التفرق والحزابه لمن ليس اجودي

[شاعر روق]

مرحبا ترحيب من قلب ولسانٍ سليم=ياصل الطيب ويقصر عن الوجه الردي
والنميمه دوم والكيد من طبع الحريم=والتفرق والحزابه لمن ليس اجودي

[الطوفان]

هههههههههههههههههههه

ابوسعود صح لسانك

ونتظر الشاعر وصح لسانه مقدما

تحياتي

[شاعر روق]

ابو عبد الرحمن
اسعد واتشرف دائما عندما ارى
حروفك في متصفحي
تقديري

[ابن مسلم]

شاعر روق مساك الله بالخير

وتراني في صفك

(( الله بأ مانه من النكبات يأمنا ))

تحياتي

[ابو فهد الثبيتي]

البقا ياشاعر ن لا ردي ولا عديم= مار يالمشرف نبا العلم والحرف ابجدي

النميمه من طبوع الهبيله والغشيم= كل مايسمع خبر بالخبر جاك يعدي

[شاعر روق]

الخبرعاجل لكنه من العصر القديم=الصحافه تنشره والمغفل يعتدي
والشراره يالثبيتي تولع في الهشيم=وانت لو شاورت شايبك اقول إلك بعدي

[ابو فهد الثبيتي]

لو اموت ابجوع ماكلت من زاد اليتيم= وانت شاعرفذ في المنتدي مالك لدي

ياسليم القلب والعقل في الجسم السليم=لد عينك في سهيل اليماني والجدي

[شاعر روق]

لك ثلاث اليال تركض ورجلك ماتقيم=والدروب اثنين لكن عوّد لا تغدي
تزهب البلجيك يوم الفشق ملي البريم=مار اشوف الرمي يم القرايب محتدي

[سيف قحطان]

الله الله

السلام عليكم

مساكم الله بالخير


طاروق يجمل يا بوسعود وصح لسانك

وصح لسان ابو فهد الثبيتي

لعب عالي مستواه

تحياتي وسجلوني متابع

[شاعر روق]

سيف قحطان
حضورك و شهادتك شرف ومن تواضعك الجم

تقديري لك

[ابو فهد الثبيتي]

اطلب الله ياولد روق جنات النعيم=صف مع ربعك عتابه وخلك مهتدي

الزعامه مالها فالزمن غار الزعيم= والمطيري ربعه امطير ماهوا بسعدي

[شاعر روق]

المعاني خلها يافتى سينٍ وجيم=لاتضيع السالفه ثم اكنسل موعدي
والله اني كنت اظنه لفاقه من سليم!!=وانت ظنك فيك باقي وشكك مبتدي

[مزلزلهم]

الله الله ياشعار
يحا يحا يحا
ولعبكم مبطن ومدفون وانا في الصف اطامر
على القوة واصلو واطربونا

الليل الليل

[سيف العتيبي]

ابو سعود وابو فهد
مبدعين ولعبك كايف يستحق المتابعه

تحياتي لكم

[ابو فهد الثبيتي]

طالبينك يامخلص غريم ن من غريم= اعف عن خصمي بعد صار في قبضت يدي
في جبل فيفا طلع شيخ جاي امن القصيم= شيخ طامع في السياده ولاهو سيدي

[شاعر روق]

كان ابن عمك تعده يابن عمه خصيم=رحت لاقرب حارثي ياولد عمي فدي!
التخاطب مع قليل الذكا دايم عقيم=لا توديها بلد غير ماهيب بلدي

[ناصر بن سعدي]

أبو فهد الثبيتي


وشاعر روق




قمه وجزاله



ودمتم.....متابع للأستفاده.....