أبو شهاب لايروح أبيه

[صامل الغنامي]

أبوشهاب الله لايهينك طاروق على الطاير
هلا يامرحبا يامحمد ذايع الصيت=تراحيب الوفا من قطر حتى الرياضي
ولا يابو شهاب أقرب أبغا منك لو بيت=وانا أد رانك تحكم المعاني حكم قاضي

[شاعر روق]

ياسلام ياصامل ياسلام
بدايه جزله من شاعر جزل
وبانتظار ابو شهاب

تقديري

[صامل الغنامي]

هلا وغلا يابو سعود

الجزاله من صفاتك ياشاعر روق

شكر لمرورك التشريفي
تحياتي

[الطوفان]

صح لسانك ياصامل ..........وصح لسان ابوشهاب مقدما

ننتظر الابداع من اهله

تحياتي لكما

[صامل الغنامي]

الطوفان// صح بدنك وحياك الله

الابداع تخصصك يابو عبد الرحمن

تحياتي

[محمدابوشهاب]

يدوم بك البقا ياعميلي تو ماجيت = وانا مدري من اي الدول واي الاراضي
تجي بغدادوتغازل الموصل وتكريت = تحسب الناس مثلك ولا فيه اعتراضي

[صامل الغنامي]

حياك الله يابو شهاب

لماذا كل هذا الترددوشبك أبطيت=وكنك تطلب الاذن مادري مانت فاضي

أنا عتيبي سعودي ومثل الناس ماخطيت=لاتشغلك الدروب الطويلات العراضي

[شاعر روق]

ياسلاااااااااام ياسلااااااام

ابداع وشعار كبار وسؤال من صامل يحتاج لجواب من ابو شهاب

والليل دوب استوى وانا معكم متابع


تقديري

[محمدابوشهاب]

انا لو لاك ماجيت فالموقع وغنيت = وغيري فالاجازه يقضي له مقاضي
علامك يالامام ا تقدم ماتوضيت = ترا صاحبك فالحق ماهوب متغاضي

[صامل الغنامي]

ليا جيت السعد جا معك حييت حييت=وعلمك غانم اسلم ويغشاك البياضي

وضوي عن وضوك فرق كنك تناسيت=هذا شي مؤكدوثابت لاافتراضي

[شاعر روق]

وضوي عن وضوك فرق كنك تناسيت
هذا شـي مؤكدوثابـت لاافتراضـي

الله الله ياصامل رائع دائما

واصلواااااااااااا

تقديري

[صامل الغنامي]

هلا وغلا يابو سعود

وجودك بيننا يشعل الحماس عند أبو شهاب وعندي

الروعه مرورك الذهبي لاعدمتك

تحياتي

[الطوفان]

الليل الليل

كلام من ذهب

صح لسانك ياصامل وصح لسان ابو شهاب

تحياتي

[صامل الغنامي]

هلا وغلا ياستاذي أبو عبد الرحمن

الذهب كلامك لاعدمتك

صح بدنك ياطوفان

تحياتي

[محمدابوشهاب]

اكرر اعتذاري عن التاخير



على كثر المواقع ماعمري يوم زليت = لاجيت الشاعر يجيه رجه وانتفاضي
نعم حنا نصلي ونسعى داخل البيت = وهذا العلم معروف من حاضروماضي

[صامل الغنامي]

ترى ماجاك زله وانا صامل ماذليت=وسامك وين ياظابط للحرب خاضي

قبايل يام وانعم فيهم ماترديت=لاتفهمني غلط ياشديد الامتعاضي