الطوفان

[خوي السعد]

تعال يالطوفان يوم انك لمطلــــوبي جدير
----------- تعرف فنون الملعبه راعي علوم (ن)وافيه

هلت هماليل المطر والسيل غادي له هدير
----------- وليا جــــرفك السيل ماظني تشوف العافيه

[فواز الشيباني]

صح السانك وسلم بنانك

بنتظار المبدع الطوفان

متابع متابع متابع

[خوي السعد]

من قال يسلم يافواز وياليت تحذف الموضوع اللي خربه ابو شامه

[ابن مسلم]

مسكم الله بالخير جميع

وصح لسانك ياخوي السعد ................وينك يالطوفان مانت بمظرينا بتاخير

[بوشامه]

من قال يسلم يافواز وياليت تحذف الموضوع اللي خربه ابو شامه

صح لسانك شاعر مبدع بمنع الله00

[الطوفان]

جيناك والله ماتلاقي لامفر ولامطير= حتي نعرف اقصاك وتبين العلوم الخافيه

طقه على ركبتك ولينك منوخ يالبعير= وتشيل حملتك الثقيله والموارد صافيه

[فواز الشيباني]

صح السانك

ياخوي السعد

الرجاء انك تكون في حدود المحاوره ولاتتدخل في صلاحيات الاداره

[بوشامه]

صح السانك

ياخوي السعد

الرجاء انك تكون في حدود المحاوره ولاتتدخل في صلاحيات الاداره

صح والله لسانك ياالطوفان اقلب الليل خله ابيض

[ملفي العضياني]

خوي السعد والطوفان
واصلوا والصفوف جاهزه
تحياتي

[خوي السعد]

الله يجيرك من شرور الوقت يالوجــه السفير
----------- وش فيك كنك منزعج عسى مافيك اخلافيه
يظهر لك المقصود بالتفصيل والشرح المثير
----------- مانته بناقص من عميق البحر بالمغرافيه

[خوي السعد]

ملفي العضياني يالله حيه

[خوي السعد]

مرحبا يابن مسلم

[خوي السعد]

يالربع مديركم هذا علامه مغار يتهدد

[فواز الشيباني]

ياخوي السعد
أنا اتخذت الصبر مبدأونبراس ***** أما تحت والا علـى راس قمـه

مافيه تهديد جزاك الله كل خير

ولكن هناك خطوط حمراء يجب الوقوف عندها

انت رجال فيك خير بس الليله مدري علامك

ولكن يعجبني طاروقك الرائع

[خوي السعد]

والله وانا اخوك ماقلت شي يخليك تحط دوبك ودوبي
اولها محاورتي مع السروق وحذفتها وقلت من حقك
وثانيتها تفرج على كلام ابو شامه وتتركه وتهددني
مع العلم اني قلت له اصلح ولا خل غيرك يلعب واظنه من حقي
حيث ان ابيوته مكسره ورح شف وشلون رده علي الواجب الادره تدخل وتكون منصفه
مايغلط على الرجال ويوم دافع عن نفسه تجي انت وتقوله انت جاي تخرب وسلامتك

[الطوفان]

ليش انزعج مادام قدامي سفر ماهو خطير= تبا تلاقي قدم عينك نار ماهي طافيه

مانته بحر لكن وش عرضك وطولك يالغدير= انته تراك بحيد ضلع طويق ماتنشافيه

[خوي السعد]

الله عــلاك يالطوفان كفو واصلك .

[الطوفان]

فواز الشيباني

ارررررحب يابن مشيب
اسعدنا مرورك
تحياتي

[الطوفان]

ابن مسلم
حييت

[خوي السعد]

انته تحاول تفتكر نفسك وانا اشوفك صغير
------------ تتعب ولاتقدر توصّل معي للمشرافيه
ابو ك انا لازادت الدعوى ترى سيفي شطير
------------ ولياضربك ينزل الهامه مع الاطرافيه

[الطوفان]

ابو شامه

ارررحب

تحياتي

[الطوفان]

ملفي العضياني

هلا وغلا

اسعدنا وجودك
تحياتي

[ضاوي]

يسلام شعراء يستحقون التمجيد والمتابعه

لاهنتو واصلو متابعين بكل حماس

[الطوفان]

بلاك صايبك العمى والله رماك بوسط بير= والمشكله انك ماتعرف العرف والعرافيه

انته فراشه يهتويها الضوء واحرقها السعير= صحيح من سمي الفراشه في قدرها هافيه

[بوشامه]

الله صح لسانك اخوي الطوفان على هااااااالللللبيت// 000000 صحيح من سمي الفراشه في قدرها هافيه

[ضاوي]

انا في صف خوي السعد ولا يهون الطوافان

[خوي السعد]

والله لاعلمك التحدي والعذاب المستطير
------------ ماكل رجال (ن) لاوقّف يحمي الميقافيه
الله رمابك في يدي مالك مطير ولامنير
------------ لكن يا هل المنتدى هاتوا له الاسعافيه

[خوي السعد]

اسلم ياضاوي لي الشرف بوجودك في صفي

[الطوفان]

انت تحت زار الجمل تشهق وجايلك زفير= مركي علاك الموت واللي جتك منا كافيه

والله لجرك بالأذاني ثم اعلفك الشعير= واترك لطيور السماء تسفى عليك السافيه

[فواز الشيباني]

والله يالطوفان طاروووق

رائع

الله يعطيك العافيه ولاهنت

[خوي السعد]

طيب طيب اجل تباها تسذا

وانته دهكتك بالركب حتى انها جــــــــالك شخير
------------ واصبحت مرمي (ن) على البيدا بدون الحافيه
ياضايع الحيله تعالي اسقيك من كوب العصير
------------- شربه تذوقك القهر معها شــــــوي انصافيه

[الطوفان]

مانته بداهك تاج راسك جعل تدهك الحمير= من واحد لونه خضر يسرف علاك اسرافيه

مانته خوي للسعد مخلوق ماعندك ضمير= دايم معلق فمك في البزبوز ابو نطافيه

[خوي السعد]

الله يرجك رج ياللي فطحتك مثل الحرير
........................... ماينسمح خاطــــرك لين اندفك بالندافيه
انا خوي (ن) للسعد وامشي معك حتى الاخير
...................... حيثك ضعيّف والضعافه طبع ناس اضعافيه

[الطوفان]

ان كان جاك النوم ريح وانسدح فوق الحصير= واضرب بخشمك فى المراغه واركز الاردافيه

مليت بطنك مار خلك قهوجي عند الوزير= ثم انتبه واحذر تصافحني يدي نظافيه

[فواز الشيباني]

الطوفان صح السانك ياغالي

خوي السعد صح السان ياغالي

[خوي السعد]

ههههههههه
طيب طيب
صح لسانك وترى الدعوى سهاله يالطوفان
اهم شي لاتاخذ بخاطرك

[خوي السعد]

فواز حياك الله .

[الطوفان]

ههههههههههههههههه

سلمت ياخوي السعد

سامحني ترا القلوب نظاف
بس كنك ماانت غريب علي
علشان كذا حبيت اربج علاك
سعدت باللعب معك
تحياتي