القلب حول بـه طـواري وهوجـاس

[الداهوم]

القلب حول بـه طـواري وهوجـاس
عزي لمـن مثلـي تزايـد هجوسـه
سر ياقلم واكتب على كـف قرطـاس
خل الشقـي يكتـب بقايـا دروسـه
البال من كثـر الهواجيـس منحـاس
والنفس من كثر الطـواري عكوسـه
عقب الذهب ومصفصف اللول والماس
وقتي جعلنـي بيـن رمحـه وقوسـه
حدتني الدنيا على النـاس الادنـاس
اهـل النذالـه والوجيـه العبـوسـه
ياسعود مانمشي بلا حس واحسـاس
العـز خصلـه فالنفـوس مغـرسـه
الخوه الي ترفـع النفـس والـراس
احبهـا حـب العـروس لعـروسـه
والخوه الـي ماتبنـت علـى سـاس
يبلـش بهـا الرجـال ولا تحـوسـه
طاح المؤشر واعلن البنـك بافـلاس
كل(ن) من الشعـار يسحـب فلوسـه
ياسعـود ياخايـن وبايـق وبـلاس
ادعس على الخاين برجلي وادوسـه
الله ولا خـوة مقـاريـد وادنــاس
كلام مـن شـاف وتزايـد هجوسـه

[اخو من طاع الله]

صح لسانك ولا هنت يا الداهوم

[طيب الفال]

سلمت يالداهوم .... ويسلملي ها لراس ومافيه من الجزاله .

قصيدة بالفعل داهومه .

تحياااااااااااااتي


طيب الفال

[إبن ثعلي]

صح السانك يالداهوم
تحياتي

[النـايــــــف]

صح لسانك اخوي الداهوم


وبيض الله وجهك يا الغالي


ولا تحرمنا من جديدك


تحياتي لك ،،،،