بــــندريــــــات

[عقاب]

مالوم عين تصطفق بعض الاحيان=شافت غرابيل الزمان الغريبه
ياكثر ماشافت وياقل الايمان=بقلوب من بقلوبهم شك ريبه
من ينصح اللي يعتقد له بكهان=يشرك مع الله واحد مايثيبه
لو يصدق الكاهن طلع منه برهان=وافتك نفسه من حدوث المصيبه
لاشك كذاب خذوا منه كذبان=والله صدق علام غيبك وغيبه
من سبته ياميت القلب ندمان=لعل قلبك للعمى وش تبيبه
انصحك ياللي رشك الشيب عميان=وادي جهنم حادرمع شعيبه
يطغيك زود المال والزودنقصان=غادبسوق السوليه اتغديبه
لاتدعي بالمال رابح وخسران=يفلجك من زين العمل يدعيبه
وافطن لكلمة ويل يوم للانسان=في ماقف ماينفع المروجيبه
للشرميزان وللخير ميزان=تكتب ملائكةالسماءوتعديبه
خذلك نصيحةواحد شاف الاكوان=جرب غرابيل الدهر من نصيبه
من جاهدالدنيابلا روس جنحان=يصبرلصكات الزمان الرهيبه
واناالذي شفت الوزا ياسليمان=بردالشتاءوالقيظ اكلني لهيبه
مانيب اهين النفس لوكنت جيعان=مايدنع الاالكلب عقب اتهذيبه
والله يالولا كلمةقال ديان=حقي غدابه مانوى انه يجيبه
لشهر كمايشهر مع الجوشيهان=قطع البحورولاحياة الغليبه
لجو علي الناس قوم وصدقان=واخترت عنهم بعد ممساالنجيبه
مااهبلك ياللي تلتوي لك بجابان=رجل من الجابان لاتلتويبه
لاساتر عرضك ولاقاضي شان=تكسب نزولك عقب مبدا الرقيبه
ابعدعن الجابان لوكنت عريان=ثوب من الجابان لاتكتسيبه
يارب تجعل لي من الذنب غفران=يابارج لايوب ممابليبه

[ابـو سعـود]

عقاب

صح لسانك ياطويل العمر وعز الله ان الحكمه تتجلى في

قصيدتك وموضوعها من خيار

المواضيع واعتبرني من متابعيك من اليوم ;)

[عقاب]

اشكرك على هذا الاطراءالجميل وانا سعيد بوجدكم ووجود من يعمل لصالح الجميع واعتبر مرورك متابعه بحد ذاتها.

[عقاب]

المقصود بالبندريات كل ماينسب الى الشاعر الكبير بندر بن سرور العتيبي

[النـايــــــف]

صح لسانك أخوي عقاب


وبيض الله وجهك يا الغالي



والله لا يحرمنا من جديدك طال عمرك


تحياتي لك


أخوك النـايـــــف

[عقاب]

مشكور اخوي النايف

على اهتمامك وثنائك لي وبما اكتبه من مشاركة

بســـيطه

اخوك عقاب