مرشح العتبان بخيطان

[النابغه الجعدي]

قرر السيد فارس سعد العتيبي الترشح لمجلس الامه بخيطان الدائره
والاخ فارس سعد العتيبي لمن لايعرفه فهو من فخذ الحفاه ومراقب ببلدية الكويت محافظة الفروانيه


ورجال فيه خير ويستاهل الخير ويستاهل الدعم


وشكرا

[اخو من طاع الله]

يستاهل ولد الحافي كل خير

رشحوه يا النابغه واذا بغيت منه شي بعد ما يصير في مجلس الامه انا حاضر لك ههههه

الله يوفق كل شخص فيه خير

لكن يا النفيعي واجد الحفاه عندكم في الكويت

[النابغه الجعدي]

هههههههههههههههههه الله يخلي لنا الحفاه ويكثرهم

انا اول واحد يصوت له مبديه مايحتاج

بس انت عرفته ؟
البارح عندهم ووضعهم زين انشالله وابشرك اغلب شباب العتبان بياقفون معه

والله يوفقه

[النابغه الجعدي]

بالنسبه للحفاه قليلين مهوب واجد يمكن بالكثير عشر او 11 بيت ابو

ولاتحاتي حنا معهم مالنا غناه

[اخو من طاع الله]

لا والله ما عرفته لكن من اي الحفاه هو

[النابغه الجعدي]

من ذوي ربعي

وجماعته بالقاعيه

[اخو من طاع الله]

اهااااااااااااااااااااااااااااااااااا

يعني من ديرتنا راح اسئل عنه

رشحوه ما دام ربعه من القاعيه

[حسام هوازن]

والله ونعم والف نعم بعتيبة بدولة الكويت الشقيقة

وكلنا مع المرشحين من ابناء عمومتنا في انتخابات

مجلس الامة في دولة الكويت

وكلنا مع ولد العم فارس سعد العتيبي

[النـايــــــف]

الله يوفق عتيبه اللي في الكويت


وإنشاء الله نشوفهم في مجلس الامه

[قحـص]

الله يوفقهم ان شاء الله بس وش المشكله حاليا"

عدد العتبان المرشحين في ذا الدائرة حوالي 4 او 5 هذا الحالي لان باب الترشيح لازال مفتوح لكل من يرغب في الترشيح

العتبان هم:
1- حمود الجبري عضو سابق
2-وليد العصيمي عضو سابق
3-فيصل المسلم عضو سابق
4-فارس الحافي جديد أول مرة ينزل والله يوفقه ويوفق ربعنا العتبان

ولاكن المشكلة هي نزول واحدن من مطير ويقال له عباس ماجد بوردن وناصرالجيعان ويعتبر الجيعان من المنافسين الاقوياء لحصولة على العضوية بسبب عدم تفاهم العتبان مع بعضهم في مجلس 96

وهذا يمكنه من الصدارة بسبب عدم اتفاق العتبان على مرشحين فقط

والله يوفق ربعنا عتيبه

[اخو من طاع الله]

الله يوفقهم بس لازم تتفقون على الحافي ههههههه

[النايع]

الا ما فيه عتيبيات يرشحن انفسهن

[النابغه الجعدي]

اهلا القحص
بالنسبه للجيعان ما نزل لانه تنازل لبوردن
والمطران كلهم 180 صوت يعني حتي لو مايتفقون العتبان ماينجح
لان العتبان لهم قاعده وفوق ذلك يشترون
وبالنسبه لفارس رجال فيه خير وخادم ربعه والله يوفقه

[ولد مفلح]

كل اللي فالدائره ربعنا وبني عمنا وكلهم عتبان .. مايصير ندعم مرشح على مرشح ... المفروض

نتكاتف ونطرح المطيري ، بعطيكم نبذه بسيطه عن الدائره 14 خيطان وعن اللي حاصل فيها

سوف اتكلم عن دائرة خيطان واللتي هي تعتبر معقل قبيلة عتيبه وكل سنه يطلع لنا كرسيين اثنين

فيها .. في الانتخابات البلديه اللتي مضت هناك تحالف قديم بين عتيبه ومطير في المجلس البلدي في

دائرة خيطان والفروانيه .. وكما تعلمون ان للناخب في المجلس البلدي صوت واحد فقط لاغير فلقد كان

تحالف مطير وعتيبه .. سنه ينزل عتيبي ويدعمونه مطير وعتيبه .. وسنه ينزل مطيري ويدعمونه عتيبه

ومطير .. والسنه اللي فاتت نزل مرشح من قبيلة مطير يدعى محمد ابو ردن ولقد حظي بدعم عتيبه

ومطير .. مع العلم ان السنه اللي قبلها كان هناك مشاكل حينما كان الدور لدى عتيبه ونزل مرشح العتبان

ولم يحالفه الحظ والكل يعرف الاسباب .. ولكن لا نود الخوض فيها فنحن ابناء اليوم .. المهم نزل المطيري

فالبلدي ونجح بدعم مطير وعتيبه ، والآن بعد ماقامو عتيبه بمد يد العون لبني اخيهم قبيلة مطير .. يردون

الطيب بالنكران وينزلون مطيري في خيطان في انتخابات مجلس الامه الحالي ، والطامه الكبرى

انه اللي نازل الحين اسمه عباس ماجد ابو ردن .. ولد عم محمد ابو ردن خليصه اللي كان يطلب عتيبه

في انتخابات البلدي اللي فات وماقصرو فيه وفزعو له وصوتو له ، والحين ولد عمه خليصه ينزل علينا في

خيطان ونكر المعروف والادهى والامر انه في منتدى مطير في القسم الانتخابي يدعمون مرشحهم

علني .. ويقولون الله يوفقه وانشاءالله بينجح في ظل تشتت اصوات العتبان في الدائره لأن اللي نازل

اربع مرشحين هم : حمود ناصر الجبري ، فيصل علي المسلم ، وليد مناحي العصيمي ، فارس سعد

وكلهم مرشحين اقوياء ويسحبون اصوات العتبان ونازلين على بعض حسد .. والمطيري حظوظه مرتفعه

طبعاً هي سواد وجه في عايلة ابو ردن يوم نكرو المعروف ، لكن وين عتيبه وحميـّه عتيبه ؟؟ ليه يتحاسدون

ويعطون للخصوم فرصه ويسحبون منا كرسي وهالمنطقه منطقة عتيبه ومعقل عتيبه لايخرج نواب الا

عتبان .. تكفون ياعتيبه ويا اهل خيطان حطو حد للمهزله اللي تصير ، وانا واثق مليون بالميه ان عتيبه

لا احتما الماقف محد يجي قدامها وتعسف المصاعب والله يوفق الجميع ويوفق ربعنا عتيبه في خيطان

أخوكم / ولد مفلح

[اخو من طاع الله]

مشكور على التوضيح ولد مفلح والحين فهمنا وش صاير

[زين العتبــان]

بصراحه فيصل المسلم احسن واحد لان معروف ان سمعته زينة اما اللي يشتري ويبيع المفروض ما نصوت له لو كان ولد عمنا لان الرشوة حراااام واللي ما فيه خير لربه مافيه خير لديرته ولا شرايكم؟!!


خيطان احسن من الدايره 21 تصدقون انه 7 عتبان نازلين !! اجل من بيصوت !!

مافيه عتيبيه نازله بس انا برشح نفسي لمن اكمل 21انشالله يعني المطيريه احسن مني ؟ههه

عاد تصوتون لي يا عيال عمي ؟! ما ظنيت والله شكلكم بتكروني!:d

[اخو من طاع الله]

راح اصوت لكي يا زين العتبان مشرفه في المنتدى احسن لكي هههههههههههههه

[النابغه الجعدي]

فيصل المسلم تنكر لربعه اللي وصلوه للبرلمان وكان ينجح الطلبه مقابل انهم يصوتون له
واكبر شخص تنكر لربعه الدكتور فيصل
وبالنسبه للي يشري اصوات يحاسبه ربه وتراه يخدم معاملات اكثر من الدكتور فيصل علي فكره

والله يكتب اللي فيه خيره

[زين العتبــان]

انا مااحط بذمتي ولا اقول ان في احد معين يشتري لكن فيصل سمعتة نظيفه, وما سمعنا عنه الا كل خير وهي مسأله آراء , حسافه والله ما اقدر اصوت ولا جان حولت لدائرتكم

مشكور عبدالله عاد ودي اصير مشرفه

[النابغه الجعدي]

صوتي لسعدون حماد

ترا نظيف ويستاهل برضو

[زين العتبــان]

سعدووووون حماد ؟؟َََََ!!! عاد هذا اللي ما يمدحونه بالمرة ,حمود الجبري اعتقد زين وعلى الاقل عنده خبره في البرلمان

[النابغه الجعدي]

لا تعلـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــيق

[اخو من طاع الله]

ما شاء الله عليكي يا زين العتبان تعرفينهم كلهم هههههههههههههههههه

[زين العتبــان]

شقصدك؟ انا ما اتفلسف على راسكم هذا اللي اسمعه من ابوي واخوي وعمامي وخوالي ومن الجرايد والناس كلها

[اخو من طاع الله]

انا ما قصد شي بس استغرب تعرفينهم كلهم ما شاء الله عليكي

[ولد مفلح]

حنا لو الله يفكنا ?????? .. كان حنا بخير .. الحين يوم انها ?????
في منتدى العتبان ????? هي ؟؟ سعدون حماد شرف للقبيله ورجال كفو ومعروف والبنادم

ماهو ملاك علشان مايعصم من الخطأ كلن يخطي .. ويكفي الدليل الاصوات اللي يجيبها سعدون

ماجابها ولاعتيبي ولا راح يجيبها علشان نكون صريحين وعلى بينه رجال جايب ثالث اعلى رقم

بالكويت كلها .. وحضرت جنابه يقول مايمدحونه ، لكن وش نقول طلع ......نابر فالكويت واخذو

حقوقهم السياسيه وقامو ينزلو ويصوتون لابالله راحت الكويت .. وانا موّلم التابعيه وبعوّد للسعوديه خلاص

الكويت ما اباهاا :)

تنويه : كل مرشحين العتبان يستحقون الدعم
.. اسمحولنا على هالمشاركه الجافه .. لكن لازم

نحط النقط على الحروف وكلن ياقف عند حددده .. ياليت نشوف القبايل الثانيه كيف اتعامل مع مرشحينهم

وكيف حميتهم وكيف يدعمونه وولو انه مايسوى شي .. ونتعلم منهم

أخوكم / ولد مفلح

[ولد مفلح]

ان لم تستحي فأفعل ماتشتهي .. تذم سعدون وتقول مايمدحونه .. ياخي سعدون شررف للقبيله وحالياً يعتبر من وجهاء القبيله والناس تقدره وتحترمه .. سعدون حماد صاحب افضل ثالث رقم فالكويت تقولوين مايمدحونه
نتكلم في حق شخص مانعرف مجرد اننا سمعنا ويقولون .. والخطأ الكبير اننا نتكلم في حق مرشحينا وهم مقبلين على انتخابات ويحتاجون منا وقفه ونقول هالكلام .. ياخي كل عتيبي نازل للأنتخابات هو يمثلنا ولازم ندعمه لو انه ويش وش نسوي هذا ماقف ولازم نتحاما لإبن عمنا ..
.. انا بسلّم الجنسيه وبعّود للسعوديه ماعاد ابا هالكويت
وأخيراً اكرر : عيب اننا ندعم مرشح على مرشح وكلهم بني عمنا وربعنا

اكرر أسفــي ولكن الموضوع يتحمل من هذا واكثر لكي نصفي الشرذمه ونسجل على الاقل 3 كراسي

للعتبان هذي السنه .. لن لم تكن اربعه وانا متفائل في دائرة الفحيحيل .. بعد ازدياد قاعدتنا هناك

وانخفاض قواعد القبائل الاخرى

والسلام ختام

أخوكم / ولد مفلح

يا ولد مفلح تم التعديل في المشاركتين والاسلوب هذا مرفوض في المنتدى ارجوا اننا نعز انفسنا عن بعض الكلمات الجارحه والغير لائقه فينا خذ هذا معك انذار المره هذي
واتمنى لك التوفيق ولاخوننا وبني عمنا المرشحين في الكويت
اخوك
عبدالله الحافي

[ركوان الغبيوي]

بسم الله الرحمن الرحيم
تعليق على ما ذكروه الاخوه الكرام ولا يهونون
المرشحين الي بخيطان هم
1-فارس سعد عيد عبدالله الحافي الروقي العتيبي (عضو سابق بجمعية خيطان ومدير البلديه وليس مراقب)
2-حمود ناصر حمود العبدلله الجبري الزيادي العتيبي(عضو سابق ويخوض الانتخابات للمره الاخيره على حسب كلامه)
3-فيصل علي عبدالله العصيمي العتيبي(دكتور بجامعة الكويت وعضو في مجلس الامه المنحل)
4-وليد مناحي العصيمي(مدير مركز خيطان التخصصي الجديد وعضو في مجلس الامه المنحل)
وعباس ماجد بوردن البخيت اخوه وليس هو عضو في المجلس البلدي وشلون يفوز بين صقور عتابه الهيلا؟
والعميريه فيها ضيف الله نهار الجذع العتيبي مدير مركز السباحه في نادي خيطان.
والاحمدي فيها سبع عتبان ومنهم العضو السابق سعدون بن حماد المقاطي العتيبي ومعه سبع من نطاحت العايل ذباحت الحايل والله ولي التوفيق

[اخو من طاع الله]

مشكور يا ركوان على التوضيح الرائع

الله لا يهينك يا الغبيوي

[ولد مفلح]

اجل ياعبدالله تسمحون في ذم الرياجيل فالمنتدى ؟؟؟

[ولد مفلح]

تصحــيــــــح على بعــض الأسمــاء

2-حمود ناصر حمود العبدلله الجبري النفيعي البرقاوي العتيبي

3-فيصل علي عبدالله المسلم العصيمي البرقاوي العتيبي

4-وليد مناحي صنهات ساير العصيمي البرقاوي العتيبي

[اخو من طاع الله]

لا ما نسمح ولكن هم ما غلطوا قالوا رايهم الشخصي ولكن انت الله يحفظك قلت كلام ما هو زين بلحيل وفيه تجريح لكل .........

[ولد مفلح]

............................

لا وتذم رجال؟؟؟؟

وليته اي رجااال هذا سعدوون حمااد ياعبدالله انت فالسعوديه الله يطول بعمرك ماتدري وش هالبطل مسوي

فالكويت .. هذا حط لنا اسم في دائره ماكنا نحلم اننا ننافس فيها .. ...
...........
لا ياخوي انزل الرجال منازلها .. مايجون ناس يجرحون ويتهمون الرجال .. وفوق هذا تقول فيه ناس يشترون

حتى لو فيه ناس يشترون .. تاصل فينا......... اننا نشهر في بني عمنا وفي منتدانا ؟؟؟؟؟؟؟؟؟؟؟؟؟؟

انا تارك لك الحكم والرد ياليت تتمعن جداً بالموضوع

[اخو من طاع الله]

يا ولد مفلح الله يهديك هذا رايها الشخصي نمنع الناس نقول لا تعطونا رايكم

ما زلت اقول ان نفسي طويل يا ولد العم ما يصير يطلع منك كلام مثل هذا لا تحدنا على امور ما نبيها

راح اعدل في المشاركه للمره الاخيره

ارجوا ما نشوف غلط مره ثانيه

وانت انسان وافقة على شروط المنتدى منتدى عيال عمك لازم تحرص عليها

[ولد مفلح]

علامك علي ياعبدالله كل ماكتبت مشاركه حذفت اللي مايجوز لك .. ياخوي انا بعد بعبر عن رايي الشخصي

في اللي نكها زين العتبان .. تحرمني ؟؟

وبعدين ياخوي وش الامور اللي ماتبينا نحدك عليها ؟؟ كان قصدك الفصل من المنتدى ياخوك

ماني مترجيك واقولك لاتفصلني .. ولو فصلتني منت فاصلني من الجنـّه اللي يخليك الي

وبالنسبه للموضوع هذا انا الغلطان يومني اتكلم فيه وابيـّن لكم وش اللي حاصل علشان ماتقعون فالمحظور

وكلن يمشي الموضوع على مشتهاه وعلى عنصريته الداخليه اللي ماتودي ولاتجيب بل تقتل روح القبيله

وتثير الفتن والحزازات .. الوكاد انا انسحب من هالموضوع وياليت تقفلونه .. علشان مانشوف ردود ماتعجبنا

وان كاني مخطي يالحافي انت ابن عم وانا اقدم لك العذر ان اخطيت في شي

والسلام ختام

[اخو من طاع الله]

يا ولد مفلح انا احذف الي يسي لك اول حاجه انت قاعد تكتب اشياء ما هي زينه تجرح كل الاخوات في المنتدى
هذا كلام ينقال ( نأخذ راينا من حرمه )
الحرمه امك واختك وزوجتك
اخذ الرسول صلى الله عليه وسلم الراي من خديجه رضي الله عنها ويوم نادته الجاريه السوداء راح معها ما قال هذي حرمه مثل ما انت قاعد تنقص منهم

بعدين قاعد تكتب كلمات ما تليق بشخصك الكريم وتعاتبني تقول ليه

اتعبتني معك ما غير استر عليك واحذف وراك الكلمات الغير لائقه وترجع تكتب

ثلاث مرات اقولك الله يهديك وتعاند وترجع تكتب

المنتدى جنتنا في الارض واذا ما اعجبتك شروط جنتنا وش نسوي لك يا ولد العم

معذور يا ولد العم وانا والله ما شلت عليك ولكن واجبي اني احذف الكلام الي ما هو زين

يا ولد مفلح صدقني ما دامك في عالم المنتديات وفيه مجال للحوار والنقاش راح تسمع اشياء ما تعجبك لان الناس في طبعهم يختلفون فوسع صدرك وجادلهم بلتي هي احسن
والكلمه الطيبه تلين الحجر

الله يحفظك

[ولد مفلح]

جزاك الله خير تعيش وتستر :)

بس خلاص عقب مادخلت الصاحبيات وامهات المؤمنين فالموضوع .. ماعاد نقدر نرد

بس تراك اخطيت في التشبيه شوي

على العموم .. الله يخليك لنا وتستر على اخطائنا اجل ليه مشرف الله يطول بعمرك

وحنا الظاهر ماحنا خالصين الا القايله خلاص كلن على فاله ووجهة نظره ومن ناحيتي بجلس متفرج فالمنتدى

وآسف اذا مشاركاتي ثقيله للدرجه ذي

ودمتم سالمين

[اخو من طاع الله]

الله يجزاك خير يا ولد العم

وما نستغني عنك وعن قلمك المميز

اتمنى لك التوفيق

[قحـص]

الاخ ولد مفلح


لماذا تجادل النساء افتك منهن وانت بخير

أما بالنسبة للعتبان اللي مرشحين في جميع الدوائر

دائرة خيطان 14
1-الجبري
2-المسلم
3-العصيمي
4-الحافي


دائرة الاحمدي21

1-المقاطي
2-الجذع
3-ثنين من الرقبات
4-وفليت
5-رويس
وفيه ثنين بعد......................


دائرة الفحيحيل24

1 فهد دخيل فهد العتيبي

دائرة العمريه16

1 ضيف الله نهار العضياني

دائرة العديليه10
منصور ذعار عبدالله العتيبي

دائرة الرقه22

صالح محسن غازي العتيبي

[زين العتبــان]

اخوي ولد مفلح
انا ما غلطت في حق المرشح سعدون حماد ولا قلت شي غلط لان هذي مو اخلاقي و لاتربيتي ولله الحمد انا قلت مايمدحونه يعني النـاس يقولون وهني ما اقصد (الحريم) اللي مو عاجبينك , ولا قلت ما حصل اصوات كلنا ندري ان له قبول في الدائره ولا قلت ليش ما يمدحونه لكن كل مرشح له ناس يمدحونه وناس يعارضونه وهذا شي طبيعي ولا تقدر تمنع احد انه يعبر عن رايه (طالما تكلم بأدب وما غلط ) ,والبيع والشرا موجود بكل مكان مو بس بهالدائره,وانا ما اسمح لك تشكك بولائي لقبيلتي!,والنواب اللي مدحتهم هم ايضا عتبان ويشهد الله ان اللي تكلمت عنهم ماهم من نفس فخذي ولا قلت صوتوا لهذا ولا تصوتون لهذا
كلهم عيال عمنا والله يوفق الكل واللي بيفوزبيرفع راسنا ، لكن اخوي الكلمه اللي حزت بخاطري ..... يعني مو كوني بنت يعطيك الحق تسفه رايي والحرمه اللي مو تارسه عينك هي اللي ربتك وهي الاخت والزوجه اللي مالك غنى عنها مثل ما قال اخوي عبدالله , و(الحرمه) اللي ما ودك تصوت ومستكثر عليها حقها هي اللي راح تقلب الموازين و الكثير من المرشحين متفائلين بتصويتها ومنهم سعدون حماد

[ولد مفلح]

الله لايهينك ياولد العم ياقحص وانا والله ما اجادل النساء ولا لي حاجه فيهم وعيب اني اهرج النساء

واتباحث معهم في شؤون القبيله .. لأن شؤون القبيله يحدودنها الرجال والنساء اللي يطلعون من شور الرياجيل

عليهم السلام .. وانا تدخلت في بادئ الامر يوم شفت الهجوم على بني عمنا .. ووجب علي الدفاع عنهم وعن

القبيله لأن كل عتيبي ولد عمي ويلزمني رابط الدم والحميا اني ادافع عنه .. وحنا مانطلع عن شور علماء

الدين والمشائخ اللي فنو عمرهم في خدمة الدين ورفعة الدين .. اللي اصدرو فتاوي في تحريم دخول المرأه

المعترك الانتخابي سواء بالتصويت او الترشيح .. لكن نلتمس العذر لحكامنا وولاة الامر لأن الظغوطات أتتهم

من الخارج ظغوطات رهيبه .. المهم حقوق المرأه ماهو صدد نقاشنا .. اللي نبيه من الكل عدم ابداء رأي

او التجريح في اعضائنا وخصوصاً في الوقت الراهن لأننا مقبلين على معارك انتخابيه المفروض مانذخر عنهم

شي ونبذل الغالي والنفيس لدعمهم المعنوي والمادي .. ودمتم سالمين

وشاكر لك ياخوي ياقحص على المداخله الفعاله اللي ظافت الكثير والكثير للموضوع .. بعكس بعض الاخوان

اللي نقول الله يهديهم

ودمتم سالمين

ابن عتيبه / ولد مفلح

[النابغه الجعدي]

اخوي قحص مافيه رويس نازل بالاحمدي
والرقبات بس واحد لان يوسف من ابن نويب وليس من الرقبات

وشكرا

[النابغه الجعدي]

دعواتكم لسعدون حماد الحوت

انشالله يطلع من الفرعي لان بقي يومين علي الفرعي

[فتى الجبل]

اللي يعرف حد في دائرة خيطان..

نوصيه في(( فيصل المسلم)) فهو رجل مواقف وشجاع ولا يخشى في الله لومة لائم..

اما قول البعض عن الخدمات..
فالخدمات ما نبيها من البعض الذين شوهوا خيطان بالرشوة..أكيد عارفينهم!!!؟؟

يكفي انه كل القبائل الثانية تمدحه وتحسدنا عليه الله يبارك فيه ويكثر من امثاله...

[ولد مفلح]

فيصل ونعم ورجال متحدث .. لكن عتبان الكويت كلهم خذو منه موقف .. يوم انه يبي يضيع دائرة خيطان

ويضيع كراسي العتبان .. الرجال ماقام يفكر الا في نفسه وبـــــــــس

واهل الرشاوي يافتى الجبل .. افضالهم على عتيبه من قبل لا اطلع لا انا ولا انت .. انشد اهل الكويت

الاولين واهل خيطان خصوصاً .. من يشهد لهم بالجناسي ومن يسلفهم ومن طلعهم لمجلس الامه

ومن ومن ومن .. عتيبـــه واااااااافيه ورجاااالها ووونعم .. والله يوفق الجميع واهم شي الكراسي الاثنين

اللي في خيطان للعتبان وبس بغض النظر عن اي شي آخر

والسلام ختام

[فتى الجبل]

الحمدلله..
الله ما حدنا على أحد في الجنسية..
عمي الله يطول بعمره ويحفظه كان ممن يوزع الجناسي على العتبان..
وممن جاله بندر بن سرور وكان بيتجنس لكنه استعجل ورجع للمملكة..
وليت وليد مناحي العصيمي يطلع مثل عمه ناصر العصيمي..
وعتيبة واااااافيه..

ومن قالك ان قلة الدوائرتقلل فرص عتيبة..
بالعكس فكثير من المرشحين مثل سعدون حماد و فيصل المسلم وباسل الراشد(قول مو عتيبي بعد؟؟!) وغيرهم ياخذون أصوات كثيرة من غير عتيبة..

فتجملوا وعطوا الناس أصحاب المواقف..

ثم تعال..
وشلون تقول الأهم الكرسي يكون لاثنين بغض النظر عن اي حاجة..
إذا انت ترضى أن تعرف دائرتك بالرشوة والمكر والخداع حتى فضحتنا بين الخلق فغيرك ما يرضاها لنفسه ولقبيلته..والحمدلله أن امثال فيصل المسلم موجودين وما خلوا لغيرهم الجو..

تحيااااااتي

[ولد مفلح]

انا اتكلم يمين وانت اتكلم يسار .. صكر الموضوع ،،، من بدايته مبين انه عقيم
والسلام ختام

[المناصر]

بسم الله الرحمن الرحيم
الموضوع يا اخوان ان لكل ناخب الحق باعطاء صوتين فقط ونزول اكثر من مرشح عتيبي ليس من مصلحه العتبان ورجاء حار ان يتم اختيار مرشحين فقط يمثلون قبيلة عتيبه بعيدا عن المصالح والحسد والدعم الخارجي
عفوا الحكومي لاسقاط احد المرشحين وهو الدكتور فيصل المسلم صاحب المواقف الاسلاميه ومحارب الفساد بانواعه المالي والقيمي كعادة ابناء عتيبه لايرضون بالظلم.
اللهم وفق ابناء عتيبه في الانتخابات وان يصل الاصلح اللهم امين

[متيم عتيبه]

المنــــــــاصر تحياتي لك لقد وضعت يدك علي الجرح :rolleyes:

تمنياتي لمرشحين عتيبه التوفيق دون استثناء:cool:

[اخو من طاع الله]

الله يوفقكم وشدوا حيلكم يا اهل الكويت وبيضوا وجيهنا تراني كل خميس وجمعه وانا عندكم واعتبر نفسي منكم

[النابغه الجعدي]

حياك الله يالحافي

نشيلك فوق روسنا ياجبل

[اخو من طاع الله]

راسك مرفوع يا ولد العم ومخبور عندنا بارك الله فيك

[النابغه الجعدي]

قربت الانتخابات

والله يستر

[جراح]

مساء الخير ياشباب ... والله ما ودي أعلق لكن ماحدني غير بعضكم اللي قام ينشر الغسيل ويطعن في بعض المرشحين ويزكي بعضهم ياجماعة اتركوا الانتخابات وأهل مكه أدرى بشعابها والناس ماهي ساذجه وتعرف الطيب من الردي وصناديق الاقتراع هي الفيصل فالنهاية لكن شوفوا حالكم وشوفوا كم عتيبي طلع فانتخابات الدوادمي وعفيف وغيرها اللي هي تعتبر معاقل عتيبه ومن طلع فيها من مرشحين البلدية . ولامنكم ضبطوا حالكم هاك الحين نسمع من تزكون ومن تشوفونه ما يصلح ....تلغفكم :)

[حسام هوازن]

الانتخابات في الكويت اعتقد انها على وشك البدء

وانشالله مرشحينا من اولاد عمنا من عتيبة

دائماً الى الامام وانشالله نشوفهم جميعاً في مجلس الامة

[بوفيحان العتيبي]

الا ما فيه عتيبيات يرشحن انفسهن

انت ما عندك لا غاريه ولا مروه ومسفهن علي وجهك رماد يا قليل الحيا