مطلوب شاعر روق

[ابو فهد الثبيتي]

شاعر روق مساك الله بالخير
انت والرجال الطيبن
واستلم


انا ثبت توقيعي وزعلو معظم الشعار= وزعلهم يوم عدينا الحقيقه واسر ياساري
ياشاعر روق الك عند الثبيتي حشمه ومقدار= ورجلن مايباني في حريقه واسر ياساري

[شاعر روق]

هلا والله يمسيك بالخير يابو فهد
والساعه المباركه اللي نشوفك فيها

ليا منه زعل يضرب براسه في حصى وجدار=كلام الصدق ماشيٍ يعيقه واسر ياساري
ولك عندي معزه يالثبيتي صفوةالاخيار=ومن يكرهك حنا مانطيقه واسر ياساري

[سيف قحطان]

الله الله


صح لسانك يالثبيتي وصح لسان شاعر روق

سجلو متابعتي واعجابي

[شاعر روق]

سيف قحطان

اهلا بك وبمتابعك

تقديري

[ابو فهد الثبيتي]

الله يبارك فيك ياشاعر روق

وبيض الله وجهك بياض كلن يشوفه

ورد وفا وبيتين تكفي عن المحاوره كلها
واستلم

ترانا صف واحد كلنا ياوافي الاشبار =وربعي مالهم في الصدر ضيقه واسر ياساري
يقولون العرب ماتصفق اليمنى بدون يسار=وترى مال الرفيق الا رفيقه واسر ياساري

[الطوفان]

ابو فهد الثبيتي.........وابو سعود

طاروق كايف وشعار كبار

متابعين لاهنتو

تحياتي

[شاعر روق]

ووجهك ابيض يابو فهد
وشهادتك اعتز بها وانا ما قلت غير الصدق



ومن يشقر عصانا جعل يصلى في لهيب النار=يموت من الضما مابل ريقه واسر ياساري
كلامك صدق مابه زور لكن الزمن دوار=طلع ناسٍ يحبون السريقه واسر ياساري

[شاعر روق]

ابوعبدالرحمن
هلاااااااااااااااااومرحبا

وشهادتك من تواضعك ياغالي

تقديري

[ابو فهد الثبيتي]

ترى جسمن بليا راس مايسلم من الاخطار= وانا عندعلى قولي وثيقه واسر ياساري

عسا المخطي ليخطي في خطاه يقدم المعذار= وعتابه روس مافيهم لفيقه واسر ياساري

[ابو فهد الثبيتي]

سيف قحطان حياك الله وصح بدنك يالغالي

[سيف قحطان]

مرحب باقي يا بو فهد

ومازلت متابع للابداع

تقبلوا وافر تحياتي

[ابو فهد الثبيتي]

ارحب يابو عبدالرحمن
وشاعر روق دبلماسي
وحكيم الله يعطيه العافيه وبحكمته
ضيع اللي في صدري كله

[شاعر روق]

ترى عضوٍ يجي فيه المرض ينقص بالمنشار=ولو هو راس وجروحه عميقه واسر ياساري
تقوله مير من يفهم كلامك من هذاك الدار=قلوبٍ في خطاياها غريقه واسر ياساري

[ابو فهد الثبيتي]

ليا طاح الجمل ياهون تقطيعه على الجزار= وقوم الحقد في المرقب مويقه واسر ياساري

واناماهمني في الوقت لاعامرولاعمار=نبانقضي علاهم في دقيقه واسر ياساري

[ابو فهد الثبيتي]

شاعر روق الليل طرف
وقافيناصلاة الجمعه
ودك نكمل الطاروق بعدين
والا الختام منعندك

[شاعر روق]

وانا ادر ان المعادي من ورى سد الشفا سبّار=لكن اقرب قريب اصبح صديقه واسر ياساري
على يمناك اخذني سيف في وقت اللقا بتار=تهاب عداك لاشافو بريقه واسر ياساري

[شاعر روق]

ابوفهد الله يقوينا واياك والجميع على طاعته
وتصبح على خير

[ابو فهد الثبيتي]

وانت كذلك تصبح على خير

[فواز الشيباني]

ابو فهد الثبيتي..وابو سعود

طاروق كايف وشعار كبار

الله يعطيكم العافيه

[إبن ثعلي]

ياسلام على الشاعرين محاوره رفيعه من شاعرين متمكنين شكرا لكما
تحياتي