شاعر روق للاهميه والعله القويه

[علي العضياني]

الاوله يالقاضي اللي من مشاهير القضاه =مايبلش العربان هذا الوقت غير اقضاتها
والثانيه طاروقك الاول ترانا ما نباه=اللي تنقد ردها واللي تنومس هاتها

[شاعر روق]

الاوله ياللي ترك ربعه ولقاهم قفاه=خلا وجوبه والجماعه مااحتسى شرهاتها
والثانيه درب الرديه مامشت رجلي علاه=امشي على نهج الجدود اللي حفظت وصاتها

[متعب العتيبي]

ايييييييييييييييييييه

زان اللعب زان

انا تراني ماسك المشعاب

افهموها

ههههههههههههههههههههه

[شاعر روق]

هههههههههههههههههه
خلك فراع بس لاينوش احد منا

هلابك وبحضورك الراقي ياراقي


تقديري

[علي العضياني]

كلن على حسب عمله ياصاحبي ياخذ جزاه=وضيف العرب عند العرب يحرص على مرضاتها
انته موصى مار اظنك مانت داري بالوصاه=لكن لاتخلط حسانيها على سياتها

[شاعر روق]

ارض العرب وازعل رفيقك لاتعنا في رضاه=سكر سموعك وابعد العالم بدت وقفاتها
انا موصا وانته اللي سال سمنك فوق ماه=مانته من احيا الناس اعدك دوم ضمن امواتها

[علي العضياني]

انا رفيقي مااتبعه لن كان ربي ماهداه=لوكثر الشكوىمن الدنيا ومن لوعاتها
خل المشاكل واطلب الله في السلامه والنجاه=لوقلت مهما قلت كبدك ماطفت حساتها

[شاعر روق]

ماهوب شاكيلك لك الله دام سيفه في يداه=ياللي ترجى عمةِ ماشاورت عماتها
كبدي بخير وعافيه وابليس ملعونِ ثواه=يهجد صباح وليل وعيونه بدت حسراتها

[علي العضياني]

كم واحد يشيل سيفه بس ماحصل عشاه=وده يفيد الفيد مير يصير من صيداتها
كبدك يداويهاالطيب اللي يبى يشفي دواه=لوكان علتها قويه كاشف علاتها

[علي العضياني]

شاعر روق لك جزيل شكري وتصبح على خير

[شاعر روق]

وكم واحدِ راسه تحت حده مبشّر بالذكاه=يوم ان بعضات السيوف مثلّمه سلاتها
العله انك عضو مني بس ماحولك شلاه=ميت ولا حولك حياةِ تستطيع اثباتها

[شاعر روق]

الحر الاشقر والشكر لك ايضا لسمو خلقك
وتصبح على الف خير

اخوك

[{ابن ثابت}]

الله يوفقكم

ما قصرتم على الطاااااروق الجزل

[((الدلبحي))]

الحر الاشقر

الله يحييك وسعداء لوجودك

شاعر روق تسلم على لعبك الجزل

مشكورين يالربع على الطاروق الجزل

تحياااااااااااااااااااااااااااااااااااااتي

[ملفي العضياني]

تسلمون يالربع على اللعب الكايف
والجزل والمعنى
تحياااااااااتي