قلـــــم مكســــور

[وادي الضما]

الـبـارح الـنـوم عيـنـي مجافيـهـا
محد(ن) درى بي ولا احد(ن) يعرف اسبابي
في راس مرقـاب اشـب النـار واطفيهـا
واردد ابيـات اعـز النـاس واصحابـي
ابيـات فيهـا مـن الحرمـان مافيـهـا
زادت جروحي ولـو هـي زادت اعجابـي
ابحـرت بالفكـر فـي غبـت قوافيـهـا
صحيـت ماسـك قلـم مكسـور وكتابـي
والعيـن هلـت دموعـاً كنـت مخفيهـا
من دون مشعـر دموعـي بلـت اهدابـي
ناديـت ياوقـت يكفـي النفـس يكفيهـا
ردالصدى الصوت لي ماحسـب احسابـي
سريـت والحـال ربـي اعلـم بخافيهـا
رديت بي جـرح ينـزف عقـب ماطابـي
***
وادي الـــــضـــــمــــــا

***

ارجو ان تحوز رضاكم

[@ عتيـبـي نجــد @]

واردد ابيـات اعـز النـاس واصحابـي
ابيـات فيهـا مـن الحرمـان مافيـهـا
زادت جروحي ولـو هـي زادت اعجابـي
ابحـرت بالفكـر فـي غبـت قوافيـهـا
صحيـت ماسـك قلـم مكسـور وكتابـي
والعيـن هلـت دموعـاً كنـت مخفيهـا


الاخ / واااااااااادي الضما
احسنت صح لسانك
وسلم بنانك
والقلم لو انكسر
بداله قلم
راااااائع

[وادي الضما]

هلا وغلا وصح بدنك ياعزيزي



اسعدتني بالحضور والاطراء تقبل تحياتي


وتسلم

[ناصر الحربي]

وادي الضما

صح لسانك ابيات رائعه

تقبل خالص الود والتقدير

[وادي الضما]

هلا والله وغلا فيك وبحضورك ياعزيزي


شرفت وصح بدنك لك خالص تحيه

[العريدي11]

صح لسانك
والله لا يهينك علي القصيده الجميله

[إبن ثعلي]

صح السان ياوادى الضما ماقصرت
تحياتي

[جراح العتيبي]

وادي الضما


صح لسانك


اتمنى منك كتابت اسمك الحقيقي


حيث ان القصيده جزله ومن الواجب ان نعرف اسمك الحقيقي


لحفظ حقك الادبي


وعندي ملاحظه والله العالم

(((سريـت والحـال ربـي اعلـم بخافيهـا)))

اظن ان هذا الشطر فيه خلل في الوزن

والاكيد انه خطأ مطبعي

شكرا لسعة صدرك

[فواز الشيباني]

صح لسانك

على القصيدة الجزلة والرائعة

[((الدلبحي))]

صح السانك وهلابك ياغالي

تحيااااااااااااااااااااااااااااااتي

[النـايــــــف]

صح لسانك اخوي وادي الضما


وبيض الله وجهك يا الغالي



ولا تحرمنا من جديدك



تحياتي لك ،،،،،

[وادي الضما]

السلام عليكم ورحمه الله وبركاته


الاحبه الغالين جميع من مر على هذه المتواضعه


الشكر الجزيل وصح ابدانكم والله يغليكم ويبارك فيكم



تقبلوا خالص تحياتي محبكم / عبد الرحيم المالكي

[عبدالله المرشدي]

صح لسانك


عبدالرحيم


صح لسانك

تحيتي وتقديري