يا عتيبه الليله الطاروق فيه اخلاف

[سيف قحطان]

سلام عليكم


يا عتيبه الليله الطاروق فيه اختلاف=طرق ومعنى وشيل وحط بين الرجال

اما يجي من عتيبه حق ولا اعتراف=ولا على ديرة العجمان ناوي الرحال

[ملفي العضياني]

سيف قحطان ياهلا بك
وصح لسانك وبانتظار الشاعر المقابل
تحياااااااااااااااتي

[سيف قحطان]

ارررررررررحب يا ملفي

صح بدنك والله يجيب اللي على بالي

[شاعر روق]

وعيكم السلام ورحمة الله وبركاته واستلم لاهنت


الليله السيف جانا ياعتيبه بقاف=وان جاب معناه سقناها سوات الجمال
ماضاع لك حق واليا جاك منا خلاف=تبشر بحقك مكمل ياكريم السبال

[صامل الغنامي]

سيف قحطان// صح لسانك

شاعر روق// صح لسانك

تحياتي للكل

[شاعر روق]

ملفي ياهلا ويامسهلا
اسعدنا تواجدك
تقديري

[شاعر روق]

صامل اهلا وسهلا بك
وصح بدنك وشكرا لك على مروورك
تقديري

[سيف قحطان]

الله الله

جات على ما تمنيت

استلم طال عمرك يا بو سعود


يا بو سعود انت فاهم وانت شيخ احتراف=اكيد تفهم كلامي قبل مبدا السوال

شهرين مرت ولا احد قام لي واستضاف=دايم وانا المبتدى يا صاحبي بالمقال

[سيف قحطان]

ارحب يا صامل تشرفت بمرورك وتواجتك

[شاعر روق]

ههههههههههههه
حمد لله اني رديت اجل بغيت اترك لواحد من الشعار
هاستلم لاهنت




كل الكتب محتواها بيّن (إمن)الغلاف=لكن مااعلم بغيب الوقت يابن الحلال
والقدر في الصدر ماهو في كلامٍ يشاف=في صفحة المنتدى يكتب بليا مجال

[الطوفان]

ياسلاااااااااااااااااااااااااام
سيف.......وابو سعود

متابعين بكل جوارحنا
لاهنتو

تحياتي

[شاعر روق]

مرحبا ومسهلا يابو عبد الرحمن
وجودك هدفنا وغايتنا
تقديري

[سيف قحطان]

الله الله عليك يا بو سعود


تسلم وانا عارف انك ما تجيب الخفاف=تصرف على القاف معنى مثل صرف الريال

ديار البدو يا صحيبي صايبنها الجفاف=وابشر بدار عليها الوسم نشا وسال

[سيف قحطان]

ارحب مليون في مليون يا بو عبدالرحمن وجودك مكسب ويشرفنا

تقبل وافر تحياتي

[شاعر روق]

ههههههه استلم طال عمرك


ماحولكم نقص يااصحاب القلوب النظاف=هذا الكلام الصحيح اللي لزومٍ يقال
هذي بها حق ياللي ضعت في اتلى الطواف=لكن عدّل وانا اعدّل وهذا العقال

[سيف قحطان]

ههههههههههههههههههههههههههههههههههههههههههاي الله يسلمك يا بو سعود

لحظه ارد عليك وابشر بالحق

[طامي القحطاني]

الله الله
اسلم اسلم
اقلط في المشب
يالله حيهم
صح لسانك يا سيف قحطان وصح لسانك يا شاعر روق 0000
وتكفي وتوفي يا سيف قحطان ولو ماني بواثق كان عرضت عليك الفزعه 000
يعطيكم العافيه جميعا0

[سيف قحطان]

الله الله يا بو سعود



لا تركب السالفه يا صاحبي من خلاف=ما ودي انك اتعجل واليالي طوال

اللي سرى الليل له قلب قوي ما يخاف=واللي بنا قصر ما يبنيه برض(ن) هيال

[سيف قحطان]

ارحب يا طامي

حياك الله عند عتيبه

ماعليك زود وجودك يسعدني

[شاعر روق]

الله الله


انته تبى تثبت القصه بدون اعتراف=يالمدعي حجتك عند القضاء ماتشال
واللي سرى الليل ذيب لكل حله يحاف=والقصر عامر وبعض الناس ماله ضلال

[شاعر روق]

حياك الله ياطامي
ومرحبا الف بين اخوانك
شرفتنا واسعدتنا بحضورك الغيث
تقدير ي

[سيف قحطان]

الله الله يا بو سعود


اللي ورد يا عميلي بالسيوف الرهاف=حجتة تمشي لو انهم طولوا بالجدال

يا قصر ياللي عليه الوقت ولى وطاف=يالله عسى تذري السكان هبت شمال

[ابوسـعد]

مرحبا باقطاب الشعر.... وسعدت بالردية بين سيف قحطان وشاعر روق وان شاء الله... تكون ليلة سعيده
.... ومتابعين معكم الله يوفقكم وياهلاااااااااا

[سيف قحطان]

هلا وغلا بك

ابوسعد

نورتنا بتواجتك وشرفتنا بمتابعتك

[شاعر روق]

الله الله


اللي ورد بالسيوف من الملاقا يعاف=والا يضلي ضحيه في نهار القتال
والقصر عامر لك الله في السنين العجاف =يوم ان بعض المباني مايله للزوال