رساله وسوأل عن طيب الفال

[نازح البعد]

يامنتدى عتيبه صناديد الابطال == في حاضر الدنياوماضي عصوره
لطامة العايل عديمين الافعال== يشهد لها التاريخ بأزهى عصوره
في المنتدى مامركم طيب الفال== ولانور الموقع بساطع حضوره
بالله دلوني على رقم جوال === ولاارسلو لي عنه نبذه وصوره
مشتاق له والله عليم بالاحوال== ليته قريب الدار والله لازوره


نازح البعدِ

[ابوحازم]

بيض وجهك يانازح البعد على المشاعر الطيبه تجاه أخونا طيب الفال
ويستاهل والله يستاهل اللحيه الغانمه
وابشرك الرجال قريب ورقم جواله موجود
اتصل بي

[ابن زعام]

هـــــــــــــــــــــــــــــــــــــــــلا

و

غـــــــــــــــــــــــــــــــــــــــــلا


هلابك يانازح البعد

وابن ذايب قريب وكلنا دونه نسد اللزوم

المحل محلك

وياهلابك

[النـايــــــف]

صح لسانك اخوي نازح البعد


وبيض الله وجهك



والاخ طيب الفال يستاهل اكثر من ذلك



والاخ طيب الفال من الاعضاء البارزين في المنتدى


وهو مجود معنا وإنشاء الله تجد الرد في هذي القصيده منه



تحياتي لك،،،،

[نازح البعد]

ابو حازم
ابن زعام
النايف
بيض الله وجيهكم بس ماعينت طيب الفال الظاهر انه مشاغله كاثره هالايام

[((الدلبحي))]

صح السانك على الابيات الوافيه ياغالي


تحيااااااااااااااااااااااااااااااااااااااتي

[فواز الشيباني]

صح لسانك اخوي نازح البعد


وبيض الله وجهك



والاخ طيب الفال يستاهل اكثر من ذلك

[طيب الفال]

هلا وغلا بنازح البعد تسأل عنك والله العافية

أستلم الرد وأنا خوك ...

http://maltheibi.jeeran.com/Copy%20of%20GXR1نسخ.jpg

[line]


يامرحبا ترحيبةٍ مالها حبال = تطلق كما تطلق حراير صقوره
للمنتدى اللي به شغاميم ورجال= المنتدى اللي كل قرمٍ يزوره
للي ينشد عني وانا طيب الفال = يا مرحبا به عد رملٍ وصخوره
البر يا نازح ترى مشغل البال= أحب شوف البر وشوفة طيوره
واحب شوف الذود في خايعٍ سال = خلفاتها ترعى وتقطف زهوره
واحب شوف النار من حولها ادلال = وخوة نشامى طبعهم به جسوره
بدوٍ على وضح النقا مابهم ضال = جبر الخوي لا صار كثرت كسوره
بالمختصر يانازح البعد جوال = عفشي بجيبي والمخاطر عبوره
الديره اللي مابها برج وارسال = هي غاية مرادي وقمة شعوره

"
"
"
"

طيب الفال

[نازح البعد]

فنتاستكِِياطيب الفال

[جراح العتيبي]

نازح البعد صح لسانك

شعور رائع


وابيات اروع



لطامة العايل ( عديميـن ) الافعـال


وصح لسانك ياطيب الفال


وجودكم هنا ينعش المنتدى


ويشعرنا بوجود مبدعين في منتدانا


على اهبة الاستعداد


شعراء في كل وقت واينما كانوا لاينطقون الا شعرا

[طيب الفال]

ما عليكم زود يالغانمين واشكركم على مشاعركم الطيبة

تحياااتي للجمــــــــــــــــــــــيع


طيب الفال

[طيب الفال]

مشكور يابو حازم ياللحية الغانمة وإن شاء الله أكون عند حسن ظنك

لك أزكى السلام والتحايا


طيب الفال

[محمد الجبريني]

طيب الفال صح السااانك مدد بلاعدد
وصح الساان مجاريك نازح البعد

تحياتي

[مخاوي النشامى]

صح لسانك اخوي نازح البعد
وطيب الفال يستاهل كل خير

[السيف الصقيل]

لاهنتو وصح لسانكم جميع

يانازح البعد وياطيب الفال

مغليكم

السيف الصقيل