طااااااااااااااااروق خفيف واللي يلعب الله يحيه

[سيف قحطان]

السلام عليكم

مساكم الله بالخير



في محل العزوه اللي لها قدر كبير=ياسلامي والمعاني فتحنا بابها

وين بلقى لي على العرف رجال شطير=وان لفته السالفه ما يهتك حجابها

[البحررر]

صح لسانك ياسيف وننتظر احد الشعار

[الطوفان]

وعليكم السلام والله يمسيك بالخير


عند عزوه مالها في البلد ند ونظير= مرحبا بالعزوه اللي عريب انسابها

ياولد قحطان تبشر وتلقى كل خير=سير في معناك وقرأ وهات كتابها

[متعب العتيبي]

الله الله سيف قحطان وابوعبد الرحمن
واصلوا وعلى القوه لاهنتوا

متابعييييييييين

[شاعر روق]

سيف قحطان وابو عبدالرحمن
مبدعين وبدايه رايعه
معكم متابعين الى الرمق الاخير

تقديري

[بنت* عتيبة]

صح لسان الشاعرين

سيف قحطان

الطوفان

واسمحو لي بالمتابعة

[سيف قحطان]

ارحب يا الطوفان واتشرف باللعب معك

كل مر عناق هذه المشاركه وتابع هذه المحاوره ارحبووو ترحيب البدو بالسيل مشكورين على التواجد واسف على التاخير



البقا يا شاعر رحب ورده خطير=وافي والكلمه الخايبه ما جابها

انت يا الطوفان فاهم وفي الدعوى خبير=وسلعتي لا جبتها ما خسر جلابها

[الطوفان]

هلا وغلا ياسيف واللعب معك يسعدني لاهنت
استلم


انت راعي الطيبه ماانت معدوم الضمير= مار انا ابى اعطيك حسبه وصف حسابها

ماعلاكم زود والخار في الديره كثير= ماتساق الدله الا على شرابها

[الطوفان]

ابو رشيد
ارررررررررررحب
اسعدني مرورك
تحياتي

[الطوفان]

ابو سعود

حييييييييت يالغالي

متابعتك ومرورك تسعدنا

تحياتي

[الطوفان]

بنت عتيبه

صح بدنك

تسعدنا متابعتك

تحياتي

[سيف قحطان]

الله الله

استلم


ما نوردها على العد بالحبل القصير=وان حسبنا يالعتيبي نوفي نصابها

ابحروا يا اهل السفيه مع البحر الغزير=والعقول الراشده ما تزل اصحابها

[الطوفان]

مانذم اصحابنا وانت يالوجه السفير= تعرف التاريخ واهل الحسوس ادارابها

البحر حنا وردناه لان اصبح غدير= نارده بمسلبات طوال ارقابها

[شاعر روق]

ياسلااااااااااااااام
هنا سيكون للمعاني وجود
سروووووووووووووها
متابعين

[سيف قحطان]

الله الله



دارس التاريخ والعلم واضح للبصير=والسنن يا صاحبي مثبته واقرابها

ماورتوا العد حتى ورد معكم خشير=تلقمونه لقمته لين ساق ركابها

[سيف قحطان]

يالربع ردي يطول ولا لا اشوف اخر مشاركه باسم شاعر روق ولما افتح احصل ردي هو الاخير

[الطوفان]

السنن دارت علاكم رحاها تستدير= لين نجد ابعدت عنها وعن محرابها

ماورد معنا ياكود المهند والامير= مع رجال عتيبه الي طوال اشنابها

[سيف قحطان]

الله الله

استلم




الله واكبر كيف تنسون فزعات الوزير=يوم جا من تركيا مشهرن احرابها

الامير اللي تقوله خوي ولا قصير=يا وسيع المعرفه ناشكم نخلابها

[الطوفان]

انت قمت تلفها وانت رجالٍ بصير= الامور موثقه قصةٍ يحكابها

الامير اميرنا يوم خلاكم فرير= بعد غرتك الكباره حصدت اسبابها

[سيف قحطان]

الله الله

استلم


يالعتيبي بنشدك كم وكم سقتوا البعير=وانت عارف مقصدي كلمتي وخطابها

من هو اللي راح يم الحجاز ويستجير=ومن هو اللي تفتخر به نجد واهضابها

[سيف قحطان]

اخوي الطوفان

اللعب معك متعه

والختام عندك وتصبحون عغلى خير جميع

[الطوفان]

يوم سقناها علاكم وشبينا السعير= في نهار الكون الاكبر سلبت ثيابها

ماستجرنا غير بالله والجمع الغفير= من رجال عتيبه اللي طوال حرابها

[الطوفان]

اخي سيف قحطان
اخيي فيك روحك ارياضيه
والله والنعم فيك وفي قحطان

وتقبل تحياتي

[شاعر روق]

سيف قحطان والطوفان بيض الله وجيهكم

ابدعتوا ولاغرابه

تقديري

[فواز الشيباني]

الله يبيض وجيهكم على الطاروووووووووووووووق الرائع

صح السانك ياسيف قحطان

وصح السانك يالطوفان

[إبن ثعلي]

شاعرين متمكنين ولعب نظيف اشكركم من الاعماق وشوفوني ماسك الصف
تحياتي