شاعر الحكمة ابن دبسان الشيباني وثلاث قصائد

[زيد]

يقول الشاعر عبدالله بن دبسان بن دوخي الشيباني العتيبي يصف المغاتير ......


الطرايف نوب يصعب عليّه قافها
....... ويا عتيبه عزوتي ودي أغنّي حكم

والطرايف غطرفتها لنا مشرافها
....... كل ما غنّيت راسي منه يقفي ظرم

وياهل البل سامحوني بقول اوصافها
....... والله ان البل يسمونها حمر النعم

شرد القيفان فيها هذا محرافها
....... والله ان البل واهلها لنا مثل العلم

الكم آصف درةٍ كل طيّب شافها
....... دونها للموت اهلها تجي صمّن بكم

والليال المقبله بالعيون أعجافها
....... يا عسا الهيلا بيوم الشدايد لي طقم

من يد الرحمن نلقى السعد بطرافها
....... يا عسى الهيلا لنا عز نمشيبه قدم

كنها خشم ارثمه لاقبلت خفافها
....... كل هيلا بالمزاين بعد هيلا كرم

عاشت الهيلا يديها لها مجدافها
....... قدم صنقرها خفاشه براطمها رثم

كل عفرا طرخمتها عمى من عافها
....... الصناقر عاليه والاذاني جت قطم

في مخاذعها الوسيمه تكون أوقافها
....... والعواتق عاليه جلد في جوفه عظم

العبيّه يمها يستوي محذافها
....... من غزا البوش المغاتير لخطاها جزم

كل عفرا يقفلتها يكون لحافها
....... اوبرتها بقفلتها مثل ذاك العقم

مثل جذع المفقزيه كبار قلافها
....... ترفع الشيان بيدينها مثل الرضم

وكل عفرا زينها في كبير جنافها
....... يفهمه شاعر قبيله وبالماضي حلم

العفر لاصدرت بالمشوط أوصافها
....... مثلها يوم وردت جيش لهدافه هجم

ومعها جرميّةٍ وينهو كنافها
....... درها من يشربه ما يبي رز ولحم

من عريض ردوفها جا نزول خلافها
....... كنها دبابتن بالمدافع تدحم

ياهل البوش المغاتير يا عرافها
....... مثلها تسعى ملوك العروش مع الحرم

زين شتر أذيالها والعبيس حفافها
....... وكل هيلا أشوفها بذكر الله وابتسم

والرجوم العاليه يرفعن أشعافها
....... كل عفرا فوقها شطها مثل الرجم

من غواربها تغذي كبار اكتافها
....... الغوارب عاليه والحجوز من الشحم

وكل عفراً زينها يفهمه حوافها
....... كل عفراً سنها له بسمراها رقم

الهرم مثله سواته شمخ بردافها
....... كن فوق ردوفها لاقبلت يوجد هرم

كنها عبله عليها طويل أسنافها
....... يعتليها من شحمها مثل روس القمم

كنها فيها كبر لامشت يلتافها
....... كنها تاطا على شوك من شوك السلم

لونها مزنٍ تزبّر على مصيافها
....... من شخاتيره نصيّه بنبته يزدحم

ومثل فنجال اخو ماجد هذا ميلافها
....... والمعالي ما تجي كود من صبر وعزم

والرجال الها من الطيب رد أسلافها
....... ولك يا فنجال مني سلامي والنعم

http://sbs.jeeran.com/50.gif


هذه القصيدة قالها الشاعر/ عبدالله بن دبسان الشيباني (أبو حليفا) عندما توفي خويه/ نايف بن محيميد بن شبيب الغدري الشيباني (يرحمه الله)
وهي مكونة من 160 بيت حسب ما قال الشاعر وينقل لنا هذه الأبيات المختارة
منها نظراً لمشاعر الآخرين ....


حياة الندم ونهاية العمر للخيبه
....... عسى الله على سنة محمد يوديني

ألا يا وجودي وجد عودٍ فرى جيبه
....... رمى الثوب يوم إنه فقد شوف غاليني

بعد نايف الغدرا عليه انقلب جيبه
....... وزماني على فرقا الأصايل مضريني

أنا يوم نايف مات راسي ظهر شيبه
....... وأنا عارف إن الموت ماهو بناسيني

ويا عزتي للي منه صابه مصيبه
....... وأنا من وفاته صابني ما يكفيني

عسى بارد الجنة قبر نايف اتجيبه
....... شبيه الأسد نايف طويل الذراعيني

أبا اعيش في جيزان والقبر اراعيبه
....... أنا قبر نايف يوم أشوفه يسليني

أنا يوم أنادي بسم نايف وأغنيبه
....... أبرّد لهيبٍ بالحشى قام يطويني

زماني رمى قلبي بهمّه وتعذيبه
....... دقيقة يضحكني وساعة يبكيني

لقيت الزمان الشين عوجٍ مخاليبه
....... وأشوفه بمخلابه على الكبد يكويني

كواني بفرقا اللي طوالٍ هناديبه
....... أنا وين أبلقى مثل نايف يخاويني

أنا مالقيت أوصاف نايف من عتيبه
....... وإذا كان به مثله مع الناس خافيني

أنا أشوف نايف في منامي وأهذريبه
....... يا ليته معي لاقمت يمشي يباريني

وأحبه وحب الرجل للرجل من طيبه
....... وإذا حب ربعي عيب عيبي مغطيني

وأنا لو بغيت آخذ سلاحي وأثاريبه
....... يبا الشرع والقانون دونه يداعيني

حياة الندم ونهاية العمر للخيبه
....... عسى الله على سنة محمد يوديني

http://sbs.jeeran.com/50.gif


وهذه القصيدة أعدها الشاعر في عام 1417هـ ، وذلك حينما وجد فتاة من بنات عتيبه وهي ترعى الإبل بموقع يكون شمال ( جبله ) وحينما أعجب بهذه الفتاة ونضوج عقلها بعد التكلم معها اندفع الشاعر بقول هذه القصيدة المشرفة وحينما أنهى القصيدة قدّمها إلى والد الفتاة بطريقة سرية طالباً الزواج ولكن والد الفتاة قال (يعلم الله إني سبق أن ملكتها فاعذرني) اقتنع الشاعر بالقسمة والنصيب وأخذ يردد هذه القصيدة ويقول فيها :


يا ونتي ونّة اللي طاح مرضاني
....... عظمه تصرّم ولا ودّوه صحيّه

زين الصبا كيف أخذ قلبي وخلاني
....... أمشي مع الناس وأفكاري خلاويّه

حمام ياللي تغني فوق الأغصاني
....... ما شفت إلي في قرايا نجد حوريه

أنا بغني وأردد زين الألحاني
....... والعبد لله عليه حقوق شرعيه

واللي جرالي بقوله بين قيفاني
....... والناس بالناس والأعمال بالنيه

والناس فيهم يجي كاسب وخسراني
....... والناس للناس ماموره ومنهيه

والحب موجه مشى يمي وغطاني
....... وأنا عتيبي وموتي من عتيبيه

كنه عسيفٍ عليها زين الأرساني
.......هيمٍ شراشيفها مثل العمانيه

من وقت حوى وابونا آدم والى الآني
....... ما شيف مثله ولا شكله ولا زيه

يا ليتني رحت ما جيته ولا جاني
....... يقوله اللي بنات البدو من غيّـه

بنت الذي جالهم ماقف وبرهاني
....... من نجد ساقوا قبايلها الثلاثيه

بنت الأصايل عليها القلب ولهاني
....... ما هيب طرش البحر ولا خضيريه

والأصل حبّه بجمر النار يصلاني
....... في كبدي اللي بحب الزين مبليّه

من سبّة اللي عليها عين شيهاني
....... يا نفس منتي بلا ميته ولا حيـّـه

يا ويل قلبي عليها ويل عطشاني
....... اليا طراله براد الما وحالـيـِّـه

بنت الذي في طرفهم يامن الجاني
....... من شوفها ما يعيشون الهواويه

ريح الشمطري عليها بالخلا جاني
....... اللي على خدها لرموشها فيــَّـه

والخد كنـّـه قمر عشرين شعباني
....... والعين عين الوحش والعنق ريمـيـّـه

منها يهب الشمال بريح ريحاني
....... والعود الأزرق يهب مع الجنوبيه

في نجد جاني عذاب القلب وانهاني
....... جاني شمال (جبله) في ضو عصريه

ورعٍ جديله تثنى فوق الأمتاني
....... جود صوابي ولا لي منه ماويّه

لا جيت يمـّـه برمش العين حاكاني
....... يقول مالك ورايه حق ورعيـّـه

ومن شافني قال ابن دبسان سكراني
....... والحب اله سكرةٍ بالموت مقفيـّـه

الحب من ذاق سمـّـه جاه ماجاني
....... جوفه سواتي يقضـّه حد جاويـّـه

وان قالوا الناس ابن دبسان غلطاني
....... ابن سبيـّل شكى قبلي شكاويـّـه

تكفون يالاد روق الموت وازاني
....... الحب سمٍ ذحاح براس جنبيـّه

شيلوا خطايه ليا زليت بلساني
....... أنا ضحية وذابحني عطاويه

ربي عطاها الشرف من خمسة أركاني
....... أركان الإسلام والمذهب حنيفيـّه

وتكفون يا عزوتي يالاد شيباني
....... راحت حياتي وروحي عند روقيّه

منكم نبا الجاه لأهل الجاه والعاني
....... ولا ترى النفس يم القبر مرميـّـه

http://sbs.jeeran.com/50.gif


وسنبحر بإذن الله عبر بحور الشعر ونختار شاعر آخر
وقصائد جديده .....
أتمنى أن يكون الاختيار موفق ودمتم سالمين بعون الله

والمعذره إن كان هناك أخطاء إملائيه

أخوكم زيــد

[مرضي القيفان]

الاخ زيد

رحم الله الشاعر وسلمت يمينك
بماخطيت لنا من قصائد رائعه
لاحد شعراء القبيله 0
بيض الله وجهك0

وتمنيت لو جعلت كل قصيده لها صفحه
مستقله 0 ونتمنى ان توافينا بجميع قصائد
ابن دبسان الشيباني 0 واسمه كاملا 0
حتى يوضع له ديوان في الموقع ضمن شعراء
القبيله حفاظا على تراثه الادبي رحمه الله0


تقبل تحياتي وخالص تقديري

اخوك مرضي القيفان

ك 0 ف 0 السيحاني

[زيد]

:)
أخوي الكريم .. مرضي القيفان

تحيه طيبه وبعد ,,,

--------------------
--------------------

بالنسبة لاسم الشاعر هو عبدالله بن دبسان بن دوخي الشيباني

ولا زال هذا الشاعر الكبير على قيد الحياة :)


وبالنسبة لإضافته في الديوان .. فأنا لدي الكثير من قصائده

والتي استلمتها منه بيده .. وسأوافيكم بها بإذن الله

واخبرته عن الموقع فقال :

(( ابشروا باللي تبونه مني )) وطلبت منه صورته ووافق

... تحياتي لكم ....

[ابـو سعـود]

صح لسانه .. عز الله أنّه شاعر كبير

وسلمت يازيد على وضعك قصائده في الانترنت وهذي جماله تستحق عليها الشكر


بالنسبه لديوانه فنحن كما قال أخي مرضي القيفان رهن الاشاره لكبار شعراء القبيله

من أراد أن يوضع له ديوان فليراسل أحد المشرفين ويبشر

ومن أراد ان توضع صورته وهو شاعر معروف ضمن قسم الصور فله ذلك

اخوي زيد ياليت تضع لنا صورة الشاعر هنا بعد ان تضيف له قصيده او ثنتين لنضع

له ديوان


والسلام

[زيد]

السلام عليكم ورحمة الله وبركاته

نأسف للتأخير يا أعضاء ومشرفي الشبكة
أتيت ومعي ثلاث من قصائد الشاعر المعروف
عبدالله بن دبسان بن دوخي العتيبي سيد الكلمة وشاعر الحكمة
كما لقـّـب نفسه ،،، أتمنى ان تحوز على رضاكم ويكون الاختيار موفق

( بالنسبة لصورته اخوي ابو سعود سأوافيك بها برسالة خاصة
حين تصل من الشاعر ولك خالص تحياتي )


هذه القصيدة يقول فيها :::



ياراسي اللي هناديبه مشيـّـبته
............ ماجور ماجور ياراس الحليفاني

يا ما وطيت الوعر والنوم شلهبته
............ أهذل هذيل الفهد لين الشلل جاني

رجلي قدمها على الطالات عذبته
............ الله يقصي زماني كيف يقصاني

وقتي غدرني وصدقته وكذبته
............ شره يبيني لكن الموت ما جاني

يا وجهي اللي سموم القيظ لاهبته
............ من شوف وجهي ضحك خطوا نسيواني

لي غايةٍ مايل الصرّه مصاحبته
............ كلب النمايم شبيه الذيخ ندهاني

اللي ترده عن الطاله معزبته
............ بين العجايز مثل كلب المريكاني

الله على اللي ليا منـّي تقرّبته
............ ترسل بواجيه يم البلف ضياني

لا دار سلفه بلوف النار جاوبته
............ تقول عطني وأنا بعطيك برهاني

فوق البساتم تشب النار كهربته
............ من هورشيما ورد والصنع ياباني

إليا تحرك تروس القير صالبته
............ جيب الشبح غايتي في كل ميداني

يا زين صوته ليا غنـّـا ولاعبته
............ واليا زهمني عطيته قيره الثاني

والعبد ما ياخذ ألاّ كود كاتبته
............ والفضل لله ولبن سعود سلماني

الحاكم اللي ليا جيته وخاطبته
............ منـّـي تبسم وبالمكتوب ناداني

اللي ملوك الوطن بالعدل ناصبته
............ أجيه جايع ومنه أروح شبعاني

مخبلك ياللي كلامي فيه كذبته
............ بالشرق الأوسط مثل سلمان ماكاني

راسه علينا ملوك العرش مندبته
............ بالحلم والعدل والرحمه والإحساني

أبو المساكين سمـّـيته ولقـّـبته
............ كفه عليهم تمد الصاع ملياني

أخو فهد غيثنا اللي شامخٍ نبته
............ يا رب تجزاه بالجنة على شاني

فيصل صفاته جسد سلمان قاضبته
............ الله على طاعة آل سعود يهداني





وهذه القصيدة مرسلها الشاعر عبدالله بن دبسان العتيبي
إلى سلطان بن مجرّي الشيباني (أبو مدين)




اليوم أنا عالي المشراف عديته
............ أبيه يبري غليلن قام يطويني

والله لولا طويل الرجم لا جيته
............ إني لجوّد بنيباني ذراعيني

مبدا المراقيب مشط الرجل لاويته
............ وإليا رجيته مَـعاد اليوم يرجيني

حبل الرجا دون بعض الناس قصيته
............ حتى لو إنه على الجنـّـه يناديني

وابن مجرّي نويت أجيه في بيته
............ وأنخا الذي ياخذ الأرواح بالدّيني

واليا وصلته بعال الصوت ناديته
............ سلطان لك موقفن بالضيق يرضيني

وأكبر دلايلك مدين يوم سميته
............ سلطان ياخوي تكفى لا تخليني

العام ذيب الخلا بالليل خاويته
............ واليوم أشوف الثعل ودّه يخاويني

سلطان يا خوي راسك يوم خصّيته
............ ما شفت غيرك يابو مدين يشكويني

الشرق الأوسط ترى شيمتك ماليته
............ سلطان غيرك وجوده ما يذريني

يابن مجرّي وصلك العلم وأوحيته
............ يا جعل والدك للجنّه ووالديني

في جوفي الهم يا سلطان ضميته
............ لا ناموا الناس هم القلب يوذيني

عيني بردها هموم القلب معميته
............ شفلي مرادي عسى شوفك يقدّيني

بيتك نصيته وعندك سرّي أفشيته
............ ياللي بجاهك يميلن الموازيني

سلطان يا عزوتي غيرك ليا جيته
............ يمكن كلامه بوسط البطن يلويني

يمكن كلامه يجي فكري بتشتيته
............ بعض السوالف على قبري توديني

راحت حياتي على صبره وحلتيته
............ بين الشراشيف نار الصبر تكويني

سلطان ثوبي دموع العين مرويته
............ تطري عليـّـه همومي لين تبكيني

من جور الأيام جيب الثوب شقـّـيته
............ يالله طلبتك من اللي فات تعفيني



أما هذه القصيدة (رغم قصرها) اخترتها من بين قصائده

وأتمنى أن يكون هو الاختيار المطلوب ..!!..

يقول فيها:



ألا يا عيوني صاب شوفك ذواري عج
.......... وأنا اللي بعقلي من زماني بدا رجـّـه

ألا واهني الطير لا من باله ضج
.......... يرج الفضا بالريش في صافي اللجـّـه

إلا ضاق باله من مكانه بشفه سج
.......... وأنا كل ما شفته بقلبي بدا سجـّـه

غزونا الأجانب بالوطن والمواطن دج
.......... يشيل الهوّيه عايش ٍ عيشت الدجـّـه

ضحيـّـة فريضة بأيدي مخلفات الحج
.......... يجر الحنين ولا حدٍ يسمع الضجـّـه

لنا ياولاة الأمر مدري متى تفرج
.......... عن أمر اليد الوسطى رفعنا لكم حجـّـه


@^^@^^@^^@

انتظروا مني المزيد بإذن الله

أتمنى يثبت الموضوع لأني بضيف كل يومين او ثلاثة
قصيدتين او ثلاث

علشان بس ما يرجع الموضوع في الصحفات القديمة

وتنسونه ....

لكم خالص تحياتي ،،، والسلام

[زيد]

السلام عليكم ورحمة الله وبركاته

وأسعد الله جميع اوقاتم بالخير والمسرات


وهذه القصيدة موجهها لخالد الفيصل ويقول فيها


هاج طاروق الطرايف وازعجني = واستهاض الفكر منهن يوم جنه
ما قطعت ابهن وهن يواصلني = بيننا حب وتوافق يذكرنه
مع زيارتهن يطير النوم عني = ياصلن اللي بعرف يصوغهنه
ياصلن الشاعر المعروف مني = الأمير ابن المليك يصافحنه
المثايل قدم خالد يخضعني = تنحني للي كسى العالم بفنه
جيت أسلّم يالامير وجيت اهني = للجبال الشامخه لميرهنه
المروّه فيك والشيمه دعنّي = يالذي يمناك الأمجاد اعترنه
في ربوع أبها مناظر شوقني = من لقى هاك الثلاث يشوقنه
من يد الرحمن دايم يشربني = كل يوم الغيث ينزل فوقهنه
جيتهن مذهب وبالزين أذهبني = ما يجي فالشرق الأوسط مثلهنه
السحاب اللي بروقه يبرقني = والجبال وخضرة الريضان جنه
والعيون الناعسات يصوبني = فتنة العشاق يوم يناظرنه
سيدي كل العناصر جمعني = في عسير وفي الأمير وفي مغنّه
سيدي عفواً بعد ما قابلني = كاملات الزين قلبي صوبنه
شوفهن فتنة وبالفتنة غزني = سيدي وأستاذنك في وصفهنه
المنايا شفتها منهن نصني = من عشقهن في شبابه شيبنّـه
يوم يمي بالعيون يطالعني = لمحة البحري سوات عيونهنه
اندفعت بدربهنّـه غصب عني = وأثر طرّاد السراب يضيعنه
في تواصيف القطا يوم شلعني = يا وجودي كيف حالي يرخصنه
راسي أبيض في شبابي شيبّـني = من سموم القيض وجهي شلهبنه
آه من شي ٍ بقلبي مستكني = أكتمه مير المحاجر يفضحنه
يوم صبري طال مدري ويش كني = كل ما شفت الوزا جريت ونه
وكل ما غنيت والورق سمعني = الحمام الورق صوتي جاوبنه
في ربوع أبها ثلاثٍ واجهني = وقلبي المسلوب من جوفي خذنه
يا عذابي يوم يمّي سلهمنـّي = يم وادي ويل قلبي وجهنه
بالعيون الخرس يا ما عذبني = مع مظاليلٍ على الخد يغطنه
من بياض خدودهن يوم أقبلني = في عيوني جا سنا لخدودهنه
آه من حمر الشفايا يوم جني = بالمتانه قيس حجر أبصارهنه
ومكسر العنبر يذعذع يمهني = والشمطري ريحته من يمهنه
الخناصر هيم والقرن متثني = وعاتق الريمي بطول أرقابهنه
بالكلام بسم الأفعى صوبني = من تغنجهن ومن نظراتهنه
صوبني صوبني واذبحني = في خلايا القلب موتي وقتنه
من بلادي طرّفني وأيتمنّي = وجيت أدور في تهامه حولهنه
وربعي اللي عندهم شاني ومنّي = وغيبتي عن عزوتي ما هيب سنه
والهوا ما هوب عيب يعيبني = كم شجيع ٍ بالغرام يصوبنه
والهوا ما هوب لعب وضحك سني = الهوا مثل البحر يخلف مظنه
والمطالب ما تحقق بالتمني = وقفت اللي مثل خالد يدركنه
سيدي بيض العذارى عذبني = مع ظروف الوقت قلبي غربلنه
والحرار بكل شامخ ينزلني = وماكري ما فيه ريش ويكرهنه
والمشاعر للمعالي يطمحني = والمعالي عند ربي كلهنه
الزمن يامير ما فيه متهني = غير من طاع الليال وطاوعنه
جاته الدنيا على كيفه تغني = ما بقى عنده همومٍ يشغلنه
واحدٍ ما هوب في وضعي وسني = شاب راسي والثنايا ودعنه
طول عمري من تدني في تدني = من جليد البرد في لاهوب كنه
الليالي يا ولد فيصل طوني = أيبسني ثم طوني طي شنه
فزعتك قبل المنايا يدركني = ما بقى فالعمر كثر اللي طونه
يالامير الشاعر الموهوب ظني = ما تخيـّـب من تعلق فيك ظنه
وقفتك تبري جروح ٍ طاولني = وأستريح من الشقا مع دربهنه
وينفتح باب السعادة وأرجهني = جعل فيصل ينفتح له باب جنه




ولكم خالص التحيات اخوكم زيد

[الوافي بن روق]

نعم يعتبر عبدلله بن دبسان الشيباني من شعراء الحكمه في قبيلة عتيبه ولكن الدي ملاحظه بسيطه ارجو من المشرفين حذفها القصيده التي يقول فيها يا اهل الكويت اليوم صرتو رياجيل لاني اعرف انا الشاعر المتميز عبدلله بن دبسان لديه الكثير من القصايد التي تستحق التثبيت في المنتدي الان هذه القصيده الاتخدم المنتدي بي العكس يكون دورها سلبي حيث ان المنتدي يرده الكثير من ابناء القبايل سواء في السعوديه او الكويت ويجب ان يكون رمز من رموز القبيله التي نفتخر بها هذا ولله من وراء القصد ونا من اشد المعجيبين بي الشاعر عبدلله الشيباني واعلم انه بحر من الشعر ولديه الكثير من الابداعات هذا وتمني له الصحه والعافيه

[زيد]

الله يذكرك ا لشهادة



يا هل الكويت اليوم صرتوا رجاجيل = والعام شفنا عيبكم في لحاكم
العام جيتونا مثل سبّق الخيل = يومن أهل بغداد شقوا عصاكم
العام جيتونا هجيج وهراويل = واليوم من ربي تقطع رجاكم
ياللي حديتونا على القال والقيل = حنا ليا جاكم شدايد ذراكم
حنا ترانا سم روس الرجاجيل = يومن شيطان المعارك نصاكم
لطامت العايل وذباحة الحيل = ياللي من الخيبة خذيتوا دواكم
يا هل الكويت السود جتكم مراسيل = على مفارعكم تلقوا جزاكم
يوم القنابل مثل سود البراميل = أنتم غديتوا في وصايف نساكم
يحرم عليكم سوق بيض الفناجيل = فنجالنا ما يشربه مستواكم
عنكم خبر جملة وعقبه تفاصيل = ياللي نسيتوا بالعراق أًسراكم
لقيت في بيروت منكم شماليل = وأشوف دلفاكم تمريع معاكم
ياللي من الأبراج جيتوا مساطيل = إبليس من درب الشريعة حداكم
****************كم يمشي على السيف ويميل = ياللي تركتوا دينكم في هواكم
العام جاكم مثل طير النبابيل = يا ليتكم عقبه كليتوا جناكم
العار جاكم يالضعوف المهابيل = العار شاله شعبكم وأمراكم
لاطفالكم ياضعوف سووا تحاليل = شوفوا ولدكم من عيال أشركاكم
عيالكم فيهم سوات الأثاليل = كلاً برمحه زاركم ثم رماكم
الكم من الدنيا هموم وغرابيل = واطفالكم فيهم صفات اقصراكم
أكبر زناوتكم سكن بالفحيحيل = وأبوه جاكم ثم كلا من عشاكم
أبوه تلقونه على صورة الفيل = إله البواخر صدرت من وراكم
إلكم لقينا بالرميلة تهاويل = ياللي خذيتوا بالرميلة غداكم
ياللي تمصون اللبن والبهاذيل = ربي على كشف المغطى حداكم
ياللي تحبون الصنم والتماثيل = مدري علينا بالرداء ويش جاكم
يالبوم مدري ياضعوف المحاصيل = هذا جوابي يوم ربي نساكم
عسى بلدكم فيه يبدا زلازيل = الله لا يعفي لكم في خطاكم
العام جيتونا هجيج وجواديل = واليوم ناداكم بليس بغواكم
دارت عليكم بالضعوف المحابيل = شوفوا قضاياكم بوسط المحاكم
ياللي رجولتكم على درب تضليل = كلاً شناكم يوم ربي شناكم
يا هل الكويت اليوم صرتوا رجاجيل = والعام شفنا عيبكم في لحاكم



!!!!!!!!!!!!!!!!!!!!!!!!!!!!!


هاجت قريحة الشاعر في سنة 1417هـ وحينما التمس ما قاله المواطن الكويتي

أثناء حصوله على جائزة في مهرجان دبي الدولي ،، وهي عبارة عن سيارة لكزس

،، وسأل هذا المواطن الساذج عن شعوره .. فأجاب ( بأن شعوره كشعور أي

مواطن سعودي يحصل على جوال أو بيجر ) (( وعجباً كل العجب ))

وبلا شك فإن الشر يعم ... وقال الشاعر المعروف القصيدة ..


تحياتي