دمعة عيــــــــــوف

[بنت ابوها]

يطيح سهم وسهـم ترفعـه ينسـاب=قلوبٍ تعلق فـوق شاشـة حـراوي
يومٍ خسر سهمه ويوميـن كسـاب=راحـت حياتـه كلبوهـا رجـاوي
وأنا حياتي مـن بداياتهـا أتعـاب=واللـي تراكـا للمتاعـب نـداوي
ياطيري إنهض لايبيعـوك بتـراب=دوّر لجرحك ثم لجرحـي مـداوي
إكفخ بجنحانك علـى كـل هبـاب=شلعـة قوي..ولاشلـوع متـقـاوي
ياطير طاوعنـي تراالغبـن لهـاب=دمعة عيوف..ولادمـوع الجـلاوي
لايزعجك ياطير من جا ومن غاب=معاد فيهـا يـوم خابـت هقـاوي
معادفيها شور لاأقراب..لاأغـراب=عزم وعش ياطير عيشـة خـلاوي
أفضل ولاعيشتك مكسور .. منصاب=معـاد ينفـع للمواجـع سـحـاوي
تراالكرامه روس وإرقابها إرقـاب=ماتقبل العيشـه بـدرب متسـاوي
والحر لامن شام وإحساسه إرحـاب=تضيق روحه لين تصبـح شـلاوي
ماأسلاه مـوال المواليـف لعتـاب=ولايطرب جروحـه محمدخـلاوي
يزبن بروحه مع جروحه بمرقـاب=يصبر إلا صكـت عليـه البـلاوي
ياطير مالك في وطا الأرض مخلاب=إشلـع بمخلابـك لـدربٍ نحـاوي
ياطير لاتصخف على دمعة أجنـاب=تصير بالتصنيف..مشروع هـاوي
مدام لك جنحـان فإشلـع ياغـلاب=إكفـخ بريشـك لاتـدور عـزاوي
ومدام لاإسمك بإكتتابـات ينسـاب=ولاأنته ضمن جمهور فن الخـلاوي
لملم بقايـا ماتحسـه مـن أتعـاب=وإفتح بنص الليل بـاب الدعـاوي

[riyan]

تراالكرامه روس وإرقابها إرقـاب
ماتقبل العيشـه بـدرب متسـاوي صح السانك يابنت ابوه وهذي الدنيا على حاله متغيره الاسهم والغناه غناة النفس والله يعطيك العافيه اخير من الاسهم تحياتي

[فواز الشيباني]

اختي بنت ابوها

مشكوره على القصيده

يعطيك العافيه

بس ياليت توضحين هل القصيده لك او منقوله

اذا لك تنقل الي قصائد الاعضاء

[برقاوي هواوي]

صح لسانك أختي بنت أبوها

[مخاوي النشامى]

صــــــــــتح لسانك بنت ابوها
قصيده رائعه تشكرين عليها

[ابن زعام]

تراالكرامه روس وإرقابها إرقـاب
ماتقبل العيشـه بـدرب متسـاوي
والحر لامن شام وإحساسه إرحـاب
تضيق روحه لين تصبـح شـلاوي

-----
صــــــــــتح لسانك بنت ابوها

ولاهنتي

[النـايــــــف]

صح لسانك اختي بنت ابوها

وصح لسان شاعرها


ومشكوره على هذا الاختيار


تحياتي لك ،،،،