سلامن يرضي الجمهور والعزوه عتيبيه

[ابو فهد الثبيتي]

السلام عليكم ورحمة الله وبركاته
ومساكم الله بالخير جميع
هذي اول مشاركه وان شاء الله
تحوز على رضا الجميع
واستلموا

سلام الله على برقا هل الطاله وربعي روق=سلامن يرضي الجمهور والعزوه عتيبيه
اباشاعر واباتاجر يبيع ويشتري فالسوق=ويصرف من ذهب مصرور والعزوه عتيبيه

[شاعر روق]

وعليكم السلام ورحمة الله وبركاته
وحياك الله وحيا النشاما كلهم


هلا يامرحبا ترحيبةِ ترقى وتطلع فوق=وتبدي لك مباد النور والعزوه عتيبيه
وانا جيتك على حسب الطلب واللي تبا ملحوق=نبا نعطيكم الميسور والحله عتيبيه

[ابو فهد الثبيتي]

البقا يامرحب

يدوم ابك البقا يالشاعر اللي كل علمه ذوق= يروقي طيبكم مخبور والعزوه عتيبيه
ابا اسمع حالي المنطوق واعطي حالي المنطوق= ولا فيكم ياروق اقصور والعزوه عتيبيه

[المشعلاني]

ابو سعوود + ابو فهد

موعد مع الابدااع والجزاله

صح لساانكم ياشعارنا وااصلوو

وانا في صف ابو فهد ولا يهون ابو سعود

[ابو فهد الثبيتي]

ارحب يامشعلاني
وصح بدنك والصف واحد

[شاعر روق]

شهادتكم معزه يارجالٍ قولها مصدوق=ولاتشهد شهادة زور والحله عتيبيه
تفضل والمعاني سوقها يم المعالي سوق=وخلك شاعر ودكتوروالحله عتيبه

[شاعر روق]

المشعلاني
هلا ومرحبا وانا وابو فهد في الحال واحد
تقديري

[ابو فهد الثبيتي]

ياشاعر روق الك حق(ن) كبير وال الرجال احقوق= لاتطلع خارج الطابور والعزوه عتيبيه

ترى يمنا بالا يسرى ليا احتاجت يجيها عوق= ليا ضلي السلاح يثور والعزوه عتيبيه

[شاعر روق]

مادام انك تعرف الحق رجع حقي المسروق=ورد الخبل ابو دنقور والحله عتيبيه
يقولون العوارف للحقوق الضايعات حلوق=وانا في موقفي مجبور والحله عتيبيه

[الطوفان]

ابو سعود......... وابوفهد

شعراء قمه

متابعين الابداع من اهله
تحياتي

[ابو فهد الثبيتي]

غلبنا وقتنا مانعرف الصادق وراع البوق= وانا ماقوللك معذور والعزوه عتيبيه
كلامك زين واحلى يالعتيبي من حليب النوق= وانا باشور فوقك شور والعزوه عتيبيه

[متعب العتيبي]

الله الله ابوفهد وابو سعود

متابعين لاهنتو واصلو

[ابو فهد الثبيتي]

ولا تهون يامتعب
ومشكور على مرورك الكريم

[شاعر روق]

انا علمي ليا قلته تراني صادق وموثوق=لكن انته بهم مغدور والحله عتيبيه
عسى شورك يصيب ولا تميل وتتّبع(0000)=وتصبح مثلهم مهجور والحله عتيبيه

[شاعر روق]

ابو رشيد حضورك نور للصفحه
عساني مااعدمك
تقديري

[ابو فهد الثبيتي]

ليا شليت ثوبك يالعتيبي مايصير افتوق= وبنادم منهي ومامور والعزوه عتيبيه
سحاب الصيف نسمعله رعود وفيه نوض ابروق=مايسقي يابس الحنجوروالعزوه عتيبيه

[شاعر روق]

انا ثوبي على قيسي ولا به ياثبيت شقوق=ولا اكل من طعام السور والحله عتيبيه
متى يصح المغفل والقلوب الغافلات تفوق=ويفهم عمك المذكور والحله عتيبيه

[ابو فهد الثبيتي]

اباك اتذر في اعيون العداء من كحلها المسحوق= وربعك لك سند مذخور والعزوه عتيبيه
الا ياشاعرالروقه ترى دوب استوى الطاروق= اخاف ابك الزمان يدور والعزوه عتيبيه

[شاعر روق]

انا ضد العداء دايم واخلي حبها مدقوق=ومن ربعي لقيت الجور والحله عتيبيه
ليا جار الزمان الحمدلله مااسرق الصندوق=واغني به على المجرور والحله عتيبيه

[ابو فهد الثبيتي]

ترى راع الردى يضحك وقلبه بالردى محروق= وضاق بحلقه الزبزور والعزوه عتيبيه
انا سابق بعلم الطيب وانته منته اب مسبوق= وختام انقوللك مشكور والعزوه عتيبيه

[ابو فهد الثبيتي]

شاعر روق ابيض وجه
ولنا لقا قادم وتصبح على خير

[شاعر روق]

ترى راع الردى يضحك مع العالم بدون شدوق=وهو بين العرب مخسور والحله عتيبه
ونعمِ بك ولا بك نقص يوم ان الردي مفهوق=تولّى واخرب البابور والحله عتيبيه

[شاعر روق]

ابوفهد ووجهك ابيض
ونلتقي على خير وموده ان شاء الله تعالى
وتصبح على خير
اخوك

[المشعلاني]

صح لسان شاعرينا ابو سعود وابو فهد

لاهنتم على هالطاروق


تحيااتي,,,,

[بوشامه]

صح لسان ابو فهد الثبيتي وشاعر روق وبصراحه وبدون مجامله محاورتكم ممتعه ومعاني ثمينه 00000

[((الدلبحي))]

ابوفهد صح السانك وصح السان شاعر شاعر روق

يعطيكم العافيه

تحياااااااااااااااااااااااااااااااااااتي