بدا المشوار

[مرضي القيفان]

بدا المشوار نار وغار لو كان الهـدف مرسـوم"="
يعاند درب جاله كرب ليله مع طريقـه طـال

بنى مجد وسهر وجد وبقـى فـي ليلتـه منجـوم"="
غريب اطوار يصر اصرار بين اقوال معها افعال0

دخل سوقه لقا عوقـه يبيـع ويشتـري ويسـوم"="
كسب ماذا خسر هذا ولو صرف الريال اريـال

وقد شمعه نثر دمعه مسيـرة درب ليـل ويـوم"="
صدق عهده وفا بوعده صحيح ان الرجال ارجال0

صدف خيفه شهر سيفه تنبـه صـار حلـم بنـوم"="
قوي الزند وقت الجد ما يخشـى مـن الابطـال

حديد الشوف خفا ملهوف خافي سـره المكظـوم"="
حفل حفله على غفله لكن تحت القـدم زلزال 0

كظم غيضه وجا فيضه ولو كابر قـوى اعـزوم"="
شرب صافي وهو وافي ولا يقبل مـن العـذال

عطا غيره من السيـره صفاهـا قـدره المحتوم"="
زرع سدره عرف قدره ويسقيها علـى الاطـلال0

عطا كفه واخذ كفـه وصابـه سهمـه المسمـوم"="
زفر حره من الجمره خفايا النفس مـا تنطال

سنا الفضه ومض ومضه عن الماء والكلام يصوم"="
يشوف البرق عِرف الفرق يشرب صافي الشلال0

رقب نجمه نفذ سهمه ولا يحـذر مـن المقسـوم"="
فهم فهمه على علمه يـوّف الكيـل لـو يكتـال

مشى حافي ولو طافي بقى مـن حيرتـه مهمـوم"="
سكن ليله مواويله ويعزف للدجـى المـوال

من اللهفه نسى عطفه محاجر عين فيهـا غيـووم"="
نزل قاطر من الناظر ويقراء سـورة الانفـال

[همسات الليل]

كظم غيضه وجاا فيضه ولوكابر قوي اعزوم
شرب صافي وهو وافي ولا يقبل من العذال

صح لسانك ....ياشاعر الحكمه..يامرضي القيفان


ارضيت قيفانك... وارضيت جمهورك...بصافي القصيد


صح لسانك ولا هنت اخوي


اختك

همسات الليل

[العبيريد]

صح لسانك يامرضي القيفان


دائماً تعتلي الصدارة في كل قصائدك


نهني المنتدى بك




اخوك العبيريد

[مرضي القيفان]

الاخت / همسات الليل
اشكرك على المرور والتوقيع
على هذه المشاركة0
وكذلك اشكرك على هذا الاطراء


تقبلي تحياتي وتقديري



اخوك / مرضي القيفان

[مرضي القيفان]

الاخ / العبيريد
اشكرك اخوي على المرور والتوقيع
على هذه المشاركة 0
كذلك اشكرك على هذا الاطراء




تقبل تحياتي وتقديري

اخوك مرضي القيفان