خيلت في المناشي

[الطوفان]

مساكم بالخير جميع


خيلت في المناشي مار ماهل ماها= والهبايب تصافقها جنوب وشمالا

من دخل في البيوت اللي يذري ذراها= ماينوشه لهيب القيظ هذا محالا

[شاعر روق]

الله الله
يابو عبد الرحمن جزل ومبدع دائما

وبنتظار الشاعر المقابل

تقديري

[صامل الغنامي]

أبو عبد الرحمن // سلام عليكم

ياسلامي سلام طم الارض وغشاها=خير من كل هرج وخير من يالالا

دائما عجل ترميها وتركض وراها=كبر الله يثيبك تو هل الهلالا

[سيف العتيبي]

الطوفان وصامل صحت السنتكم ونترقب لمحاوره
جزله وابداع معهود معكم....تحياتي لكم

[الطوفان]

وعليكم السلام ورحمة الله حياك الله ياصامل في محلك




مرحبا مرحبا باللي عزيزٍ بناها= وانت داخل محلك ياكريم السبالا

دائما في همام اللي يسلي نباها= مار قود المعاني مثل نقد الريالا

[أبوزيد الهلالي]

ابو عبد الرحمن وصامل الغنامي
واصلو وحنا متابعين لابداعتكم

تحياااتي

[الطوفان]

ابو سعود

مرحبا الف
مرورك اسعدنا

[الطوفان]

سيف العتيبي

هلا وغلا

حي الله ابورزيق

تحياتي

[الطوفان]

ابوزيد الهلالي

اررررررحب

وحياك

تحياتي

[صامل الغنامي]

البقا ياسراج المعرفه ياضياها= والسلام بمحلي حق واجب يقالا

السوالف كثيره حدد الي تباها = والمعاني بصدري جالهن اجتوالا

[صامل الغنامي]

شاعر روق / شكرا لمرورك

تحياتي

[صامل الغنامي]

سيف العتيبي// صح بدنك ولا هنت

وأبشر بعزك مادام أبو عبد الرحمن طرف

أكيد الجزاله تحققت

تحياتي

[صامل الغنامي]

أبو زيد الهلالي // شكرا لمرورك

متابعتك محفز قوي 0 والإباع من صفاتك

تحياتي

[صامل الغنامي]

أبو زيد الهلالي // شكرا لمرورك

متابعتك محفز قوي 0 والإبداع من صفاتك

تحياتي

[الطوفان]

وانت من ربع دايم عاليا مستواها= راسيه في وطنا مثل رسي الجبالا

المعاني نبا نمشيبها مع سراها= مار عطني مثل واعطيك رد المثالا

[صامل الغنامي]

هات مضمونهاواخبرك وش محتواها= والسما فوق ونجومه تشع وتلالا

المعاني قردها الله وربي بلاها= والكوارث تجدد والمصايب توالا

[ابو فهد الثبيتي]

صامل الغنامي وابو عبد الرحمن صحت السنتكم

وعلى القوة

[صامل الغنامي]

أبو فهد الثبيتي/ صح بدنك ولا هنت

شكرا لمرورك

[الطوفان]

الحكايه ومافيها طويلٍ مداها= سردها سردها يحتاج عدة ليالا

الكوراث كبيره والعرب من خطاها= والمصايب على اهلها حمولا ثقالا

[الطوفان]

ابوفهد الثبيتي

هلا وغلا

مرورك اسعدنا

تحياتي

[صامل الغنامي]

كل ماجرلي دلو تقطع عراها= والظما حدني على هذاك وهذالا

يارجال تضيق نفوسها من خلاها = الوصايف تشابه والطبايع تحالا

[متعب العتيبي]

ابو عبدالرحمن

صامل الغنامي

صح الله السنتكم

طاروق ممتاز ورائع

واصلبوا متابعين لاهنتوا



اخوكم ومغليكم

[الطوفان]

انت عقلك براسك ثم تعرف نحاها=والعرب ماتبا الا حكمها بالعدلا

ماتضيق النفوس الا من اللي حداها= مار وين القراح اللي شرابه زلالا

[الطوفان]

ابورشيد

اررررحب
يالله انك تحييه
متابعتك تشرفنا

تحياتي

[شاعر الشلالحه]

سلمتو
الطوفان====صامل

متابعين لاهنتو

تقديري

[صامل الغنامي]

كل عين تعاين فوق نسحن دواها= صاحبك مثل مانت بخابره لايزالا

المجامل خلص والحرب دارت رحاها= كل غلطه تسويها عليكم وبالا

[صامل الغنامي]

متعب العتيبي// هلا وغلا يابن العم

شكرا لمرورك

[صامل الغنامي]

شاعر الشلالحه / ونعم بالشلالحه وشاعرهم

كفو كفو 0 متابعتك تشريف لاهنت

[سيف قحطان]

السلام عليكم

مساكم الله بالخير جميع


اعتذر عن الانقطاع والتاخير

وصح لسان الشعار

الصامل وابو عبدالرحمن

سجلوا اعجابي ومتابعتي

[الطوفان]

البلا في العيون اللي ضربها عماها= مانباها بيمكن ياولد واحتمالا

مانحب الغلط وان جات عندي جزاها= ننزع القلب منها والكلى والطحالا

[صامل الغنامي]

سيف القحطاني // هلا وغلا ياولد الشايب

شكرا لتواجدك لاعدمناك

تحياتي

[الطوفان]

شاعر الشلالحه

حييت وحيا مرورك

تحياتي

[الطوفان]

سيف قحطان

هلا ومرحبابك

معذور وانا خوك
للظروف احكام

تحياتي

[صامل الغنامي]

ابن عمي يدورها وتوه لقاها= نعرف الي بقلبك مير خل الموالا

حرب ماهي سياحه ياصبي نصاها= والغلط مايجيك ان كان ماله مجالا


يعطيكم العافيه

الاداره

[الطوفان]

ابن عمك يثمن كلمته واحتماها=وانت ماكن لك فيها جواب وسؤالا

مانبا حربها لن كان ربي هداها= مار لاتنفعل وتضيع في الانفعالا

[شاعر روق]

الله الله الله

هذا ليل شعار يستحقون المتابعه
وان كان الصف واحد ولكن هذه المره
سيكون طوفاني هههههههههههه

واصلوا فما زلنا متابعين

تقديري

[صامل الغنامي]

والله انك خطير وجبتني في حراها= واستغليت تصريحي بكل احتيالا

ربك الي عليم بالقلوب ونقاها= خل عنك العلوم وخل كثر الجدالا

[صامل الغنامي]

هلا والله يابو سعود المهم هو تواجدك يامشرفنا

بعدين السارفه هذا ماهو بحاجة صف0 تعال جاي خله عنك

تحياتي

[شاعر روق]

هذا ماغار انداريه نبا نفتك منه ياصامل
مبداه دايماَ ان لم تكن معي فانت ضدي
ههههههههههههههه

[الطوفان]

والله اني صريح وعارفٍ وش وراها= مار فتح عيونك زين يابن الحلالا

نعرف البندق اللي ثورت في خباها= ثورت في خباها يشهدون الرجالا


صح السانك يالطوفان

وصح السانك ياصامل

فواز الشيباني

[الطوفان]

ايه ايه
يابوسعود
شايفني مجنون اتلقى الخليان
الا ليتني افتك نفسي منكم
تحياتي

[صامل الغنامي]

عاد يابو سعود تورطوني معه ورى
ماعلمتوني انه زراديه ليا مسك الشاعر
مايفكه لين يستسلم00 الله يسامحك بس

[ابن مسلم]

الطوفان

صامل الغنامي

مساكم الله بالخير أنتم والربع الموجودين أثركم هنيا وانا ليلي كله وانا أعدي ماخليت قصر أفراح ماجيته أدوركم ماعلمتوني على العموم مسموحين ههههههههههههههههههه

[الطوفان]

ماقول ياصامل
الا
يابخت المظلوم بالجنه
هههههههههههههه
تحياتي

[الطوفان]

ابن مسلم

يالله انك تحييه

يارجل العنوان واضح والطريق معبد
وش اللي خلاك تدور من اول وحنا ننشد عنك
مار الله يحييك مرة اخرى

تحياتي

[صامل الغنامي]

أنت مجنون شاعر روق جنك رأها = ويحسب المشرف عن أربع شهود عدالا

الأحاديث مكذوبه من الي رواها= جابها الي من الدارين شد الرحالا

[صامل الغنامي]

أبن مسلم // حي والله هالراس

المحاوره تو بدت والخير باقي

أمسك الصفوف وازهل أبو عبد الرحمن
ليله ليل أسد

[شاعر روق]

عانه يبا يحضرهم لك هالحين ياصامل
عسى الله يعينك علاه ويعيني
هههههههههههههههههههه

[صامل الغنامي]

حنا بلشنا فيه لحاله كيف ليا جابهم

أنت بس لاتغط النور يابو سعود

تراه بيجحد هالحين0الله يكفينا شره

[الطوفان]

يمكن انه حلم له حلم ووحى وحاها= نومة العصر قشرا عند وقت الزولا

البخاري رواها وابن مسلم مضاها= واصبحت ثابته في الكتب ياهملالا

[الطوفان]

والله لن كان في واحد

انه فيك ياصامل انت وشاعر روق كل واحد عشره
ههههههههههههههه
مار لاتخلون القلم مرفوع عني وبعدين تصير علوم

تحياتي

[شاعر روق]

اي والله صدقت اللي مرفوع عنه القلم مااحد يشره علاه
وانت نبا نشره علاك لقيت لك تصريفه يابو عبد الرحمن
ههههههههههههه

[صامل الغنامي]

رحت فيها ياطوفان وبلشت بغثاها=بين نار وبحر والجرف تحتك هيالا

البخاري ومسلم كتبهم ماقراها = صاحب الهرجه الي ماعليها اتكالا

[الطوفان]

ههههههههههههههه

وش اسوي لابد من مخرج
صامل جايبك شاهد مادري وش انت قايله
مار هين هين الليال طوال

تحياتي

[صامل الغنامي]

فواز الشيباني صح بدنك

لاهنت يابن مشيب

شكرا لتنسيق الرائع

تحياتي

[الطوفان]

اخي :صامل
كم انا سعيدا بالمحاوره معك والاستفاده
من جزالتك وشاعريتك فهذه اعتبراها من
ليالي الافراح التي وجدناك بيننا ابن عم عزيز
على نفوسنا
لك مني كل الود والمحبه
ولي الفخر بوجود شاعر
بحجمك بين ابناء عتيبه كافه
اتمني لكل دوام الصحة والعافيه .
وتقبل فائق تحياتي

[شاعر روق]

بيض الله وجيهكم ياربعنا ماقصرتوا
ابدعتوا ولنا الشرف بوجود شعار مثلكم
خلقا وجزاله ورجوله
تقديري لكما ولكل من تابع وشاهد وعلق
اخوكم

[الطوفان]

صح لسانك يافواز
اسعدنا حضورك

تحياتي

[صامل الغنامي]

أستاذي أبو عبد الرحمن // أشكرك من كل قلبي لتواضعك الجم ولمجاملتك معي

وأسف لو تعبتك معي وأكرر شكري الجزيل لمقامك الفخم

تحياتي

[صامل الغنامي]

مشرفنا الغالي أبو سعود // شكرا لتشجيعك المستمرولتواجدك الدائم

وبيض الله وجهك ياشاعر روق سجل إعجابي وفخري بشخصيتك المميزه

تحياتي وتقديري واعتزازي بشخصك