سلام يا عتيبه

[سيف قحطان]

مساكم الله بالخير جميع



على منتدى العتبان مني تحيه=سلام عدد همال برق الخيالي

انا ادور لراعي العلوم الطريه=يعد السوالف مثل نقد الريالي

[شاعر روق]

سيف قحطان اهلا وسهلا بك في محلك
وحياك الله وصح لسانك والشعار كثيرين وبيرد الطارف منهم
والا ودي باللعب معك بس قد بدعت طاروق والفارق دقيقه بيننا
وازهل الصفوف لاتشيل هم
تقديري

[سيف قحطان]

تسلم والله ولا يسلم ردي العزايم


وجودك في الصف يكفي

والليالي بحبالا بالايام وانشاء الله نلتقى على خير انا وانت

وطارفكم سديد يا عتيبه

تقبل وافر تحياتي

[أبوزيد الهلالي]

هلا مرحبا واقلط على الشاذليه=وهات السوالف عقب صفر الدلالي
ليا جبت علمك عندنا علم زيه=نجيب الاجابه لا طرحت السوالي

[شاعر روق]

ياسلااااااام ياسلاااام
واصلوا ياشعار وامتعونا بابداعاتكم
تقديري
اخوكم

[سيف قحطان]

الله الله

صح لسانك يا موج البحر واعتذر منك برد على بوزيد لانه الاول

واستلم يا بو زيد لاهنت



يدوم البقا يالقرم راعي الحميه=ولا يهون موج البحر نبغى الهلالي

ابو زيد عايش ياعرب كيف ذيه=وانا احسبه ميت من قديم الليالي

[سيف قحطان]

ارحب يا شعار روق

يشرفني حضورك ومتابعتك

[موج البحر]

لاهنت ياسيف واصلوا وانا متابعكم

[الطوفان]

سيف قحطان صح السانك

وابوزيد الهلالي صح لسلنك

محاورة كبار ومتابعينها بشغف

تحياتي

[سيف قحطان]

الطوفان


ارحب رتاحيب البدو بالسيل

شهاده افتخر فيها من شاعر له مكانه في قلبي


تقبل وافر تحياتي

[أبوزيد الهلالي]

بعد جيت وش عندك هنا من قضيه=تفضل وهات اللي طرى ياحلالي
ابو زيد ميت من على الجاهليه=وانا افعل سواته ياكريم السبالي

[أبوزيد الهلالي]

شاعر روق مرحبا الف نورت الصفحه
تحياتي

[أبوزيد الهلالي]

الطوفان اتتشرف بوجود شاعر بحجمك
تحياتي

[أبوزيد الهلالي]

موج البحر هلابك
تحياتي

[سيف قحطان]

الله اكبر


قضيه كبيره كبر هضبة طميه=وعطني جوابك يا بعد كل غالي

من اي الدير ملفى تسوق المطيه=وابو زيد مسلم بس فيكم جهالي

[أبوزيد الهلالي]

ياراع القضيه مامعك مخبريه=لكن عود لعمك ترى الوجه غالي
من عتيبه الهيلاكما النار حيه=نهار انت تزبن في الحصا والجبالي

[سيف قحطان]

الله اكبر



ابو زيد هذا ما يشابه سميه=هنا فرق واضح بين فعل ومقالي

ونعمين يا عتيبه رجال قويه=تناطح جبال(ن) والجبل ما يبالي

[أبوزيد الهلالي]

هذا رايك اللي مايشرف حليه=كما راي من تكحل بكحل الدلالي
تسميت بالعالم ياراع الاذيه=وهذي كبيره يالقريب الموالي