الخال ..مرضي القيفان ..اقلط لاعدمتك

[مشعان]

السلام عليكم
الخال مرضي القيفان ودنا معك طاروق يالغالي اذا ماعندك مانع...


استلم لاهنت/


سلامي رده مستعده للي يميز بالمعاني"="ردة وفا غنيتها للشاعر اللي ماجهلها

الباخرة وسط البحر تبحث عن اكبار المواني"="من يرتكي للحمله اللي كمِّ رجلٍ مااحتملها

[مرضي القيفان]

هلا وغلا بالبناخي


ابك البقا واللعب هده والجم يسحب بالسواني"="
هات المعاني يالبناخي نجم الثرياء ما وصلها

تلقا المراسي والرواسي ماهزهن خطو الهداني"="
الخارطه تاضع طريق ابقيق والحمله لهالها 0

[مشعان]

اشكرك على استجابتك لي ياخالي لاعدمتك يالغالي


عسى المطر شرقي ضريّه لينِ ياصل لحلباني"="يسقي الديار الممحله يشمل وعرها من سهلها

واصبر ترفّق لاتعجل وانتظر بضعة ثواني"="امّا نجاح الرحله اللي قرروا والا فشلها

[مرضي القيفان]

اسلم اسلم واستلم لاهنت
اليا زما صم الصفا من سيل ياشين الاماني"="
توخذ وتعطى الذاهبه واسبابها الراعي غفلها0

الصبر مفتاح الفرج والعمر مهما طال فاني "="
تنجح ليا قلنا نجاح ويحتميها من كفلها 0

[مشعان]

هلا وغلا بالخال اسلم اسلم

استلم لاعدمتك/



الله يكافينا على ماقيل دورات الزماني"="لو هي على كيف الرجال ان كانِ كلٍ ينتحلها
مابعدِ بانت غبسةٍ لكن بها مابه ضماني"="والنفسِ تجزى ياعميل الخير دايم في عملها

[مرضي القيفان]

اسلم اسلم واستلم لاهنت

شتـّــان مابين القمر والجدي وسهيل اليماني"="
كل الكواكب عاليه والعلم في غارب جملها 0

تستوقَد النار بشرر والساس يوضع للمباني "="
ساعات يعمي عينه الرجال يوم انه كحلها 0

[الــــــقــــــرم]

الله الله ............


مشعان ومرضي القيفاااااااان ........


القرم = في قائمة من مر وتعلم .........


تحياتي .........

[مشعان]

مرحبا ومسهلا بالجميع

استلم لاهنت/


الحمد للمعبود رب البيت يوم انه عطاني"="وبعض الامور تغش وانته عارفٍ صرفة دولها

ترى المغفل مايلام المشكله بعض الذهاني"="كم واحد قد طاح في حقّه على غيره حبلها

[مرضي القيفان]

استلم يامشعان لا هنت 0

يستاهل الحمد الكثير الله يزيدك يافلاني "="
الله يغش اللي ومن به من جديد ومن سملها

كلن على خطه يسير ولا يجي درب الهواني "="
والسالفه بين الجموع المركمه كلن نقلها

[مشعان]

هلا بالغالي/

استلم لاهنت/


يامرضي ارضيت العميل وكل مده ماتباني"="والا الخليه ياوسيع العرف يامحلى عسلها

اربع مع خمس وثلاث ان كانها قلّت ثماني"="والهاربات ابشرك جانا خبر عفوٍ شملها

[مرضي القيفان]

الله الله اسلم يامشعان0:D


يرضى الفهيم ان صرت انا صفحة كتاب إله وقراني"="
والعود الازرق عج فالساحات مع ريحة نفلها 0

الفكر لامن سج به هاجوس ما شاف الطماني "="
ايعانق انجوم السما اللي ساريات (ن) مع فحلها 0

[مشعان]

الاخ/القرم...اسعدني مرورك..وبيض الله وجهك

الغالي/مرضي القيفان ..صح لسانك ولاعدمتك يالغالي.والعذر والسموحه ان جا منا قصور..

[مرضي القيفان]

الاخ / البناخي :D مشعان

صح بدنك وصح لسانك وبيض الله وجهك0
تشرفت بمحاورتك 0

وماجا منك قصور يالغالي 0

وان شاء الله لنا لقاء آخر :D

ولا تقاطعنا 0 تواجدك في المنتدى ومعنا

هو اللى نطلبه منك 0
واشكرك على جزالة معانيك0



تقبل تحياتي وتقديري