فواز الشيباني
05-16-2006, 09:56 AM
حنّا بنات الوطـن وشمـوع ديجـوره
=وحناّ بنات الوطن وأحلى سعوديـه
منابت المجد وأصل المجد والصـوره
=مرابـط العـز وسبـوق النداويـه
منابت الملح وأصل الـورد وزهـوره
=مكاسر العـود والنفحـه سماويـه
عذبات الانفاس وأغلى المسك وعطوره
=نفحات الاشجان والنسمه ربيعيـه
فوح الخزامى بروض ٍ قيـل ممطـوره
=قدِ علّها مع بكور الوسـم وسميـه
حنّا بنات الوطـن سكنـاه وخـدوره
=حنّا بنات الوطـن والثقـل ماريّـه
ياللي تعذرب بنـا يمنـاك مكسـوره
=ماكن فينا لـك أم وبنـت وأخيـه
أفكارك السـود مشبوهـه ومبتـوره
=وعلومك العوج ملفوفـه وملويـه
تلـف وإلا تزيـد اللـف لــك دوره
=العلم بالهون والحاجـات مقضيـه
خذها على نـور والرايـات منشـوره
=بالعدل والميـز مكتوبـه ومقريـه
خذها وباقي بهـا وقفـات مذخـوره
=تجيك من فوق وإن حبيّـت رديـه
بنت الوطن ياضعيف الـرأي مذكـوره
=بالخير والطيب مذكـوره سنافيـه
من أول الوقت يالمسكيـن مشهـوره
=بالفكر وأحلى التواصيف النسائيـه
بنت الوطن ياقصير الشوف معمـوره
=بالعطف والليـن وتزيـده بحنيـه
إن كان بالكون قالوا عينـه وحـوره
=بنت الوطن من عظيم الشان حوريه
بنت الوطن من جمال الخلق مستـوره
=الطبع هادي ووقـت الجـد جديّـه
ممكن تقوّم بوجـه المعتـدي ثـوره
=والأصل تكوينهـا ثابـت حياويـه
شيهانة اللحظ بنـت الريـح منثـوره
=ملمومة الخصر بنت الذيب ريميـه
يعنـي حجازيـة العينيـن مخبـوره
=نجدية الخصر واللمحـه خليجيـه
ريحانة الفل بـأرض الفـل مبـذوره
=يعني عسير وعبير أحلى عسيريـه
وقـاّدة الحـس بالاشـواق دكتـوره
=يضيق صدر الزمن تبقى شماليـه
تكتب حروف الوفا وتسّـن دستـوره
=بحروفها إخلاص وإن حبّت هواويه
يعني هي الجو مـع بيـداك وبحـوره
=من رأسها للقدم بالزيـن مكسيـه
سمعت ياللي حسبتـه لعبـة الكـوره
=بعض السواليف لا سقته عماويـه
لا ضيّع الدرب مثلك وأخلف شعـوره
=ندلّـه الـدرب والاعمـال بالنيـه
ياخـاوي الفكـر والعـدلات مقبـوره
=في صدرك اللي لبس بلواه صدريه
مغرور مغرور مثلك نـاس مغـروره
=بمركب النقـص والاوهـام مبليـه
منادميـن الخطـا ملفـاه وطـيـوره
=الفكـر خيـاّل والساحـه خياليـه
من الحماقه لبسـك الكبـر وشـروره
=والحمق رمح الردى وحدود هنديـه
تسكن زوايـاك والطرقـات مهجـوره
=ياغراب خل الحمام إنسى خطاويـه
لو تفرد الريش يالطـاووس مأثـوره
=عواقب الكبـر يالمغـرور سلبيـه
ياسيّـد الغطرسـه ياقاصـر شبـوره
=ياعاشق الذات عشق الذات نفسيـه
سمعت رد الاصيلـه وإفهـم سطـوره
=بسيط منسـاب والاوزان شعبيـه
وإسلك طريق الهدايه وإحفظ السـوره
=السوره اللي على المعنـى ومكيـه
وإن كان نفسك على الشينات مجبوره
=والنـار ياميّـت النيـران مطفيـه
أجيك أنـا بنـت هالديـره ومأجـوره
=وتشوف بنت الوطن والجمره الحيه
أجيك وتشوف بنت السبـع مسعـوره
=وأخرك معروف والدعوى طبيعيـه
الوقت معـروف فـي زنـات دبـوره
=يخرّب العش وهو العـش راعيّـه
ماهي بشرَبه من الغـوري وشابـوره
=بعض الحكاوي وفيه حدود محميـه
خذها ولا أقـول لا رديّـت مشكـوره
=من واجبي لا دفعت الشر والسيّـه
بأول خطوط الدفـاع وراس طابـوره
=أصـد وأرد والصـدّه هجومـيـه
خذها وأنا بنت قوم المجد وحضـوره
=مني وأنا من بنات الـدار نجديـه
من نجد ماجيت أنا المغرب وناطـوره
=وماجيت حد اليمن ما كنت مصريه
خذها وأنا ماعرف الحمراء ولا شتوره
=ولا جيت عماّن وإلا كنـت شاميـه
ولا نيب من بابل النهريـن وآشـوره
=وإلا بعد من بنات الشرق شرقيـه
خذها وأنا من عظيم الشان منصـوره
=من نجد ماقول أنا شقراء وغربيـه
أعيّد العيـد مـا عوشـر بعاشـوره
=الدين الاسـلام والمنهـاج سنيـه
خذها ونفسي على المسفـار مأمـوره
=والنفس معروف مأموره ومنهيـه
ماقلتها من غضب بالوقـت مقهـوره
=على الملا وإن بغيت السلم سلميـه
خذها وأنا بنت روس الطيب وصقوره
=الجد قحطـان والمنشـأ قصيميـه
الشاعره أم أديم
=وحناّ بنات الوطن وأحلى سعوديـه
منابت المجد وأصل المجد والصـوره
=مرابـط العـز وسبـوق النداويـه
منابت الملح وأصل الـورد وزهـوره
=مكاسر العـود والنفحـه سماويـه
عذبات الانفاس وأغلى المسك وعطوره
=نفحات الاشجان والنسمه ربيعيـه
فوح الخزامى بروض ٍ قيـل ممطـوره
=قدِ علّها مع بكور الوسـم وسميـه
حنّا بنات الوطـن سكنـاه وخـدوره
=حنّا بنات الوطـن والثقـل ماريّـه
ياللي تعذرب بنـا يمنـاك مكسـوره
=ماكن فينا لـك أم وبنـت وأخيـه
أفكارك السـود مشبوهـه ومبتـوره
=وعلومك العوج ملفوفـه وملويـه
تلـف وإلا تزيـد اللـف لــك دوره
=العلم بالهون والحاجـات مقضيـه
خذها على نـور والرايـات منشـوره
=بالعدل والميـز مكتوبـه ومقريـه
خذها وباقي بهـا وقفـات مذخـوره
=تجيك من فوق وإن حبيّـت رديـه
بنت الوطن ياضعيف الـرأي مذكـوره
=بالخير والطيب مذكـوره سنافيـه
من أول الوقت يالمسكيـن مشهـوره
=بالفكر وأحلى التواصيف النسائيـه
بنت الوطن ياقصير الشوف معمـوره
=بالعطف والليـن وتزيـده بحنيـه
إن كان بالكون قالوا عينـه وحـوره
=بنت الوطن من عظيم الشان حوريه
بنت الوطن من جمال الخلق مستـوره
=الطبع هادي ووقـت الجـد جديّـه
ممكن تقوّم بوجـه المعتـدي ثـوره
=والأصل تكوينهـا ثابـت حياويـه
شيهانة اللحظ بنـت الريـح منثـوره
=ملمومة الخصر بنت الذيب ريميـه
يعنـي حجازيـة العينيـن مخبـوره
=نجدية الخصر واللمحـه خليجيـه
ريحانة الفل بـأرض الفـل مبـذوره
=يعني عسير وعبير أحلى عسيريـه
وقـاّدة الحـس بالاشـواق دكتـوره
=يضيق صدر الزمن تبقى شماليـه
تكتب حروف الوفا وتسّـن دستـوره
=بحروفها إخلاص وإن حبّت هواويه
يعني هي الجو مـع بيـداك وبحـوره
=من رأسها للقدم بالزيـن مكسيـه
سمعت ياللي حسبتـه لعبـة الكـوره
=بعض السواليف لا سقته عماويـه
لا ضيّع الدرب مثلك وأخلف شعـوره
=ندلّـه الـدرب والاعمـال بالنيـه
ياخـاوي الفكـر والعـدلات مقبـوره
=في صدرك اللي لبس بلواه صدريه
مغرور مغرور مثلك نـاس مغـروره
=بمركب النقـص والاوهـام مبليـه
منادميـن الخطـا ملفـاه وطـيـوره
=الفكـر خيـاّل والساحـه خياليـه
من الحماقه لبسـك الكبـر وشـروره
=والحمق رمح الردى وحدود هنديـه
تسكن زوايـاك والطرقـات مهجـوره
=ياغراب خل الحمام إنسى خطاويـه
لو تفرد الريش يالطـاووس مأثـوره
=عواقب الكبـر يالمغـرور سلبيـه
ياسيّـد الغطرسـه ياقاصـر شبـوره
=ياعاشق الذات عشق الذات نفسيـه
سمعت رد الاصيلـه وإفهـم سطـوره
=بسيط منسـاب والاوزان شعبيـه
وإسلك طريق الهدايه وإحفظ السـوره
=السوره اللي على المعنـى ومكيـه
وإن كان نفسك على الشينات مجبوره
=والنـار ياميّـت النيـران مطفيـه
أجيك أنـا بنـت هالديـره ومأجـوره
=وتشوف بنت الوطن والجمره الحيه
أجيك وتشوف بنت السبـع مسعـوره
=وأخرك معروف والدعوى طبيعيـه
الوقت معـروف فـي زنـات دبـوره
=يخرّب العش وهو العـش راعيّـه
ماهي بشرَبه من الغـوري وشابـوره
=بعض الحكاوي وفيه حدود محميـه
خذها ولا أقـول لا رديّـت مشكـوره
=من واجبي لا دفعت الشر والسيّـه
بأول خطوط الدفـاع وراس طابـوره
=أصـد وأرد والصـدّه هجومـيـه
خذها وأنا بنت قوم المجد وحضـوره
=مني وأنا من بنات الـدار نجديـه
من نجد ماجيت أنا المغرب وناطـوره
=وماجيت حد اليمن ما كنت مصريه
خذها وأنا ماعرف الحمراء ولا شتوره
=ولا جيت عماّن وإلا كنـت شاميـه
ولا نيب من بابل النهريـن وآشـوره
=وإلا بعد من بنات الشرق شرقيـه
خذها وأنا من عظيم الشان منصـوره
=من نجد ماقول أنا شقراء وغربيـه
أعيّد العيـد مـا عوشـر بعاشـوره
=الدين الاسـلام والمنهـاج سنيـه
خذها ونفسي على المسفـار مأمـوره
=والنفس معروف مأموره ومنهيـه
ماقلتها من غضب بالوقـت مقهـوره
=على الملا وإن بغيت السلم سلميـه
خذها وأنا بنت روس الطيب وصقوره
=الجد قحطـان والمنشـأ قصيميـه
الشاعره أم أديم