سلام الله على العتبان

[شاعر الشلالحه]

مساكم الله بالخير


بعد جينا وجيتو واجتمعنا ليلنا مشهود= سلام الله على العتبان قاصيها ودانيها

نداريها مادمت طيبه ماحك عود بعود= لكن ان حك عود بعود والله مانداريها

[الطوفان]

مساك الله بالخير يالشلاحي


بعد جينا وجيتو يالمطيري دربنا مجرود=هلا يامرحبابك قدم نأخذها ونعطيها

عليك الله وامانه لين حتي يقبس البارود=لمنه ولع البارود نسحبها باذانيها

[شاعر الشلالحه]

انا بين وبينك يالعتيبي للديار حدود= للعلك لليقا مير الحدود احذر تعديها

ليا شبيت ناري باذن ربي لجود العبود=لكن احذر حذر والنار تحرق رجل واطيها

[صامل الغنامي]

الله الله الله

طاروق رائع

صح لسانك ياشاعر الشلالحه

وصح لسانك يالطوفان

وأنا في صف شاعر الشلالحه

ضد هذا الطوفان المرعب

[أبوزيد الهلالي]

شاعر الشلالحه والطوفان
صحت السنتكم يامبدعين
واصلو الله لايهينكم
تحياتي

[شاعر روق]

شاعر الشلالحه وابو عبد الرحمن
شعار اغنياء عن التعريف
وحتما الابداع سيكون معهم
وصلواااااااا

تقديري

[الطوفان]

تري بيني وبينك يالمطاري يومك الموعود= وانا عمك وهمك فأول الدنيا وتاليها

ليا شبيت نارك جاك من فوقك سحاب يقود= يصب الماء على نارك وباذن الله يطفيها

[الطوفان]

صح بدنك ياصامل

المهم تواجدك لاعدمناك

لك تحياتي

[الطوفان]

صح بدنك يابوزيد
حياك الله

تحياتي

[الطوفان]

ابو سعود

الابداع في حضورك يالغالي

تحياتي

[شاعر الشلالحه]

ترانا خابرينك جارنا يوم الليالي سود= تسرحها جهتنا مير ماتقدر تضويها

لك الله ماتطفيها وانا في حيدها موجود= تضيعك الهقاوي والهقاوي ماندانيها

[ابن مسلم]

الطوفان

شاعر الشلالحه


مساااااااااااااااااااااااااكم الله بالخيييييييييييييييير

عساكم على القوه واصلوا وأنا تراني في صفك يالطوفان خل ليلنا الليله سروي ...............................تحياتي

[شاعر الشلالحه]

الاخ صامل الغنامي حياك الله ويشرفني وقوفك في صفي

ابوزيد الهلالي مرحابك وسلمت

شاعر روق حيال الله وهلابك ومرحبابك يامشرفنا

[الطوفان]

ايو الله خابرٍ نحر الجمل والحق والمفرود=من يدين العتيبي يوم بالخوصه يذكيها

بعدها تبت ياابن العبدليه مابقيت ترود= زبنت الحره السودا تلوى في مطاويها

[شاعر روق]

ياسلااااااااااااام
مبدع يابو عبدالرحمن ولا يهون المطيري

واصلوا فمازال للابداع بقيه


تقديري

[شاعر الشلالحه]

لاوالله مارماك بجنبا الاحضك المقرود=ياسكان الفشوش اللي نصبحها ونمسيها

اخذت فليفله منكم وما قلته علاه شهود= نزعتك من جهتها ماتفلي في مفاليها

[الطوفان]

لك الله ماتصبحنا على موعد ونصر وزود=ولن جتنا حناشلكم بضرب الماس نفنيها

نسيت الحفر مع مران منها شيخكم مطرود= لكن فليفله قيمة حمولك يامدربيها

[شاعر الشلالحه]

اخذتوها ديارٍ خاليه في غيبة الصاهود= وهذي نعتبرها سرقةٍ مانت بغاويها

عسى ربي يعز المملكه والحاكم ابن سعود=لك الله يالالاها في سبالك مانخليها

صح لسانك يالطوفان وارد الاخير من عندك ان حبيت

كما اشكر كل من تابع وشارك وتسلمون جميعا والعذر والسموحه.
تصبحون على خير

[ذياب]

ايو الله خابرٍ نحر الجمل والحق والمفرود=من يدين العتيبي يوم بالخوصه يذكيها

بعدها تبت ياابن العبدليه مابقيت ترود= زبنت الحره السودا تلوى في مطاويها


كبير يابو عبدالرحمن

والصف صفك

يالذيب

ولا يهون المطيري

والله يحييه

[الطوفان]

تقوله يالمطاري وابن عمك وسطها ملحود=من يدين العيال اللي طويلات يمانيها

عسى ربي يعز المملكه واهل الكرم والجود= تذري في ذراها قبل نسحقها وننهيها


بيض الله وجهك ياطوفان

دايم راع الابداع

فواز الشيباني

[الطوفان]

صح بدنك ياشاعر الشلالحه

واشكرك على سعة صدرك

وتصبح علىخير
تحياتي

[الطوفان]

ابن مسلم

مساك الله بالخير
وياهلا ويامرحبا سعدنا بمرورك
والعتب على النظر

تحياتي لشخصك الكريم

[الطوفان]

ذياب الذيب

هلا والله وغلا

سلمت ياعصابة راسي
لاعدمناك

تحياتي