وتصير شاعر شعرك إعجوبه

أنا ماكوسر الألحان قافي يرجح الميزان=بحـرهايج وغيري يستلف ويجيب منهوبه


دمت بود

[صامل الغنامي]

صح بدنك ياراعي الطيبه

عيونك حول وتعكس السكك وتصادم الجدران= واهل دار الفخر لو ناظروبك صابتك نوبه
يحسبه تركي ابن حميد مدري مسلط ربيعان=مكشخ لابسله بشت والحذيان زنوبه

[راعي الطيبه]

الله الله الله


استلم يا شاعر الغنانيم وصح لسانك



أنا والله مالومك يوم تطري فارس الفرسان=اشيوخ مرعبتك بفعلها والطيب فازوبه

أضنك مالحقت اللي مضى في سابق الأزمان=نزحتو لين ظلــم وقت فرض العصر صلّــوبه



دمت بود يالغالي

[صامل الغنامي]

صح لسانك يالعطاوي

تزاعلانا تراضينا ماعفنا سيفنا شامان=وبعض الهرج ماهذا مكانه كيف جيتوبه

نزحنا من بلدنا في بلدنا والحكم سلطان=وعمرنا البنا مع ربعنا طويه على طوبه

[سيف العتيبي]

راعي الطيبه وصامل
صحت السنتكم لعب كايف وشعار كبار
تحياتي لكم

[راعي الطيبه]

صح بدننننننننك يابن العم

وستلم


زغرك ابليس وانته جيتني وتطامر الجرفان=من الفرحه تحسبني غشيم(ن)يومي ابثوبه

من الشارب وفاللحيه ولانت بطارف العربان=ليا دار الرحى ما تطلع الحبه من أجنــوبه



دمت بــــــودّ

[صامل الغنامي]

يابدر الله يخليلي خشيمك عوذ الشيطان=ومن سمعك يقول ان الخطا ربعك تمادوبه

ترى ماصار غير الزين ليش اللوم ياكحيلان=وانا اسف يامليك الشعر واستاذه ومنصوبه


راعي الطيبه// بيض الله وجهك يابن العم واللعب معك شرف

وشهاده لله أنك شاعر علم واستفدت من مجاراتك لاعد متك

أشكرك من كل قلبي واتمنى لك التوفيق ياغالي

سامحني لو حصل مني قصور وثق انه غير متعمد

تحياتي واحترامي وتقديري لمقامكم الفخم

[صامل الغنامي]

سيف العتيبي// صح بدنك

شكرا لتشريفك لاعدمتك

تحياتي وتقديري

[رائد العتيبـي]

وعـزتـي للي مفارق خليلـه .. من عقب ماهو طول عمره مخـاويـه
عيني وعينك اثرن الهميمه.. مير القدر ذباح ويش العمل فيه
الهاتف اللي دقيتينه قليله .. عقبه يدق الفين دقه وخليـه
ماهو بمني من رجال القبيله ..من كف واحد ماسح اشناب راعيه
اقول بنساه مير قلبي يشيله .. قلب ذبحه العشق والشوق حاديه
نفسي تضيق بطاريك يا ام شيله .. اصعد لداري وانثر الدمعه
عليك ياراعي العيون الكحيلـه .. أنت ملاك مابقى غيرك شبيـه
والله لدوس القلب قبل الفشيله .. عيب على الرجال بنـت توطيـه
القلب طاب مابقى فيه حيله .. يكود الفراق وجعل ربي يهنيـه

[راعي الطيبه]

الأخ العزيز صامل الغنامي

ماعليك زود وانت شاعر كفوا والله ليس مجامله وشهادتك اعتز فيها
اتمنى لك مستقبل مشرق وسجل أعجابي والمحاوره مافيها زعل ولاضيق خاطر

دمت بود