لاضاق صدري والفضا بناظري ضاق

[فهد الدعجاني]

لاضاق صدري والفضا بناظري ضاق=وزادت همومي واظلمت كل دنياي

ولانمت من كثر الهواجيس والاقلاق=اضرب على الكفين واقايس الراي

تجمعت الافكار والجو لي راق=ومع ابيات الشعر والليل مسراي

اقطف من ورد الشعر كل مالاق=قلايد تغلى على كل شراي

يطرب لها اللي مرهف الحس ذواق=مهداه للي عارفن كل معناي

اللي جمع طيب المزايا والاخلاق=يدلني لاتهت بالدرب ممشاي

مرزوق ابن صواغ ذكي ورماق=هو الرفيق اللي اخليه يمناي

اشكي عليه من المحبه والاشواق=ونار الهوى اللي تحرق القلب واحشاي

اللي ملك روحي وللقلب ****************=ليا بغيت اجيه ماسارت خطاي

ذكراه مع نسمة الليل تنساق=اشتاقله واخشي من عداه واعداي

اخاف ابو وجهين ولسان مذاق=يعمل عوايق دون قصدى ومشهاي

يكسر كلامي ويتشدق بالاسواق=ويقول لا ما صار ويخيب مناي

ولاغيركم يابن العزيزين الاطلاق=ابدي عليه الحال واقول شكواي

جولت بالدنيا ولفيت الافاق=ورجعت ماحصلت شي بمسعاي

ماشفت من يصبر على يبس الارياق=وطويت عن كل المواريد انا رشاي

اخوكم

فهد الدعجاني

[ابـو سعـود]

صح لسانك ياولد مفلح على هذه الرائعه

سجل اعجابي بمشاركتك وبحضورك المميز :)

[ރسلايـل المجـدރ]

صح السانك