السلاح النووي

[الطوفان]

مساك الله بالخير يابوسعود انته والربع جميع



يابو سعود الحرب قامت بالسلاح النووي= والناس ماتت من حرارتها ومن دخانها

الجرو ينبح في مراح البدو والذيب يعوي= والارض خليت من مساكنها ومن سكانها

[ملفي العضياني]

ياسلااااااااااام يالطوفان وابو سعود قريب
الليل الليل

[شاعر روق]

الله يكفينا شرك يااحمدي نجاد
هههههههههههههههههههه
سلاح نووي ههههههههه




ان كان ماتت حيل ربي ياولد عمي قوي=ماقلت ولّو داركم يااصحابنا سرقانها
والجرو يالطوفان من ضرب العصا يصوي صوي=والذيب قدمك والديار الشهب تجفل ضانها

[سيف العتيبي]

ياسلام سلم على اللعب الكايف ياسلام
واصلو ونا في صف شاعر روق ولا يهون الطوفان
تحياتي لكم

[شاعر روق]

ملفي

هلا وغلا حضورك مطلوب

تقديري

[شاعر روق]

سيف العتيبي
ياهلابك ووجودك في صفي مكسب لي
تقديري

[الطوفان]

هههههههههههههههه يعني شيعي هاه اشهدو يالاد روق
رايح تبرك للحق ولا تثبت ههههههههههههههههههههه


شفت السماء غير السماء والنجم ابوذيل يهوي= والارض تفقد جاذبيتها بكل اركانها

انا معانيه بعيده وانت في الطرقه خوي= افطن لاتخلفها علي ويختلف عنوانها

[شاعر روق]

هههههههههههههههههههههه
لا بس تقول ان فيه سلاح نووي ولازم نجيب لك لجنة تفتيش دوليه


الله يستر لا يطيح النجم فارضَ مستوي=حتى العرب تامن وتلقى العيش وسط اوطانها
هات المعاني هاتها وان كان ماجالك ضوي=خاويت غير ك والمعاني مااختلف ميزانها

[فواز الشيباني]

الله الله

صح السان يالطوفان

وصح السان شاعر روق

[الطوفان]

هههههههههه الامعصي تفتيش>>>>>>هذا اللي بقي هههههههه



عساك تستدرك خطرها ولخطرها تحتوي= قدام لاتاقع على روس العرب واعيانها

البرق يبرق في السماء والرعد جايله دوي= وانته تسير في البلد ماكن شانك شانها

[شاعر روق]

فواز

ياهلا ومرحبا وصح بدنك شرفتنا بحضورك

تقديري

[صنهات القمع]

صح لسانك يالطوفان *** وصح لسان شاعر الروقه

استمرو بهالطاروق الكايف والله يستر من النووي



وانا بصف راعي السلاح النووي
ولا يهون شاعر الروقه

[فواز الشيباني]

اخي شاعر روق

وجودك انت الشرف

[شاعر روق]

هين هين تبا تعيي هالحين وترضخ لاوامر الامم المتحده وعلى راسهم كوفي عنان
ههههههههههههههههه



ماني برب الناس ياللي بالمخاطر مكتوي=وذنوب خلق الله تراها دمرت بلدانها
البرق يبرق في السما والنار عندي مجذوي=وانا ادعي ان الله يكشف عن سماك امزانها

[الطوفان]

فواز الشيباني
مرحبك وبمرورك
تحياتي

[فواز الشيباني]

ماني برب الناس ياللي بالمخاطر مكتـوي *******وذنوب خلق الله تراهـا دمـرت بلدانهـا
البرق يبرق في السما والنار عندي مجذوي ****وانا ادعي ان الله يكشف عن سماك امزانها

اشهد انك شاعر يامير المنتدي

[شاعر روق]

صنهات القمع
يهلا بك ومرحبا وصح بدنك
ووجودك في صف ابو عبد الرحمن تسنه في صفي
تقديري

[شاعر روق]

ابن مشيب والله ان شهادتك انها وسام على صدري
وانها فخر لي عساني مااعدمك

[الطوفان]

ملفي العضياني
المعذره يابن العم
حياك الله ويسعدنا حضورك

[الطوفان]

سيف
اررحب
والصفوف وحده
تحياتي

[الطوفان]

صنهات القمع
هلا وغلا
وسلملي على نفسك وعلى ربعنا الغنانيم
وخص بالسلام ذوي حمد
تحياتي

[متعب العتيبي]

ابو عبدالرحمن وابو سعود

صحت السنتكم

طاروق كايف واصلوا ترانا متابعين


لاهنتوا


اخوكم ومغليكم

[الطوفان]

مانته برب الناس لاكنك مع العالم لوي= تتبع سياسة جيب ود وفرقوا لحيانها

شبيت نارك مير في نارك تبا تشوى شوي=اليوم قوماني وقبل العام من عوانها

[الطوفان]

متعب العتيبي
هلا وغلا
من طول الغيبات جاب الغانيم

الله يحيك وسعدنا بوجودك
تحياتي

[شاعر روق]

اثرك ظالم مانت بين الناس رجالِ سوي=وام الكباير صرت خادمها وصرت لسانها
وانا عدو اثنين والاثنين منقاش خلوي=والزند يالطوفان ماتقدح بلا صوانها

[شاعر روق]

ابو رشيد ياهلا والله بها الطله
حضورك نور
تقديري

[صنهات القمع]

واحتمى الوطييس بين شااعريناا والصفوف في حاله استنفاار


الليل الليل ياراعي السلاح


استمروا ولكم كل تقدي واحترام

اخوكم

[الطوفان]

مادام وانك صرت خادمها علامك منطوي= ترفع بيارقها وترجي فضلها واحسانها

خلك معي صوب الهدف تري اشوفك منزوي= اهدافنا في لون واحد ماختلف تلوانها

[شاعر روق]

مانيب خادمها خدمها اللي سرى الليل سروي=واليا ضوتها المشكله بذت خفا جيرانها
وانته تباها بيننا سر وكلام منجوي=والا الهدف من حبة البندق على نيشانها

[الطوفان]

بغيت اعلمك الحضاره مار حصلت ابدوي= اقوله (كم هير) ويقول الذهيبه وانها

ماعاد فيها سر جاد الجرح من كثر الكوي= والمحكمه قامت تحاكم عاصمة سلطانها


تسلم يابو سعود والتغطيه من عندك
اسعدني اللعب معك وتصبح على خير

[شاعر روق]

كب الحضاره لاهلها يالراعي اللي من ذوي=هاثم عود للرعيه واستلم رعيانها
المحكمه حصلت قاضيها سروق ومنعوي= ويحاكم السرقان وهوه فعلته مادانها


اخي ابو عبد الرحمن تصبح على الف خير
تشرفت وسعدت باللعب معك
اخوك

[فواز الشيباني]

اسجل اعجابي الشديد

اقول محاوره من ابدع المحاورات في قوة المعناء

صح السانك يالطوفان وصح السانك ياشاعر روق

[((الدلبحي))]

يعطيكم العافيه على المحاوره القمه


تحيااااااااااااااااااااااااااااااااااااتي

[إبن ثعلي]

نعم محاوره جيده ومعاني مدفونه ولازم يكون اللعب على هذا النحو والا بلاش
تحياتي

[المشعلاني]

الطوفان + شاعر روق

ابداع من اثنين من عمالقه الشعر الله يعطيكم العافيه على هالمحاوره القيمّه